Loudspeaker Row: मुंबईत लाऊडस्पीकरबाबत सुप्रीम कोर्टाचा आदेश धुडकावला, दोन मशिदींवर गुन्हा दाखल

सुप्रीम कोर्टाचे (Suprem Court) आदेश मुंबईत लाऊडस्पीकरवरून (Mumbai Loudspeker) उडताना दिसत आहे. मुंबईतील वांद्रे आणि सांताक्रूझ भागातील दोन मशिदींनी सर्वोच्च न्यायालयाच्या आदेशाचे उल्लंघन केले आहे. या प्रकरणी पोलिसांनी दोन्ही मशिदींविरुद्ध गुन्हा दाखल केला आहे. खरे तर सकाळी 6 ते रात्री 10 या वेळेत कोणी स्पीकर वाजवत असेल तर त्याने ठरवून दिलेल्या डेसिबलच्या नियमांचे पालन करणे आवश्यक आहे. मात्र मुंबईतील दोन मशिदींनी त्याचे पालन केले नाही, या आरोपावरून पोलिसांनी वांद्रे येथील नूरानी मशीद आणि सांताक्रूझ येथील कब्रस्तान मशिदीविरुद्ध गुन्हा दाखल केला आहे. वांद्रे येथील नूरानी मशिदीच्या व्यवस्थापनावर सर्वोच्च न्यायालयाच्या नियमांचे पालन न केल्याचा आरोप आहे. यामुळे, वांद्रे पोलिसांनी मशिदीच्या व्यवस्थापनाविरुद्ध आयपीसीच्या कलम 188 आणि महाराष्ट्र पोलीस कायद्याच्या कलम 37(1),(3),135 आणि कलम 33(आर)(3) अन्वये गुन्हा दाखल केला आहे. त्यामुळे सांताक्रूझ पोलिसांनी लिंक रोडवर असलेल्या कब्रस्तान मशिदीशी संबंधित लोकांवरही नियमांकडे दुर्लक्ष केल्याप्रकरणी गुन्हा दाखल केला आहे.

लाऊडस्पीकर आणि राजकारण

राज्यात सध्या लाऊडस्पीकरचा वाद जोरात सुरू आहे. याबाबत अनेक गदारोळ उठले आहेत. ताजं प्रकरण म्हणजे मनसे प्रमुख राज ठाकरे यांच्याशी संबंधित आहे, त्यांनी महाराष्ट्र सरकारला मशिदींमधून लाऊडस्पीकर हटवण्याचा अल्टिमेटम दिला होता, अन्यथा परिणामांना सामोरे जावे लागेल, अशी धमकी त्यांनी दिली होती. तसे न केल्यास राज्यातील सर्व मशिदींसमोर लाऊडस्पीकरवर हनुमान चालिसाचे पठण करण्यात येईल. दरम्यान राज्यातील भोंग्याचा आवाज कमी झालेला आहे. तसेच त्या बाबतीत राज्य सरकारकडून काही नियमही करण्यात आले आहे.

सर्वोच्च न्यायालयाचा काय आहे आदेश 

2005 मध्ये सर्वोच्च न्यायालयाने रात्री 10 ते सकाळी 6 या वेळेत कोणत्याही सार्वजनिक ठिकाणी गोंगाट करणाऱ्या उपकरणांवर बंदी घातली होती. या आदेशानुसार लाऊडस्पीकर वाजवण्यापासून ते मोठ्या आवाजात संगीत, फटाके फोडण्यापासून हॉर्न वाजवण्यापर्यंत बंदी घालण्यात आली आहे. सरन्यायाधीश आर सी लाहोटी आणि न्यायमूर्ती अशोक भान यांच्या खंडपीठाने हा आदेश दिला. (हे देखील वाचा: मौलवींकडून लाऊडस्पीकर वर अझान बंद करणार असल्याचं लेखी घ्या अन्यथा पोलिस स्थानकांसमोर हनुमान चालिसा लावू - पुणे मनसे)

या कलमाने आपल्या आदेशात रात्रीच्या वेळी ध्वनिप्रदूषण करणाऱ्या कोणत्याही उपकरणांचा वापर करण्यास मनाई केली आहे. सार्वजनिक ठिकाणी लावलेल्या लाऊडस्पीकरचा आवाज त्या क्षेत्रासाठी निश्चित केलेल्या ध्वनी मानकांपेक्षा जास्त नसावा, असा निर्णय सर्वोच्च न्यायालयाने दिला होता. न्यायालयाने म्हटले आहे की, जेथे निश्चित मानकांचे उल्लंघन होत असेल तेथे राज्यांनी लाऊडस्पीकर आणि उपकरणे जप्त करण्याबाबत तरतूद करावी.

(The above story first appeared on LatestLY on May 07, 2022 04:22 PM IST. For more news and updates on politics, world, sports, entertainment and lifestyle, log on to our website latestly.com).