Papmochani Ekadashi 2025 Date: पापमोचनी एकादशी कधी आहे? पूजा मुहूर्त आणि तारीख जाणून घ्या

Papmochani Ekadashi 2025 Date: एकादशीची तिथी दर महिन्यात दोनदा येते, एक शुक्ल पक्षात आणि दुसरी कृष्ण पक्षात. सर्व एकादशी व्रतांची नावे वेगवेगळी आहेत. त्याचप्रमाणे चैत्र महिन्यातील कृष्ण पक्षातील एकादशी तिथीला पापमोचनी एकादशीचे (Papmochani Ekadashi 2025) व्रत केले जाते. या दिवशी लोक उपवास करतात आणि भगवान विष्णू आणि देवी लक्ष्मीची योग्य पद्धतीने पूजा करतात. असे केल्याने भक्तांच्या सर्व इच्छा पूर्ण होतात आणि घरात सुख-समृद्धी राहते. एकादशीचा उपवास दुसऱ्या दिवशी म्हणजे द्वादशी तिथीला सूर्योदयानंतर सोडला जातो. या वर्षी पापमोचनी एकादशीचे व्रत कधी पाळले जाईल? पूजेसाठी शुभ मुहूर्त कोणता असेल? ते जाणून घ्या

पापमोचनी एकादशी 2025 कधी आहे?

यावेळी पापमोचनी एकादशी 25 आणि 26 मार्च या दोन्ही दिवशी साजरी केली जाईल. पंचांगानुसार, चैत्र महिन्यातील कृष्ण पक्षातील एकादशी तिथी 25 मार्च रोजी पहाटे 5:05 वाजता सुरू होईल आणि 26 मार्च रोजी पहाटे 3:45 वाजता संपेल. अशा परिस्थितीत, उदयतिथीनुसार, एकादशीची तारीख मंगळवार, 25 मार्च रोजी आहे. (हेही वाचा -Gudi Padwa 2025 Shobha Yatra Places: गुढीपाडव्यानिमित्त मुंबईतील प्रसिद्ध 'गिरगाव शोभा यात्रा' आणि दादर येथील शोभायात्रेबद्दल जाणून घ्या खास गोष्टी)

पापमोचनी एकादशी पारण वेळ -

25 मार्च रोजी एकादशीचे व्रत ठेवणाऱ्यांसाठी, 26 मार्च रोजी दुपारी 01:56 ते 04:23 पर्यंत उपवास सोडण्याची वेळ असेल. तथापी, वैष्णव पापमोचनी एकादशीचे व्रत 27 मार्च रोजी सोडले जाईल, व्रत सोडण्याची वेळ सकाळी 6:17 ते 8:45 पर्यंत असेल.

Disclaimer: येथे दिलेली माहिती धार्मिक श्रद्धा आणि लोकश्रद्धेवर आधारित आहे. यासाठी कोणताही वैज्ञानिक पुरावा नाही. लेटेस्टली मराठी कोणत्याही गोष्टीच्या सत्यतेचा कोणताही पुरावा देत नाही.

(The above story first appeared on LatestLY on Mar 23, 2025 01:56 PM IST. For more news and updates on politics, world, sports, entertainment and lifestyle, log on to our website latestly.com).