MHADA Mumbai Housing Lottery Results on mhada.gov.in: म्हाडा मुंबई हाऊसिंग लॉटरीचा निकाल 8 ऑक्टोबरला; घ्या अधिक जाणून
MHADA Mumbai Result: म्हाडा मुंबई हाऊसिंग लॉटरीचा निकाल 8 ऑक्टोबर रोजी जाहीर होणार आहे. ड्रॉमध्ये तुमची निवड झाल्यास घरासाठी पैसे कसे द्यावे यासह पुढील पायऱ्यांबद्दल जाणून घ्या.
Real Estate News Maharashtra: मुंबई शहरातील बहुप्रतिक्षित महाराष्ट्र गृहनिर्माण आणि क्षेत्रविकास प्राधिकरणाच्या (MHADA) मुंबई मंडळातील 2030 घरांच्या लॉटरीचा (MHADA Housing Lottery) निकाल 8 ऑक्टोबर रोजी जाहीर होणार आहे. अर्जदारांपैकी कोण या लॉटरीमध्ये घर (Housing Schemes Maharashtra) मिळवू शकेल आणि कोणाला दुसऱ्या संधीची प्रतीक्षा करावी लागेल हे निकालांदरम्यान पुढे येईल. म्हाडा लॉटरी सोडत काही तासांवर येऊन ठेपली आहे. अशा वेळी लॉटरीमध्ये घर जिंकल्यानंतर पुढे काय होईल याबद्दल तपशीलवार माहिती आपण येथे घेऊ शकता.
कोठे पाहाल निकाल?
लॉटरीदरम्यान विजेत्या आणि प्रतीक्षा अर्जदारांची यादी म्हाडा त्यांच्या अधिकृत संकेतस्थळ mhada.gov.in आणि mhada.gov.in वर प्रकाशित करेल. तीच माहिती मोबाइल अॅप-म्हाडा हाऊसिंग लॉटरी सिस्टमवर देखील उपलब्ध असेल. MHADA IHLMS 2.0 प्रणालीद्वारे संगणकीकृत ड्रॉ पार पाडला जाणार आहे. संगणकीकृत ड्रॉमध्ये निवड झालेल्या अर्जदारांना तात्पुरते प्रमाणपत्र ऑनलाइन प्राप्त होईल. म्हाडा पोर्टलवर त्यांच्या ऑनलाईन लॉगिनद्वारे हे प्रमाणपत्र उपलब्ध असेल. (हेही वाचा, MHADA Lottery 2024: मुंबई मध्ये 2030 घरांसाठी 68000 अर्जदार; 19 सप्टेंबर पर्यंत करता येणार अर्ज)
कोणताही गैरव्यवहार झाल्यास वाटप तत्काळ स्थगित
म्हाडाने स्पष्ट केले आहे की, लॉटरी प्रणाली पारदर्शकता सुनिश्चित करत असताना, अर्जदारांनी अर्ज प्रक्रियेदरम्यान सादर केलेली सर्व कागदपत्रे अस्सल असल्याची खात्री केली पाहिजे. अर्जदाराने सादर केलेली कोणतीही कागदपत्रे, प्रमाणपत्रे किंवा पुरावे खोटे किंवा फसवे असल्याचे आढळून आल्यास कोणत्याही टप्प्यावर वाटप रद्द करण्याचा अधिकार म्हाडा राखून ठेवते. (नक्की वाचा: MHADA Mumbai Lottery: म्हाडा मुंबई लॉटरी घरांच्या किंमतीमध्ये मोठी कपात, EWS, LIG, MIG आणि HIG श्रेणींसाठी नवीन दर जाहीर .)
10 दिवसांच्या आत स्वीकृती पत्र सादर करणे
म्हाडा लॉटरी विजेत्या अर्जदारांनी त्यांना संगणकीकृत प्रणालीद्वारे पात्र झालेले स्वीकृती पत्र कामकाजाच्या 10 दिवसांच्या आत सादर संबंधित कार्यालयाकडे सादर करणे अनिवार्य आहे. निर्दिष्ट कालावधीत स्वीकृती पत्र सादर करण्यात अयशस्वी झाल्यास अनामत रक्कमेतून 1000 वजावट करुन उर्वरित रक्कम विना व्याज अर्जदाराला परत केली जाईल. हा व्यवहार अर्जदाराने दिलेल्या बँक खात्या RTGS / NEFT द्वारे अर्जदाराच्या बँक खात्यात परत केली जाईल.
अयशस्वी अर्जदारांसाठी ठेवी परतावा
ज्या अर्जदारांची निवड ड्रॉमध्ये झाली नाही किंवा जे प्रतीक्षा यादीत राहिले आहेत, त्यांना म्हाडा ठेवीची रक्कम परत करेल (अर्ज शुल्क रु. 500 + 18% जीएसटी (कोणत्याही व्याजाशिवाय) इलेक्ट्रॉनिक क्लियरिंग सिस्टम (E.C.S.) द्वारे परतावा प्रक्रिया केली जाईल. किंवा अर्ज प्रक्रियेदरम्यान अर्जदाराने दिलेल्या बँक खात्यात एनईएफटी केली जाईल.
दरम्यान, म्हाडा लॉटरी सोडत निकालाबाबत तारीख जवळ येत असताना अर्जदारांनी अद्ययावत माहितीसाठी अधिकृत संकेतस्थळाशी संपर्क साधावा.
(The above story first appeared on LatestLY on Oct 07, 2024 03:26 PM IST. For more news and updates on politics, world, sports, entertainment and lifestyle, log on to our website latestly.com).
