QuickLY
Socially
Call Forwarding Fraud: सावधान! सायबर फसवणूक (Cyber Fraud) करणाऱ्यांनी व्हॉट्सॲप अकाउंट हॅक (WhatsApp Hack) करण्यासाठी नवीन आणि अत्याधुनिक पद्धती शोधल्याचे पुढे आले आहे. खास करुन हे हॅकर्स सामान्य नागरिक आणि वापरकर्त्यांना त्यांच्या वैयक्तिक चॅट्स आणि संपर्क यादीत प्रवेश मिळवतात, विश्वास संपादन किंवा तंत्रज्ञानाचा वापर करुन फसवतात. स्कॅमर अनेकदा हॅक केलेल्या अकाउंटचा गैरवापर पैशांची मागणी तातडीने करण्यासाठी करतात. अनेकदा ते, वैद्यकीय आणीबाणी किंवा इतर अत्यंत अडणचीच्या स्थितीत असल्याचे सांगतात. धक्कादाय म्हणजे हा संदेज वापरकर्त्यांच्या फोन किंवा व्हॉट्सॲप अकाउंटवरुन गेल्याने समोरील व्यक्तिचाही विश्वास बसतो आणि तो पैसे पाठवतो. जे हॅकरकडे जमा होतात. यातून पैसे पाठवणारा आणि ज्याच्या मोबाईलवरुन संदेश गेला आहे तो वापरकर्ता असे दोघेही एकाच वेळी फसवले जातात. डिजिटल सुरक्षीतता (Digital Security) वाढवून नागरिक नक्कीच स्वत:ला फसवणुकीपासून दूर ठेऊ शकतात.
हॅकर्स व्हॉट्सॲप अकाउंट्स कसे चोरतात?
सायबर गुन्हेगार पीडितांच्या व्हॉट्सॲप अकाउंट्सवर नियंत्रण मिळवण्यासाठी अनेकदा फसव्या तंत्रांचा वापर करतात:
- बनावट पडताळणी कोड विनंत्या: हॅकर्स पीडिताच्या नंबरवरून सहा-अंकी व्हॉट्सॲप पडताळणी कोड पाठवतात. एकदा पीडिताने नकळत तो शेअर केला की, हॅकरला खात्याचा पूर्ण प्रवेश मिळतो.
- कॉल फॉरवर्डिंग स्कॅम: फसवणूक करणारे कुरिअर सेवा प्रतिनिधी म्हणून स्वतःला सादर करतात, पीडितांना विशिष्ट नंबर डायल करण्यास सांगतात. हा नंबर, बहुतेकदा *21* ने सुरू होतो, नकळत कॉल फॉरवर्डिंग सक्रिय करतो, पीडिताला व्हॉट्सॲपमधून लॉग आउट करतो आणि त्यांचे कॉल आणि संदेश हॅकरकडे पुनर्निर्देशित करतो.
- तोतयागिरी घोटाळा: हॅकर्स स्वतःला मित्र म्हणून सादर करतात आणि ओटीपीची विनंती करतात, अनेकदा लोक आपल्या कामात व्यग्र असतात. ज्यामुळे ते कोणतीही खातरजमा न करता ओटीपी पाठवून देतात. एकदा ओटीपी शेअर केला की, हॅकर पीडिताला त्यांच्या व्हॉट्सॲपवरून लॉक करतो.
फसवणूक झालेले अनेक पीडित त्यांचे अनुभव सांगतात
अनेक व्यक्ती या घोटाळ्यांना बळी पडल्या आहेत, ज्यामुळे वैयक्तिक खात्यांमध्ये प्रवेश गमावण्याची फसवणूक करणे किती सोपे आहे हे अधोरेखित होते.
पत्रकाराचे व्हॉट्सॲप हायजॅक: मुंबईतील एका पत्रकाराने 'मीड डे'शी सांगितले की, त्यांना ब्लू डार्टचा प्रतिनिधी असल्याचा दावा करणाऱ्या एका अज्ञात व्यक्तीचा फोन आला आणि त्यांनी त्यांना नंबर डायल करण्यास सांगितले. त्यानंतर लगेचच त्यांचे व्हॉट्सॲप हॅक झाले आणि त्यांच्या संपर्कांना 42,000 रुपयांची मागणी करणारे बनावट संदेश येऊ लागले. काहींनी तर सदर फसवणुकीबाबत तक्रारकरण्यापूर्वीच पैसे ट्रान्सफर केले.
चित्रपट क्युरेटरचे व्हॉट्सॲप लॉकआउट: चित्रपट क्युरेटर आणि स्तंभलेखिका मीनाक्षी शेड्डे हिने एका मित्राकडून ओटीपी विनंती मिळाल्यानंतर महिनाभर तिचा व्हॉट्सॲप वापरला नाही. अमेरिकेत पोहोचल्यावर, तिला आढळले की तिचे व्हॉट्सॲप हॅक झाले आहे, फसवणूक होऊ नये म्हणून लोकांनी तिचा नंबर ब्लॉक केला आहे. व्हॉट्सॲप आणि पोलिसांच्या सायबर क्राइम युनिट्सशी संपर्क साधूनही, तिला तिचे खाते परत मिळवण्यासाठी संघर्ष करावा लागला, शेवटी ती एका तंत्रज्ञानात निपूण असलेल्या एका शेजाऱ्यावर मदतीसाठी अवलंबून राहिली.
तज्ज्ञांचा सल्ला: फसवणूक कशी टाळावी?
सायबरसुरक्षा तज्ञ माहिती देताना अनेक सोप्या बाबी सांगतात. ज्यांचा वापर करुन सर्वसामान्य नागरिक स्वत:ला अशा फसवणुकीपासून शक्य तितके दूर ठेऊ शकतात. या बाबी खालीलप्रमाणे:
सायबर धोके आणि घोटाळे वाढत असताना, डिजिटल खात्यांचे संरक्षण करण्यासाठी सतर्क आणि सक्रिय राहणे अत्यंत महत्वाचे आहे. सायबर गुन्हेगार त्यांच्या नवनव्या पद्धती विकसित करत राहतात. परंतु, नागरिक मूलभूत सुरक्षा पद्धतींचे पालन करून, वापरकर्ते हॅक होण्याचा धोका लक्षणीयरीत्या कमी करू शकतात.
