PM Modi On Operation Sindoor (फोटो सौजन्य - Edited Image)

PM Modi On Operation Sindoor: 'ऑपरेशन सिंदूर' (Operation Sindoor) च्या यशानंतर, पंतप्रधान नरेंद्र मोदी (PM Narendra Modi) पहिल्यांदाच त्यांच्या गृहराज्य गुजरातच्या दोन दिवसांच्या दौऱ्यावर आले आहेत. यादरम्यान, दाहोद (Dahod) मधील जाहीर सभेला संबोधित करताना पंतप्रधान मोदींनी पाकिस्तानला इशारा देताना म्हटलं आहे की, आम्ही फक्त पाकिस्तान आणि दहशतवादी अड्ड्यांवरील कारवाई पुढे ढकलली आहे. 22 एप्रिलचे उत्तर 6 मे रोजी देण्यात आले. जो व्यक्ती सिंदूर पुसतो त्याचे नाव नक्कीच पुसले जाईल. दहशतवाद्यांनी 140 कोटी लोकांना आव्हान दिले. मोदींनी तिन्ही दलांना पूर्ण स्वातंत्र्य दिले. दहशतवाद्यांना हे माहित नव्हते की ते मोदींविरुद्ध लढत आहेत. 22 मिनिटांत दहशतवाद्यांचा खात्मा करण्यात आला. भारत दहशतवादाविरुद्ध गप्प राहू शकत नाही.

पंतप्रधान मोदी म्हणाले, आज 26 मे आहे. 2014 मध्ये याच दिवशी मी पहिल्यांदा पंतप्रधान म्हणून शपथ घेतली. प्रथम गुजरातच्या जनतेने मला आशीर्वाद दिला, नंतर कोट्यवधी भारतीयांनी मला आशीर्वाद दिला. मी माझे कर्तव्य बजावत आहे. आम्ही असे निर्णय घेतले जे अकल्पनीय आणि अभूतपूर्व होते. देशाने स्वातंत्र्याचा श्वास घेतला असून सर्व क्षेत्रात प्रगती होत आहे. विकसित भारत बनण्यासाठी आपण कठोर परिश्रम करत आहोत. भारत उत्पादन क्षेत्रात वेगाने प्रगती करत आहे. आज भारत तंत्रज्ञान बनवतो आणि जगालाही देतो. आज आदिवासी भागातही स्मार्ट शहरे बांधली जात आहेत, असंही यावेळी पंतप्रधानांनी नमूद केलं. (हेही वाचा - पाकिस्तान पाठोपाठ आता चीनी वृत्तपत्रातून खोटी वृत्त पसरवणार्‍या 'Global Times' वर भारताचा डिजिटल स्ट्राईक; X Account बंद)

पंतप्रधान मोदींनी नागरिकांना होळी, दिवाळी आणि गणेश पूजा यांसारख्या सणांमध्ये मेड इन इंडिया उत्पादने खरेदी करण्याचे आणि वापरण्याचे आवाहन केले आहे. भारत उत्पादन क्षेत्रात खूप वेगाने प्रगती करत आहे, मग ते देशात आवश्यक असलेली उत्पादने असोत किंवा निर्यात केलेली उत्पादने असोत. आपण स्मार्टफोन, वाहने, खेळणी, शस्त्रे, औषधे इत्यादी निर्यात करत आहोत. आज भारत ट्रेन, मेट्रो बनवण्यासाठी तंत्रज्ञान बनवतो, आपण त्यांची निर्यात करतो. दाहोद हे याचा पुरावा आहे... दाहोदमध्ये इलेक्ट्रिक लोकोमोटिव्ह कारखाना आला आहे, मी तीन वर्षांपूर्वी पायाभरणी करण्यासाठी येथे आलो होतो, लोकांना शंका होती, तो प्रत्यक्षात येऊ शकले नाही. आम्ही पहिले लोकोमोटिव्ह इंजिन प्रदर्शित केले आहे. ही गुजरातसाठी, देशासाठी अभिमानाची गोष्ट आहे, अशी भावनाही यावेळी पंतप्रधान मोदी यांनी व्यक्त केली. (हेही वाचा - भारत पाकिस्तान तणावाच्या पार्श्वभूमीवर पाकला मदत करणार्‍या Azerbaijan, Turkey च्या पर्यटनावर भारतीयांचा बहिष्कार; 250% सहली रद्द झाल्याची MakeMyTrip ची माहिती)

पंतप्रधान मोदींचा वडोदरा येथे रोड शो -

दरम्यान, पंतप्रधान मोदींनी वडोदरा येथून गुजरात दौऱ्याची सुरुवात केली. येथे त्यांनी रोड शो केला आणि लोकांचे अभिवादन स्वीकारले. पंतप्रधान नरेंद्र मोदी यांनी विमानतळापासून हवाई दलाच्या गेटपर्यंत एक किलोमीटर लांबीचा रोड शो केला. या रोड शोला 'सिंदूर सन्मान यात्रा' असे नाव देण्यात आले आहे. या रोड शोमध्ये कर्नल सोफिया कुरेशी यांच्या कुटुंबातील सदस्यांनीही भाग घेतला होता.