QuickLY
Socially
Thane: ठाणे जिल्ह्यातून अत्यंत धक्कादायक बातमी समोर येत आहे. अवघ्या दीड वर्षात 93 अल्पवयीन मुली आणि 55 अल्पवयीन मुले बेपत्ता (Missing) झाल्याचा धक्कादायक खुलासा डोंबिवली (Dombivli) पोलिसांनी केला आहे. 84 मुली आणि 54 मुलांची सुटका करण्यात यश आले असले तरी अद्याप 9 मुली आणि 1 मुलगा बेपत्ता आहे.
हरवलेल्या मुलांच्या पालकांनी त्यांच्याशी मैत्रीपूर्ण संबंध वाढवावे, असं आवाहन डोंबिवली पोलिसांनी केलं आहे. डोंबिवली शहरात मानपाडा, विष्णुनगर, टिळकनगर आणि रामनगर अशी चार पोलीस ठाणी आहेत. (हेही वाचा - Thane Fire: ठाण्यात शिवाजी नगर परिसरात आग; 4 जण गंभीर जखमी (Watch Video))
दीड वर्षात 148 अल्पवयीन बेपत्ता -
डोंबिवलीचे सहाय्यक पोलिस आयुक्त सुनील कुराडे यांनी दिलेल्या माहितीनुसार, गेल्या दीड वर्षात या पोलिस ठाण्यांच्या हद्दीत एकूण 148 मुले बेपत्ता झाली आहेत. बेपत्ता होण्यामागे कौटुंबिक वाद, नैराश्य, फसवणूक, लग्नाचे आमिष, प्रेमप्रकरण यांचा समावेश असल्याचे प्राथमिक तपासात समोर आले आहे. पळून जाणाऱ्या मुलींनी कोणताही पुरावा मागे ठेवला नसल्याचेही दिसून आले.
कुराडे यांनी पालकांना त्यांच्या मुलांची शाळा आणि महाविद्यालयातील मैत्री, क्रियाकलाप आणि मानसिकतेवर बारकाईने लक्ष ठेवण्याच्या महत्त्वावर भर दिला. पोलिसांनी पालकांना त्यांच्या मुलांची सुरक्षा आणि कल्याण सुनिश्चित करण्यासाठी सक्रिय उपाययोजना करण्याचं आवाहन केलं आहे.
