Jagannath Pahadia (PC - PTI)

Jagannath Pahadia Passes Away Due to COVID19: राजस्थानचे पहिले दलित मुख्यमंत्री जगन्नाथ पहाडिया यांचे कोरोनामुळे निधन झाले. ते 93 वर्षांचे होते. कोविडचा संसर्ग झाल्यानंतर त्यांच्यावर अनेक दिवसांपासून दिल्लीतील खासगी रुग्णालयात उपचार सुरू होते. त्यांची पत्नीही दिल्लीत रूग्णालयात दाखल आहे. पंतप्रधान नरेंद्र मोदी, मुख्यमंत्री अशोक गहलोत, प्रदेश काँग्रेस अध्यक्ष गोविंदसिंग डोटासरा यांच्यासह विविध राजकीय पक्षांनी पहाडिया यांच्या निधनावर शोक व्यक्त केला आहे. मुख्यमंत्री अशोक गहलोत यांनी ट्वीट केले की, राज्याचे माजी मुख्यमंत्री जगन्नाथ पहाडिया जी यांच्या निधनाची बातमी फार वाईट आहे. पहाडिया यांनी मुख्यमंत्री म्हणून दीर्घकाळ देशाची सेवा केली, राज्यपाल म्हणून, केंद्रीय मंत्री म्हणून ते देशातील ज्येष्ठ नेत्यांपैकी एक होते. श्री. पहाडिया हे कोविडमुळे आम्हाला सोडून गेले. त्यांच्या मृत्यूमुळे मला फारचं धक्का बसला आहे.

अशोक गहलोत यांनी पुढे म्हटलं आहे की, सुरुवातीपासूनचं त्याचे माझ्यावर खूप प्रेम आहे, त्याच्या निधनामुळे माझे वैयक्तिक नुकसान झाले आहे. देवाला प्रार्थना करतो, या कठीण काळात पहाडिया यांच्या कुटुंबास सक्षम होण्याची क्षमता देवो. देव त्यांच्या आत्म्याला शांती देवो. (वाचा - Home Testing Kit for Covid-19: नागरिक आता घरीच करू शकतात कोरोना चाचणी; 250 रुपयांच्या किटमध्ये 15 मिनिटांत जाणून घेता येणार रिझल्ट)

राजस्थान सरकारच्या वतीने सांगण्यात आले आहे की, गुरुवारी दुपारी 12 वाजता राज्यमंत्रीमंडळाची बैठक होईल. यात माजी मुख्यमंत्री जगन्नाथ पहाडिया यांच्या निधनाबद्दल शोक व्यक्त करण्यात येईल. राज्य सरकारच्या घोषणेनुसार पहाडियांच्या सन्मानार्थ एक दिवसाचा राज्य शोक आयोजित करण्यात येणार आहे. यावेळी राष्ट्रीय ध्वज अर्ध-झुकलेला राहील. याशिवाय सर्व शासकीय कार्यालयांमध्ये 20 मे रोजी सुट्टी असेल. पहाडिया यांच्यावर राजकीय सन्मान देऊन अंत्यसंस्कार केले जातील.

पहाडिया हे राजस्थानचे पहिले दलित मुख्यमंत्री होते. 15 जानेवारी 1932 रोजी जन्मलेल्या पहाडिया 6 जून 1980 ते जुलै 1981 पर्यंत 11 महिने राजस्थानचे मुख्यमंत्री होते. 1957 मध्ये पहाडिया यांना सर्वात तरुण खासदार होण्याची संधी मिळाली. जेव्हा ते खासदार म्हणून निवडून आले तेव्हा त्यांचे वय 25 वर्षे 3 महिने होते. दिल्लीत त्यांच्याशी झालेल्या पहिल्या भेटीमुळे प्रभावित होऊन पंडित नेहरूंनी त्यांना कॉंग्रेसचे तिकीट दिले. नंतर, इंदिरा गांधी आणि नंतर संजय गांधी यांच्या अगदी जवळ आल्यामुळे त्यांना राजस्थानचे मुख्यमंत्री होण्याची संधी मिळाली. पण ते मुख्यमंत्रिपदावर जास्त काळ टिकू शकले नाहीत.

मुख्यमंत्री होण्यापूर्वी जगन्नाथ पहाडिया हे 1965 मध्ये राज्यसभेवर खासदार म्हणून निवडून आले होते. त्यांना इंदिरा गांधींच्या मंत्रिमंडळात मंत्री होण्याची संधीही मिळाली. 1989 मध्ये त्यांना बिहारचे राज्यपाल केले गेले. ते 2009 ते 2014 पर्यंत हरियाणाचे राज्यपाल होते. जगन्नाथ पहाडिया यांच्या निधनाने कॉंग्रेसने राजस्थानमधील सर्वात ज्येष्ठ नेता गमावला आहे.