Maharashtra Rains Update | (Image Used For Representational purpose Only | Photo Credits: Pixabay.com

राज्यात उकाडा वाढत असला तरी हवामानात कधीही बदल होतो ज्यामुळे कधी मेघगर्जनेसह धो-धो पाऊस देखील पडतो. अशावेळी शेतात करणा-या शेतक-यांना कधी कधी काय करावे ते सुचत नाही. अशावेळी कोणती खबरदारी घ्यावी हेच ब-याचदा अनेकांच्या लक्षात येत नाही. शेतात असताना मेघगर्जना (Tips for Farmers) होत असल्यास काही ठराविक गोष्टींची काळजी घेणे गरजेचे आहे. त्यासाठी खास प्रादेशिक हवामान व विज्ञान केंद्राने ट्विटद्वारे याबाबत माहिती दिली आहे.

शेतात असताना वीज चमकल्यास काय करावे?

  • फळबागा आणि भाजीपाल्यामध्ये आधार व यांत्रिक साहाय्य द्यावे.

  • प्राण्यांना खुले पाणी, तलाव आणि नदीपासून दूर ठेवावे

  • शेतातील उभ्या पिकांमधील नको असलेले पाणी काढून टाका

  • जर शेतकरी शेतात असतील तर आणि त्यांना निवारा मिळाला नसेल तर उंच वस्तू टाळा. जवळपास तुरळक झाडं असल्यास त्याखाली जाऊन बसावे.

    शेतात असताना वीज चमकल्यास काय करु नये?

  • विद्युत उपकरणे, वायर वा केबलचा वापर टाळा

  • ट्रॅकर, शेतीची उपकरणे, दुचाकीपासून दूर राहा.

  • आपल्या प्राण्यांना झाडाखाली जमू देऊ नका. त्यांच्यावर लक्ष ठेवा.

हवामानाचा ऊन-पावसाचा खेळ हा सुरुच असतो. मात्र आपण योग्य ती खबरदारी घेतल्यास कोणतीही अडचण येणार नाही हे लक्षात ठेवा. शेतक-यांनी वीज चमकत असताना स्वत:ची तसेच आपल्या प्राण्याची काळजी घेणे गरजेचे आहे. साधारणपणे जूनच्या पहिल्या वा शेवटच्या आठवड्यात पावसाला सुरुवात होते. त्यानंतर हळूहळू राज्यात धो-धो पाऊस पडायला सुरुवात होईल. अशा वेळी शेतक-यांनी शेतात काम करताना वर दिलेल्या गोष्टी ध्यानात ठेवल्यास त्यांना सहसा अडचण येणार नाही.