Ram Temple Consecration: 22 जानेवारीला दिल्ली एम्समध्ये ओपीडी सेवा सुरू राहणार; विरोधकांच्या टीकेनंतर रुग्णालय प्रशासनाने मागे घेतला निर्णय

Ram Temple Consecration: दिल्ली एम्स (Delhi AIIM) ने 22 जानेवारी रोजी दुपारी 2.30 वाजेपर्यंत ओपीडी सेवा (OPD Service) बंद ठेवण्याचा निर्णय मागे घेतला आहे. 22 जानेवारीला राम मंदिराच्या (Ram Temple) अभिषेक दिनी दिल्लीतील सर्व केंद्रीय रुग्णालयांमध्ये अर्ध्या दिवसाची सुट्टीही जाहीर करण्यात आली होती. यावर विरोधकांनी या निर्णयावर टीका केली. यापूर्वी केंद्र सरकारने नुकतीच 22 जानेवारीला सर्व केंद्रीय संस्थांमध्ये अर्धा दिवस सुट्टी जाहीर केली होती.

अयोध्येतील राम मंदिराचा प्राणप्रतिष्ठा सोहळा साजरा करण्यासाठी AIIMS दिल्लीने 22 जानेवारीला अर्धा दिवस पाळला जाईल आणि रुग्णालय दुपारी 2:30 पर्यंत बंद ठेवण्याची घोषणा केली होती. ज्यानंतर आता सोमवारी एम्समध्ये ओपीडी सेवा सुरू राहणार असल्याचे रुग्णालय प्रशासनाने सांगितले आहे. (हेही वाचा - Ram Mandir Image From Space: ISRO ने अंतराळातून टिपलेले राम मंदिराचे पहिले छायाचित्र, See Photo)

रुग्णालयाच्या प्रशासकीय अधिकाऱ्यांनी जारी केलेल्या निवेदनात म्हटले आहे की, सर्व गंभीर सेवा कार्यरत राहतील. या निर्णयामुळे आरोग्य सेवा विस्कळीत होईल, असे म्हणत अनेक विरोधी नेत्यांनी एम्सच्या अर्ध्या दिवस सुट्टीवर टीका केली होती. शिवसेना (UBT) खासदार प्रियंका चतुर्वेदी यांनी X वर पोस्ट शेअर करत म्हटलं की, 'नमस्कार, कृपया 22 जानेवारी रोजी दुपारी 2 नंतर वैद्यकीय आपत्कालीन स्थितीत रुग्णालयात जाऊ नका. कारण यानंतर AIIMS मर्यादा पुरुषोत्तम रामच्या स्वागतासाठी बंद राहील. आश्चर्य वाटते की प्रभू राम त्यांच्या स्वागतासाठी आरोग्य सेवा बंद ठेवण्याचे समर्थन करतील का? हे राम हे राम!' (हेही वाचा -Uddhav Thackeray Receives Invitation For Ram Temple Consecration: राम मंदिर प्राण प्रतिष्ठा कार्यक्रमासाठी उद्धव ठाकरेंना स्पीडपोस्टद्वारे निमंत्रण)

Hello humans

Please don’t go into a medical emergency on 22nd , and if you do schedule it for post 2pm since AIIMS Delhi is taking time off to welcome Maryada Purushottam Ram

PS: However, wonder if Lord Ram would agree that health services are disrupted to welcome him.

Hey… pic.twitter.com/efNjX9B0VO

— Priyanka Chaturvedi🇮🇳 (@priyankac19) January 20, 2024

India’s largest Govt Hospital AIIMS Delhi will remain closed till 2:30pm on Monday.

There’s literally people sleeping outside in the cold at AIIMS gates waiting for an appointment.

The poor & dying can wait because priority is given to Modi’s desperation for cameras & PR. pic.twitter.com/D8yUjGtHzL

— Saket Gokhale (@SaketGokhale) January 20, 2024

त्याचप्रमाणे, तृणमूल काँग्रेसचे खासदार साकेत गोखले यांनी या निर्णयावर टीका करताना म्हटले आहे की, दिल्लीतील एम्स हे भारतातील सर्वात मोठे सरकारी रुग्णालय सोमवारी दुपारी अडीच वाजेपर्यंत बंद राहणार आहे. अक्षरशः, लोक थंडीत बाहेर एम्सच्या गेटवर भेटीची वाट पाहत झोपले आहेत. गरीब आणि मरणारे लोक वाट पाहू शकतात. कारण मोदींच्या हताशपणाला कॅमेरे आणि पीआरला प्राधान्य दिले गेले आहे.

(The above story first appeared on LatestLY on Jan 21, 2024 01:30 PM IST. For more news and updates on politics, world, sports, entertainment and lifestyle, log on to our website latestly.com).