भारत सरकारः इटली किंवा कोरिया देशात गेलेले आणि भारतात प्रवेश करण्यास इच्छुक असलेल्या प्रवाशांना आजपासून या देशांच्या आरोग्य अधिका-यांनी अधिकृत केलेल्या नियुक्त प्रयोगशाळांमधून  COVID-19  (कोरोना व्हायरस) बाबत नकारात्मक चाचणीचे प्रमाणपत्र आवश्यक असेल.

ट्विट

Govt of India: Passengers travelling from/having visited Italy or Republic of Korea&desirous of entering India will need certificate of having tested negative for COVID-19 from designated laboratories authorised by health authorities of these countries from today.

— ANI (@ANI) March 10, 2020

राज्यभरात होळीचा सण उत्साहात साजरा होत आहे. आज सकाळपासून मध्यरात्रीपर्यंतही अनेक नागरिक होळी सणाचा आनंद लुटत आहेत. अनेक ठिकाणी पारंपरीक पद्धतीने होळीचा सण साजरा केला जात आहे.

Coronavirus:  कोरोना व्हायरस विरोधात लढा देण्यासाठी राज्य सरकार अग्रेसर आहे. कोरोना व्हायरस विरोधात लढा देण्यासाठी सरकारी रुग्णालयात विशेष योजना तर केलीच आहे. परंतू, गरज पडल्यास खासगी रुग्णालयातील 100 बेड ताब्यात घेण्याचा निर्णयही राज्य सरकारने घेतला आहे.

कोरोना व्हायरस महाराष्ट्रात दाखल झाल्याच्या पार्श्वभूमीवर मुख्यमंत्री उद्धव ठाकरे यांनी मंत्रिमंडळाची बैठक बोलावली आहे. या बैठकीत कोरोना व्हायरस संसर्ग रोखणे आणि त्यासंबंधीच्या महत्त्वाच्या निर्णयांवर सहमती होण्याची शक्यता आहे. ही बैठक उद्या म्हणजे बुधवारी (11 मार्च 2020) बोलावण्यात आली आहे.

शिक्षणासाठी इटलीला गेलेला विद्यार्थी भारतात परतला आहे. हा विद्यार्थी अहमदनगर जिल्ह्यातील आहे.  कोरोना व्हायरसच्या भीतीने जगभरातील  अनेक देशांमध्ये गेलेेले विद्यार्थी मायदेशी परतत आहेत.

महाराष्ट्रात कोरोनाचे रुग्ण सापडल्याने नागरिकांमध्ये घबराच आणि राज्य सरकारमध्ये चिंतेचे वातावरण आहे. कोरोना व्हायरसबाधीत रुग्णांची पुणे येथील संख्या 5 झाली असल्याचे वृत्त आहे. दरम्यान, नाशिकमध्येही कोरोना व्हायरस बाधित एक संशयित रुग्ण सापडल्याची चर्चा आहे.

मध्य प्रदेश: आमच्याकडे बहुमत आहे, ते सभागृहात सिद्ध करु असा दावा कमलनाथ गटाकडून करण्यात येत आहे. कमलनाथ सरकारमध्ये असलेल्या काही आमदारांनी राजीनामा दिल्यानंतर मुख्यमंत्र्यांनी अनेक मंत्र्यांचा राजीनामा घेतला आहे. त्यामुळे सध्या मध्य प्रदेशमध्ये चांगलाच राजकीय पेच निर्माण झाला आहे.

महाराष्ट्र गुजरात सीमावर्ती भागातील उच्छल येथील तापी नदीच्या बॅकवॉटरमध्ये बोट उलटून 15 जण बुडाले आहेत. यात स्थानिक ग्रामस्थ व मासेमारी करणाऱ्या लोकांनी 6 जणांचे प्राण वाचवले आहेत. अद्याप 8 जण बेपत्ता आहेत. 

धुळीवंदनाच्या निमित्ताने अमरावतीच्या खासदार नवनीत राणा यांनी मेळघाटातील आदिवासींसोबत नृत्य केलं.

#WATCH Maharashtra: Independent MP from Amravati, Navneet Rana dances with the tribals of Melghat. #Holi pic.twitter.com/g5XPiewD4x

— ANI (@ANI) March 10, 2020

पुण्यात कोरोना व्हायरसचे आणखी 3 रुग्ण सापडले आहेत. त्यामुळे शहरातील कोरोना बाधित रुग्णांची संख्या पाचवर पोहचली आहे.

Three test positive for coronavirus in Pune on Tuesday, total number of confirmed cases in Maharashtra five: state govt

— Press Trust of India (@PTI_News) March 10, 2020

नाशिक जिल्हा शासकिय रुग्णालयातील कोरोनाचे 2 संशयित रुग्ण दाखल झाले आहेत. हे रुग्ण एकाच घरातील आहेत. या रुग्णांचे रिपोर्ट पुण्यात तपासणीसाठी  पाठवण्यात आले आहेत. हे रुग्ण दुबईहून भारतात आले होते. 

कोरोनाच्या संसर्गापासून वाचण्यासाठी मिथेनॉल प्राशन केलेल्या 27 जणांचा मृत्यू झाल्याची धक्कादायक घटना इराणमध्ये घडली आहे. कोरोनाचा संसर्ग रोखण्यासाठी सध्या अनेक अफवा पसरत आहेत. या अफवांमुळे 27 जणांचा बळी गेला आहे. 

केरळ मध्ये कोरोना व्हायरसची आणखीन सहा रुग्ण आढळून आल्यावर खबरदारी म्ह्णून सरकारतर्फे 31 मार्च पाऱ्यांत सर्व चित्रपटगृह बंद ठेवण्याचा निर्णय घेण्यात आला आहे. मल्याळम चित्रपट संस्थेने आज एका बैठकीत हा निर्णय घेतला आहे. 

कोरोना व्हायरसच्या पार्श्वभूमीवर पैठण मधील एकनाथ महाराजांचा नाथषष्ठी सोहळा रद्द  करण्याचा निर्णय घेण्यात आला आहे. या सोहळ्याला आठ ते दहा लाख भाविकांची उपस्थिती असते. 

कोणी काही बोलत असेल तरी मध्य प्रदेश सरकार मजबूत आहे आणि कोसळण्याची अजिबात शक्यता नाही अशी प्रतिक्रिया कमलनाथ यांच्या सरकार मधील मंत्रिमंडळातील नेते कांतीलाल भुरिया यांनी दिली आहे. कमलनाथ यांनी बोलावलेल्या बैठकीनंतर कांतीलाल यांनी माध्यमांशी संवाद साधला.

Congress leader Kantilal Bhuria after meeting Madhya Pradesh CM Kamal Nath: State govt is strong and it will continue to run. The government is not going to fall because someone is saying so. We have required number of MLAs. pic.twitter.com/xhmaxhvKm6

— ANI (@ANI) March 10, 2020

केरळ मध्ये कोरोना व्हायरसची आणखीन 6 नवे रुग्ण आढळले आहेत. याबाबत केरळचे मुख्यमंत्री पिनराई विजयन यांनी माहिती दिली.

Six fresh cases of coronavirus in Kerala: CM Vijayan

— Press Trust of India (@PTI_News) March 10, 2020

नरेंद्र मोदी यांच्या भेटीनंतर काँग्रेसच्या ज्योतिरादित्य सिंधिया यांनी आपल्या पदाचा राजीनामा काँग्रेस अध्यक्ष सोनिया गांधी यांना पाठवला आहे. आजच सिंधिया भाजपात प्रवेश घेणार असल्याची सुद्धा चिन्हे आहेत.

pic.twitter.com/DWSKdYO0jG

— Jyotiraditya M. Scindia (@JM_Scindia) March 10, 2020

मध्ये प्रदेश कमलनाथ सरकार मधील बंडखोर काँग्रेस नेते ज्योतिरादित्य सिंधीया यांनी गृहमंत्री अमित शाह यांच्यासोबत पंतप्रधान नरेंद्र मोदी यांची भेट घेतली आहे, सिंधिया आता काँग्रेसची साथ सोडून भाजपत दाखल होण्याच्या चर्चा या भेटीनंतर आणखीनच वेगाने पसरत आहेत. 

मध्यप्रदेश मध्ये रंगलेल्या राजकीय सत्ता नाट्यात आता एक सूचक भेट घडली आहे, काही वेळापूर्वी मह्द्य प्रदेश सरकारमधील बंडखोर नेते ज्योतिरादित्य सिंधिया यांनी काही वेळापूर्वी गहृमंत्री अमित शाह यांची भेट घेतली आहे. सिंधिया आता काँग्रेसची साथ सोडून भाजपत दाखल होण्याच्या चर्चा या भेटीनंतर आणखीनच वेगाने पसरत आहेत.

Senior Congress leader #JyotiradityaScindia meets Union Home Minister Amit Shah

— Press Trust of India (@PTI_News) March 10, 2020

ज्योतिरादित्य सिंधिया आणि मुख्यमंत्री कमलनाथ यांच्यातील मतभेदांमुळे मध्य प्रदेशातील काँग्रेस सरकार फुटून ऑपरेशन लोटस फुलणार अशी चर्चा सुरु आहे, मुख्यमंत्री कमलनाथ यांच्या सरकारमधील 20 मंत्र्यांनी राजीनामे दिले आहेत. मात्र मध्य प्रदेश सरकार पाडण्यात काहीही रस नाही अशी प्रतिक्रिया मध्य प्रदेशचे माजी मुख्यमंत्री आणि भाजप नेते शिवराज सिंह चौहान यांनी दिली आहे.

BJP leader & former CM Shivraj Singh Chouhan says party not interested in toppling #MadhyaPradesh govt, terms developments as 'internal matter' of ruling Congress

— Press Trust of India (@PTI_News) March 10, 2020

पुणे येथील लोहेगाव भागात वाघोली मार्गावर संत नगर येथील फर्निचर गोदामात भीषण आग लागली आहे. याबाबत माहिती मिळताच अग्निशमन दलाच्या तीन गाड्या घटनास्थळी दाखल झाल्या आहेत.

#NewsFlash | A furniture godown caught fire in Lohegaon, Wagholi Road, Sant Nagar. Three fire vehicles and two water bowser were on the field by the fire brigade. pic.twitter.com/LlomDfBJ0C

— Pune Mirror (@ThePuneMirror) March 10, 2020

कोरोना व्हायरसमुळे इराणमधे अडकलेल्या भारतीयांना सोडवण्यासाठी भारतीय वायुदलाचं सी-17 ग्लोबमास्टर विमान काल रात्री रवाना झाले होते, हे विमान आज 58 लोकांच्या पहिल्या बॅचला घेऊन थोड्याच वेळात भारतात दाखल झाले आहे. याबाबत विदेशमंत्री एस.जयशंकर यांनी ट्वीट द्वारे माहिती दिली.

First batch of 58 Indian pilgrims being brought back from #Iran. IAF C-17 taken off from Tehran and expected to land soon in Hindon. pic.twitter.com/IqZ8NUK1M6

— Dr. S. Jaishankar (@DrSJaishankar) March 10, 2020

जागतिक बाजारात मंदीचे सावट असले तरी देशात सोन्याचे दर कालपासून वाढताना दिसत आहेत, दिल्लीत प्रति टोला म्हणजेच 10 ग्राम सोने हे 45,063 रुपये झाले आहे. तर दुसरीकडे चांदीच्या किमतीत घसरण पाहायला मिळत आहे. चांदीच्या दरात प्रति किलो 710 रुपयांची घसरण झाली. सध्या चांदीचे दर 47,359 रुपये प्रति किलो झाले आहेत.