Mumbai Rains: मुसळधार पावसामुळे पाणी साचल्याने अंधेरी सबवे वाहतुकीसाठी बंद; पर्यायी मार्गांचा वापर करण्याचे मुंबई पोलिसांचे ट्विटद्वारे आवाहन
मुंबईत कालपासून बरसत असलेल्या मुसळधार पावसाचा जौर आजही कायम आहे. त्यामुळे जागोजागी पाणी साचले असल्याने वाहतुकीला अडथळा निर्माण होत आहे. अंधेरी सबवे वाहतुकीसाठी बंद करण्यात आला आहे.
मुंबईत (Mumbai) कालपासून बरसत असलेल्या मुसळधार पावसाचा जोर आजही कायम आहे. त्यामुळे जागोजागी पाणी साचले असल्याने वाहतुकीला अडथळा निर्माण होत आहे. अंधेरी सबवे (Andheri Subway) वाहतुकीसाठी बंद करण्यात आला असून नागरिकांनी पर्यायी मार्गांचा वापर करावा असे मुंबई पोलिसांनी (Mumbai Police) ट्विटच्या माध्यमातून सांगितले आहे. नागरिकांच्या सुरक्षेसाठी हा निर्णय घेण्यात आला असून नागरिकांनी याचे पालन करावे, अशी विनंतीही मुंबई पोलिसांनी केली आहे.
काल सकाळपासून मुंबईत मुसळधार पावसाला सुरुवात झाली. सांताक्रुझ येथील वेधशाळेने दिलेल्या माहितीनुसार, मुंबई आणि मुंबई उपगनरात बुधवारी सकाळी 8.30 पासून गुरुवारी 8.30 पर्यंत 191.2mm पावसाची नोंद झाली आहे. तसंच आजही पावसाचा जोर कायम राहणार असल्याची माहिती हवामान खात्याने दिली आहे. त्यामुळे गैरसोय टाळण्यासाठी आणि सुरक्षेच्या दृष्टीने मुंबई पोलिसांनी दिलेल्या सूचनांचे पालन करणे आवश्यक आहे.
Mumbai Police Tweet:
Andheri Subway has been shut for vehicular movement due to water logging. Citizens are requested to use alternate route for travelling.#TrafficUpdate #TrafficUpdateMumbai #MonsoonSafetyMumbai #TravelSafeMumbai pic.twitter.com/KN1lr6lcOe
— Mumbai Police (@MumbaiPolice) July 16, 2020
कालही मुसळधार पावसामुळे किंग्ज सर्कल, हिंदमाता, अंधेरी येथील रस्ते जलमय झाले होते. त्यामुळे वाहतुकीची समस्या उद्भवली होती. मात्र पाणी ओसरताच रस्ते वाहतुकीसाठी खुले करण्यात आले होते. आजही पावसाचा जोर कायम असल्याने पुन्हा एकदा अंधेरी सबवे वाहतुकीसाठी बंद करण्यात आला आहे. दरम्यान काल झालेल्या पाऊस हा 2015 नंतर 24 तासांत पडणारा दुसर्या सर्वाधिक पाऊस म्हणून नोंदवण्यात आला. यापूर्वी गेल्या वर्षी 3 जुलै रोजी मुंबईत 24 तासांत पडलेला दशकातील सर्वाधिक पाऊस होता.
(The above story first appeared on LatestLY on Jul 16, 2020 03:11 PM IST. For more news and updates on politics, world, sports, entertainment and lifestyle, log on to our website latestly.com).
