Gadchiroli Shocker: जंगलात सेल्फी घेणे जीवावर बेतले; हत्तीने तरुणाला चिरडले, जागीच मृत्यू, गडचिरोलीच्या कुनघाडामधील घटना
एक हत्ती जंगलात फिरत असल्याची माहिती श्रीकांत व त्याच्या साथीदारांना मिळाली. हत्ती पाहण्याच्या उत्साहात श्रीकांत आणि त्याचे दोन साथीदार गुरुवारी सकाळी साडेआठच्या सुमारास जंगलात गेले. हत्तीसोबत सेल्फी घेण्यासाठी श्रीकांत हत्तीजवळ पोहोचताच हत्तीने त्याच्यावर हल्ला केला.
महाराष्ट्रातील गडचिरोली येथून एक धक्कादायक घटना समोर आली आहे. येथे जंगलात काम करणाऱ्या मजुराचा रानटी हत्तीच्या हल्ल्यात मृत्यू झाला. गडचिरोलीच्या चामोर्शी तालुक्यातील आबापूर जंगलात हा अपघात झाला. येथील 23 वर्षीय मजूर श्रीकांत रामचंद्र सत्रे हा मित्रांसह जंगलात गेला होता. यावेळी त्याने जंगली हत्तीसमोर सेल्फी घेण्याचा प्रयत्न केला. मात्र त्यावेळी हत्तीने त्याच्यावर हल्ला केला. या हल्ल्यात हत्तीच्या पायाखाली चिरडून श्रीकांतचा मृत्यू झाला. माहितीनुसार, श्रीकांत सत्रे हा नवेगाव भुजाळा जिल्हा चंद्रपूर येथील रहिवासी होता. गडचिरोली जिल्ह्यात केबल टाकण्याचे काम करण्यासाठी तो सहकाऱ्यांसोबत आला होता.
यावेळी एक हत्ती जंगलात फिरत असल्याची माहिती श्रीकांत व त्याच्या साथीदारांना मिळाली. हत्ती पाहण्याच्या उत्साहात श्रीकांत आणि त्याचे दोन साथीदार गुरुवारी सकाळी साडेआठच्या सुमारास जंगलात गेले. हत्तीसोबत सेल्फी घेण्यासाठी श्रीकांत हत्तीजवळ पोहोचताच हत्तीने त्याच्यावर हल्ला केला. जंगली हत्तीने श्रीकांतला पायदळी तुडवले. यात श्रीकांतचा जागीच मृत्यू झाला. हा अपघात पाहून उर्वरित दोन साथीदार जीव वाचवण्यासाठी पळून गेले. या घटनेची माहिती मिळताच वनविभागाचे अधिकारी व पोलीस घटनास्थळी दाखल झाले. या घटनेनंतर परिसरातील नागरिकांमध्ये भीतीचे वातावरण आहे. अधिकाऱ्यांनी कामगार आणि स्थानिक लोकांना वन्य प्राण्यांपासून दूर राहण्याचे आणि सावधगिरी बाळगण्याचे आवाहन केले आहे. (हेही वाचा: Viral Video: घराच्या सोफ्याच्या आत लपला होता किंग कोब्रा, पुढे जे झाले ते पाहून बसेल धक्का)
हत्तीच्या हल्ल्यात व्यक्तीचा मृत्यू-
Maharashtra: Man Trampled to Death While Taking Selfie With Wild Elephant in Gadchiroli’s Kunghada Foresthttps://t.co/c5A1uVfhra#Maharashtra #Gadchiroli #ElephantAttack
— LatestLY (@latestly) October 25, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Jan 01, 1970 05:30 AM IST. For more news and updates on politics, world, sports, entertainment and lifestyle, log on to our website latestly.com).
