यमुना एक्स्प्रेस वेवर गॅस टँकरचा भीषण स्फोट ; 5 वाहनं जळून खाक
दिल्ली आणि उत्तरप्रदेश या दोन राज्यांना जोडणाऱ्या यमुना एक्सप्रेस वेवर आज पहाटेच्या सुमारास गॅस टँकरचा स्फोट झाला.
दिल्ली आणि उत्तरप्रदेश या दोन राज्यांना जोडणाऱ्या यमुना एक्सप्रेस वेवर आज पहाटेच्या सुमारास गॅस टँकरचा स्फोट झाला. एका गॅस टँकरने दुसऱ्या गॅस टँकरला धडक दिल्याने हा स्फोट झाला. स्फोटाच्या आगीत एक्सप्रेस वेवरुन जाणारी इतर 5 वाहनं देखील जळून खाक झाली. या दुर्घटनेत तीनजण गंभीर जखमी झाल्याचे समोर येत आहे.
यमुना एक्स्प्रेस वे हा सर्वात व्यस्त मार्ग असून या अपघातामुळे दोन्ही बाजूची वाहतूक ठप्प करण्यात आली आहे. पोलीस घटनास्थळी पोहचले असून अग्निशामक दलाच्या मदतीने आगीवर नियंत्रण मिळविण्याचे प्रयत्न सुरु आहेत.
Visuals from Mathura: A gas tanker had exploded on Yamuna expressway after it rammed into another gas tanker in Surir near Milestone 85. The fire which engulfed 5 other vehicles, was later brought under control by fire tenders. 3 people critically injured. Police present. pic.twitter.com/BQbxOwxibF
— ANI UP (@ANINewsUP) October 28, 2018
यमुना एक्सप्रेस वेवरील अपघातांची मालिका सुरुच आहे. दोन दिवसांपूर्वीच एका खाजगी बस आणि ट्रकच्या धडकेत 4 जणांचा मृत्यू झाला होता. तर 13 जण जखमी झाले होते.
(The above story first appeared on LatestLY on Oct 28, 2018 08:29 AM IST. For more news and updates on politics, world, sports, entertainment and lifestyle, log on to our website latestly.com).
