Monsoon Live Update: मुंबईत म्हणावी तशी पावसाला सुरु झाली नसली तरीही महाराष्ट्रात पावसाला सुरुवात झाली आहे. ही सुरुवात अपेक्षेप्रमाणे नसली तरीही पुणे, कोकण, मध्य महाराष्ट्र, विदर्भ आणि मराठवाडा या भागात पावसाला सुरुवात झाली असून अन्य भागात केवळ ढगांचा गडगडाट आणि तुरळक पाऊस पडत आहे. दरवर्षी प्रमाणे यंदाचा पावसाचे 13 दिवस उशिराने आगमन झाल्याने नागरिक तसेच मुख्यत: शेतकरी वर्ग प्रचंड चिंतेत आहे.

प्रादेशिक हवामान विभागाचा अंदाज काय?

1. मुंबई, ठाणे, पालघर येथे 27आणि 28 जून रोजी एक-दोन ठिकाणी पावसाच्या सरी कोसळतील.

2. रत्नागिरी, सिंधुदुर्ग येथे एक-दोन ठिकाणी 28 जूनपर्यंत जोरदार सरींची शक्याता.

3. धुळे, नंदूरबार, अहमदनगर, कोल्हापूर, सांगली, सोलापूर येथे मंगळवारी एक-दोन ठिकाणी जोरदार पाऊसाची शक्यता.

4. पूर्व आणि पश्चिम विदर्भामध्ये 25 ते 28 जून या कालावधीत काही ठिकाणी तुरळक पावसाची शक्यता.

हेही वाचा- Maharashtra Monsoon Update: मुंबई शहरासह उर्वरीत महाराष्ट्रात वरुनराजा बरसला; पाहा कोणकोणत्या ठिकाणी पडला पाऊस

आजवरचा इतिहास पाहता अपवाद वगळता मान्सून नेहमी कोकण, मुंबईत पहिल्यांदा दाखल होतो. यंदा मात्र, मुंबईच्याही आदी मान्सून उर्वरीत महाराष्ट्रात पोहोचला. यंदा हा अपवाद पाहायला मिळाला. अरबी समुद्रातील मान्सून शाखेच्या तुलनेत बंगालच्या उपसागरातील मान्सूनची शाखा अधिक सक्रीय असल्याने असे घडल्याचे हवामान अभ्यासक सांगतात. दरम्यान, मान्सून मराठवाड्यात पोहोचला आहे. मान्सूनच्या काही सरीही मराठवाड्यात कोसळल्या. मात्र, दमदार मान्सून पावसाची अद्यापही प्रतिक्षाच आहे. ताज्या अपडेट्स साठी पाहत राहा लेटेस्टली मराठी