शालीमार येथील राहत्या घरात दोन मुलांची हत्या केल्यानंतर एका व्यक्तीने मेट्रो ट्रेनच्या मार्गावर उडी मारून आत्महत्या केली. बेरोजगारीला वैतागून संबंधित व्यक्तीने आत्महत्या केल्याचे प्राथमिक तपासात समोर आले आहे. ट्वीट-

Delhi Police: A man committed suicide by jumping in the path of Metro train, after killing his two children at their residence in Shalimar Bagh, today. Initial investigation has revealed the man was unemployed & in depression. pic.twitter.com/GckiRSFSGS

— ANI (@ANI) February 9, 2020

डोंगरी येथून दाऊद इब्राहिमचा निकटवर्तीय तारिक परवीन याला अटक करण्यात आली आहे.

S Rastogi, Mumbai Joint Commissioner of Police: Tariq Parveen, a close aide of Dawood Ibrahim, arrested from Dongri today, in connection with an extortion case. Ejaz Yusuf Lakdawala (arrested earlier in an extortion case) had revealed that Parveen used to help him in extortion. pic.twitter.com/1DRCiO4nz4

— ANI (@ANI) February 9, 2020

मनसेच्या महामोर्चासाठी करण्यात आलेल्या व्यवस्थापनेबाबत राज ठाकरे यांनी मुंबई पोलिसांचे ट्वीट करत आभार मानले आहेत.

A special mention of the exceptional maintenance of law and order during the Mahamorcha by the Mumbai Police.The Maharashtra Navnirman Sena stands in gratitude of the Mumbai Police for their painstaking efforts and cooperation. Also, a big thanks to all the media representatives.

— Raj Thackeray (@RajThackeray) February 9, 2020

कोरोना व्हायरसमुळे जहाजावर अडकलेले 138 भारतीय नागरिक सुरक्षित असल्याचे सांगण्यात येत आहे. तर कोरोनामुळे समुद्रात 3 हजार 700 प्रवासी अडकले होते त्यापैकी 60 पेक्षा अधिक जणांना त्याची लागण झाली आहे. 

दिल्ली येथे विधानसभा निवडणूकीसाठी 62.59 टक्के मतदान झाल्याचे निवडणूक आयोगाकडून आकडेवारी जाहीर करण्यात आली आहे. 

घुसखोरांच्या विरोधातील मोर्चानंतर मनसे अध्यक्ष राज ठाकरे महाराष्ट्र दौरा करणार असल्याचे पक्षाचे नेते अभिजीत पानसे यांनी स्पष्ट केले आहे. 

वृक्षतोडीची परवानगी देण्यात तेलगंणा अव्वल असल्याची बाब समोर आली आहे. 

मुख्यमंत्री उद्धव ठाकरे यांनी आज राजभवन येथे राज्यपाल भगत सिंग कोश्यारी यांची भेट घेतली आहे. मात्र कोश्यारी यांची नेमक्या कोणत्या कारणामुळे उद्धव ठाकरे यांनी भेट घेतली हे अद्याप स्पष्ट झालेले नाही. 

मला हिंदुत्व साध्य करण्याची गरज नसल्याची मुख्यमंत्री उद्धव ठाकरे यांनी मनसेच्या महामोर्चावर खोचक टीका केली आहे. 

23 लाख 86 हजार रुपये असलेल्या 2 हजार रुपयांच्या बनावटी नोटा पाकिस्तान आणि दुबई येथून मुंबईत आणल्याचा प्रकार समोर आला आहे. या प्रकरणी गुन्हे शाखेकडून एका आरोपीला अटक करण्यात आली आहे. 

जळगाव येथे खड्डा चुकवण्याच्या प्रयत्नात बसची ट्रकला धडक लागल्याने महिलेचा मृत्यू झाल्याची घटना घडली आहे. 

प्रसिद्ध मॉडेल पूनम पांडेने शिल्पा शेट्टीचा पती राज कुंद्रा आणि त्यांच्या सहकाऱ्याविरोधात फौजदारी गुन्हा दाखल केला आहे. 

आमचा देश म्हणजे धर्मशाळा नाही, अशा शब्दांत राज ठाकरे यांनी सीएएला समर्थन दर्शवलं आहे. मुस्लिमांनी सीएएविरोधात काढलेल्या मोर्चाचा अर्थच लागलेला नाही, असंही राज ठाकरे यावेळी म्हणाले. परदेशात घुसखोरांना थारा दिला जात नाही. मग भारताने काय माणुसकीचा ठेका घेतला आहे काय? असा सवालही त्यांनी यावेळी केला आहे.

बांग्लादेशी-पाकिस्तानी घुसखोरांविरोधात सर्व भारतीयांचा एल्गार. #मनसे_महामोर्चा

भारत माझा देश आहे. सारे भारतीय माझे बांधव आहेत. परंतु पाकिस्तानी आणि बांग्लादेशी घुसखोर हे माझे बांधव नाहीत. ते भारतीय नाहीत. त्यांना ह्या देशातून हाकललंच पाहिजे. कारण भारत म्हणजे काही धर्मशाळा नाही. pic.twitter.com/yNGrJEYW48

— MNS Adhikrut (@mnsadhikrut) February 9, 2020

राज ठाकरे यांनी सीएएला जाहीर पाठिंबा दर्शवला आहे. केंद्रावर टीका केली की, भाजपच्या विरोधात आणि त्यांच्या एखाद्या निर्णयाला पाठिंबा दिला की मनसे त्यांच्या बाजूने हा काय प्रकार आहे, असा सवालही राज ठाकरे यांनी यावेळी विचारला आहे.  

देशातील CAA, NRC वरुन राज ठाकरे यांनी भाषणादरम्यान पाकिस्तानी, बांगलादेशी घुसखोरांना हकलले पाहिजे असल्याचे विधान केले आहे.

भारत फक्त आपला देश आहे. बांग्लादेशी, पाकिस्तानी आणि नायजेरियन घुसखोरांचा नाही. #मनसे_महामोर्चा https://t.co/xLh88bCygX

— MNS Adhikrut (@mnsadhikrut) February 9, 2020

मनसे अध्यक्ष राज ठाकरे यांच्या भाषणाला आझाद मैदानात सुरुवात झाली आहे. 

मनसेच्या महामोर्चाला राज ठाकरे यांच्या उपस्थितीत सुरुवात झाली आहे. या मोर्चाला मनसैनिकांची प्रचंड गर्दी केली आहे. दक्षिण मुंबईत सर्वत्र भगवे वातावरण झाले आहे.

राज ठाकरे यांच्या नेतृत्वाखाली मोर्चाला सुरुवात झाली आहे. राज ठाकरे हिंदू जिमखाना ते मेट्रो सिनेमापर्यंत कार्यकर्त्यांसोबत पायी चालणार आहेत. 

राज ठाकरे यांच्या नेतृत्वाखाली मोर्चाला सुरुवात झाली आहे.

मनसे अध्यक्ष श्री. राजसाहेब ठाकरे ह्यांच्या नेतृत्वात #मनसे_महामोर्चा चा आरंभ. pic.twitter.com/ge34AmYORE

— MNS Adhikrut (@mnsadhikrut) February 9, 2020

हिंदू जिमखाना येथून निघणारा मनसेच्या मोर्चाचा आझाद मैदानात संपणार आहे. याठिकाणी राज ठाकरे मोर्चाला मार्गदर्शन करणार आहेत. यासाठी आझाद मैदानात व्यासपीठ उभारण्यात आलं आहे. 

राज ठाकरे सिद्धिविनायकाचं दर्शन घेऊन मोर्चात सहभागी होणार आहेत. 

राज ठाकरे कृष्णकुंजवरून रवाना महामोर्चात सामील होण्यासाठी रवाना झाले आहेत. 

आज आझाद मैदानावर मनसैनिकांनी गर्दी केली आहे. दरम्यान, राज ठाकरे यांच्या पत्नी शर्मिला ठाकरे यांनी आम्ही हिंदूत्व कधीच सोडलेलं नाही, असं म्हटलं आहे. 

राज ठाकरे सहकुटुंब मोर्चात सहभागी होणार आहेत. आज मुंबईतील आझाद मैदानावर मनसे पाकिस्तान आणि बांग्लादेशातील घुसखोरांविरोधात महामोर्चा काढत आहे. या महामोर्चासाठी राज्यभरातून अनेक मनसैनिक आझाद मैदानावर दाखल झाले आहेत.  

कल्याण-डोंबिवलीतून तब्बल 15 हजार कार्यकर्ते मोर्चासाठी रवाना झाले आहेत. आझाद मैदानावर सध्या मनसैनिकांची गर्दी वाढली आहे.  

मागील काही दिवसांपासून सुरु असलेला साई जन्मभूमीचा वाद अद्याप थांबलेला नाही. पाथरी येथील साई संस्थान न्यायालयात जाण्याच्या तयारीत आहेत. तसेच जन्मभूमीच्या पार्श्वभूमीवर भाजप आमदार मेघना बोर्डीकर सेलू ते पाथरी अशी पायी दिंडी काढली आहे. 

दादरमधील राम मंदिरात मनसे कार्यकर्त्यांनी महाआरती केली आहे. आज मनसे पाकिस्तान आणि बांग्लादेश घुसखोरांच्याविरोधात महामोर्चा काढणार आहे. त्यासाठी संपूर्ण महाराष्ट्रातून मनसैनिक मुंबईत दाखल झाले आहेत. 

महाराष्ट्रातील वेगवेगळ्या जिल्ह्यातून हजारोच्या संख्येने मनसे सैनिक मुंबईत दाखल होत आहेत. 

मनसेच्या मोर्चासाठी पुण्यातून निघालेल्या बसवर भाजप आमदाराचं नाव टाकण्यात आलं आहे. त्यामुळे या नावाची राजकीय वर्तुळात चर्चा रंगली आहे. या फोटोवरून भाजपचा मनसेला पाठिंबा असल्याचे चित्र स्पष्ट होत आहे. 

सरकारी कर्मचारी मार्चच्या दुसऱ्या आठवड्यात संपावर जाणार आहे. त्यामुळे सलग 5 दिवस ATM आणि बँकिंग सेवा ठप्प राहणार आहे. 

कोरोना व्हायरसची लागण झाल्याने 800 हून अधिक जणांचा मृत्यू झाला आहे. दिवसेंदिवस कोरोनाच्या बळींची सख्या वाढत असल्यामुळे जागतिक आरोग्य संघटनेने चीनमध्ये आपली टीम पाठवण्याचा निर्णय घेतला आहे. 

पाकिस्तानी आणि बांगलादेशी घुसखोरांविरोधात आज मनसेचा आझाद मैदानावर महामोर्चा निघणार आहे. या मोर्चामागे भाजपचा हात असून मनसेच्या हिंदुत्ववादी भूमिकेमुळे शिवसेनेला काहीही फरक पडत नाही. भाजपला नेहमीच इतर पक्षांच्या कुबड्या लागतात, अशी टीका शिवसेना आमदार मनिषा कायंदे यांनी एबीपी माझा या वृतवाहिनीशी बोलताना केली आहे. 

मनसेच्या महामोर्चासाठी नाशिकहून मुंबईला जाणाऱ्या वाहनांकडून टोल आकारणी करण्यात येणार नाही. नाशिक-मुंबई महामार्गावरील घोटी टोलनाक्यावर मनसेच्या वाहनांना टोल फ्री करण्यात येणार आहे. 

शिवसेना आमदार आणि जिल्हा प्रमुखांची आज दुपारी 12 वाजता सह्याद्री अतिथीगृहावर बैठक घेण्यात येणार आहे. मुख्यमंत्री उद्धव ठाकरे यांनी ही बैठक बोलावली आहे. 

पाकिस्तानी व बांगलादेशी घुसखोरांविरुद्ध आज महाराष्ट्र नवनिर्माण सेनेच्या वतीने महामोर्चा काढण्यात येणाऱ्या आहे. या मोर्चात सहभागी होण्यासाठी राज्यभरातून मनसे कार्यकर्ते मुंबईच्या दिशेनं रवाना होत आहेत.  

चीनमध्ये कोरोना व्हायरसने थैमान घातले आहे. या व्हायरसची लागण झाल्याने आतापर्यंत 803 जणांचा जीव गेला आहे. तर 37 हजार लोकांना या व्हायरसची लागण झाली आहे. जपानच्या योकोहामा बेटावर उभ्या असलेल्या क्रूज जहाज डायमंड प्रिंसेसमध्ये कोरोना व्हायरसचा संसर्ग झालेले रुग्ण आढळले आहेत. या क्रूजवर 130 हून अधिक भारतीय अडकले आहे. 

जम्मू काश्मीरच्या पुंछमध्ये पाकिस्तानकडून पुन्हा एकदा शस्त्रसंधीचं उल्लंघन करण्यात आलं आहे. यामध्ये एक जवान शहीद झाला असून 2 जवान जखमी झाले आहेत. भारतीय जवानांनी पाकिस्तानच्या हल्ल्याला प्रत्युत्तर दिलं आहे. या हल्ल्यात भारतीय सैन्याला पाकिस्तानच्या चौक्या उद्ध्वस्त करण्यात यश आलं आहे.