Maharashtra Economy

Maharashtra Economy Bigger Than Pakistans: भारताविरुद्ध नेहमीच विष ओकणारा शेजारी देश पाकिस्तानची आर्थिक स्थिती पूर्वीपेक्षा वाईट झाली आहे. भारताच्या राज्य देशांतर्गत उत्पादनाशी (GSDP) पाकिस्तानची स्पर्धाही होऊ शकत नाही. पाकिस्तानची आर्थिक स्थिती इतकी बिकट झाली आहे की, एकट्या महाराष्ट्राने त्याला अर्थव्यवस्थेच्या बाबतीत मागे टाकले आहे. 2022-23 च्या आकडेवारीनुसार, महाराष्ट्राचा जीडीपी 439 अब्ज डॉलर्स आहे, तर पाकिस्तानची अर्थव्यवस्था 338 अब्ज डॉलर्स आहे. आर्थिक सर्वेक्षण 2023-24 नुसार, महाराष्ट्राची अर्थव्यवस्था 7.6 टक्क्यांनी वाढण्याची अपेक्षा आहे. 2024 मध्ये भारताचा जीडीपी $ 3,397 अब्ज इतका आहे.

स्वातंत्र्यानंतर महाराष्ट्राची आर्थिक स्थिती फारशी चांगली नव्हती. तुम्हाला हे जाणून आश्चर्य वाटेल की, 1973 पर्यंत महाराष्ट्राची अर्थव्यवस्था पश्चिम बंगालच्या तुलनेत कमी होती. पण आता महाराष्ट्राने केवळ पश्चिम बंगालच नाही तर भारतातील इतर राज्यांनाही मागे टाकले आहे आणि त्याचा जीएसडीपी पाकिस्तानपेक्षाही जास्त झाला आहे. भारताच्या एकूण जीडीपीमध्ये महाराष्ट्राचा वाटा 14 टक्के आहे. महत्वाचे म्हणजे भारतातील सुमारे 200 अब्जाधीशांपैकी 94 एकट्या मुंबईत राहतात.

महाराष्ट्राची अर्थव्यवस्था अग्रेसर ठेवण्यासाठी अनेक क्षेत्रे महत्त्वाची भूमिका बजावतात. यापैकी सर्वात प्रमुख उद्योग आणि कृषी वस्त्र उद्योग आहेत. मुंबई, नागपूर, सोलापूर, अकोला, अमरावती येथे कापडाचे मोठे कारखाने आहेत. कराच्या बाबतीतही महाराष्ट्र आघाडीवर आहे. बिझनेस टायकून मुकेश अंबानी आणि बॉलिवूडचे बडे सेलिब्रिटीही मुंबईत राहतात. इतर राज्यांच्या तुलनेत येथील महापालिकेकडे सर्वाधिक संसाधने आहेत. (हेही वाचा: Only Non-Maharashtrian: मुंबईमधील 'Arya Gold' ने प्रसिद्ध केली केवळ 'अमराठी' लोक हवे असणारी नोकरीची जाहिरात; सोशल मिडियावर कडाडून विरोध, Sushma Andhare यांची शिंदे सरकारवर टीका)

आर्थिक दृष्टिकोनातून, महाराष्ट्र हे भारताचे प्रमुख आर्थिक केंद्र आहे, तर पाकिस्तान स्वतःच्या आर्थिक आव्हानांना तोंड देत आहे. शिक्षण आणि आरोग्य सुविधांच्या बाबतीतही महाराष्ट्र पाकिस्तानच्या पुढे आहे. याआधी, मुंबई हे देशाचे पॉवर हाऊस असून महाराष्ट्राला जगातील शक्ती केंद्र आणि मुंबईला फिनटेक कॅपिटल बनविणे हे स्वप्न असल्याचे पंतप्रधान नरेंद्र मोदी यांनी सांगितले होते. जीडीपीनुसार देशात महाराष्ट्रानंतर तामिळनाडू, उत्तर प्रदेश, कर्नाटक आणि गुजरातचा क्रमांक लागतो.