BPPS मधून योगा टिचर ट्रेनिंग कोर्स केल्यास सरकारी योगा डिप्लोमा मिळणार? PIB Fact Check ने केला व्हायरल जाहिरातीचा खुलासा
भारतीय प्रौद्योगिक प्रशिक्षण संस्थेतून योगा टिचर ट्रेनिंग कोर्स केल्यास प्रशिक्षणार्थींना योगा डिप्लोमा देण्यात येत आहे, अशी जाहिरात सध्या सोशल मीडियावर फिरत आहे. पहा काय आहे त्यामागील सत्य...
भारतीय प्रौद्योगिक प्रशिक्षण संस्थेतून (Bhartiya Prodyogik Prashikshan Sansthan) योगा टिचर ट्रेनिंग कोर्स (Yoga Teacher Training) केल्यास प्रशिक्षणार्थींना सरकारी योगा डिप्लोमा (Yoga Government Diploma) देण्यात येत आहे, अशी जाहिरात सध्या सोशल मीडियावर फिरत आहे. यात जाहिरातीत असे म्हटले आहे की, इच्छुकांनी BPPS मधून योगा टिचर ट्रेनिंग कोर्स केल्यास त्यांना MSME मंत्रालय आणि आयुष मंत्रालयाकडून प्रमाणपत्र देण्यात येईल. 10 दिवसांचे योगा वर्कशॉप अर्जदाराच्या सोयीनुसार कोणत्याही भागात घेतले जाईल. यासाठी केवळ 9750 रुपये फी असल्याचे सांगण्यात आले आहे. या कोर्समध्ये अॅडमिशन घेण्यासाठी आधार कार्ड आणि 3 पासपोर्ट साईज फोटोची आवश्यकता आहे. असेही या जाहिरातीत पुढे सांगण्यात आले आहे.
या व्हायरल होणाऱ्या जाहिरातीची पडताळणी पीआयबी फॅक्ट चेककडून करण्यात आली तेव्हा ही जाहिरात खोटी आणि दिशाभूल करणारी असल्याचे उघडकीस आले. "हा दावा दिशाभूल करणारा आहे. MSME मंत्रालय आणि आयुष मंत्रालयाकडून अशा प्रकारचा कोणताही कोर्स सुरु करण्यात आलेला नाही किंवा कोणत्याही कोर्ससाठी सरकारी प्रमाणपत्र दिले जात नाही," असे सांगण्यात आले आहे. (हे ही वाचा: 1 सप्टेंबर पासून विजेचे बिल माफ करण्यासाठी केंद्र सरकार आणणार स्पेशल योजना? PIB ने केला खुलासा)
Fact Check by PIB:
दावा : एक विज्ञापन में यह दावा किया गया है कि 'BPPS' से योगा टीचर ट्रेनिंग कोर्स करने पर 'सरकारी डिप्लोमा' दिया जाएगा।
#PIBfactcheck : यह दावा भ्रामक है।@minmsme एवं @moayush ऐसे किसी भी कोर्स से जुड़े हुए नहीं हैं और ना ही ऐसे किसी कोर्स को सरकारी प्रमाणिकता प्रदान करते हैं। pic.twitter.com/DyxHcBMZvq
— PIB Fact Check (@PIBFactCheck) September 2, 2020
कोरोना व्हायरसच्या संकटकाळात फेक आणि दिशाभूल करणारे मेसेज, न्यूज यांना पेव फुटल होते. सोशल मीडियावर अशा प्रकराचे मेसेजेस जोरदार व्हायरल होत होते. दरम्यान अशा प्रकारच्या व्हायरल मेसेजेसवर विश्वास ठेऊ नका अशा प्रकारचे आवाहन सरकारकडून वारंवार करण्यात येत होते.
(The above story first appeared on LatestLY on Sep 03, 2020 09:30 AM IST. For more news and updates on politics, world, sports, entertainment and lifestyle, log on to our website latestly.com).
