Home Testing Kit for Covid-19: नागरिक आता घरीच करू शकतात कोरोना चाचणी; 250 रुपयांच्या किटमध्ये 15 मिनिटांत जाणून घेता येणार रिझल्ट

Home Testing Kit for Covid-19: कोरोना चाचणी करण्यासाठी नागरिकांना लांब रांगेत उभे राहण्याची गरड नाही. कारण, आता कोरोना चाचणी घरीचं केली जाऊ शकते. आयसीएमआरने एक किट मंजूर केली आहे. या किटच्या माध्यमातून नाकातून कोरोना तपासणीसाठी घरातून नमुने घेतले जाऊ शकतात. आयसीएमआरने कोरोना टेस्ट किटसंदर्भात नवीन सल्ला दिला आहे. यानुसार, आता आपण घरात 250 रुपये किंमतीची एक किट खरेदी करून 15 मिनिटांतचं कोविड निकाल मिळवू शकता. या किटमध्ये, 5 ते 7 मिनिटांत सकारात्मक परिणाम आढळतील आणि नकारात्मकतेमध्ये ते 15 मिनिटे लागतील.

आयसीएमआरने म्हटले आहे की, होम टेस्टिंग किट केवळ सिम्प्टोमेटिक रुग्णांसाठी आहे. याशिवाय हा किट प्रयोगशाळेत पुष्टी झालेल्या प्रकरणात थेट संपर्कात आलेल्यांसाठी देखील आहे. होम टेस्टिंगसाठी मोबाईल अ‍ॅप्स गुगल प्ले स्टोअर व अॅपल स्टोअर वरून डाउनलोड करावे लागतील. मोबाइल अॅपद्वारे सकारात्मक आणि नकारात्मक अहवाल उपलब्ध असतील. (वाचा - 2-DG Drug: कोरोनाचे स्वदेशी औषध 2-डीजी कधी येईल बाजारात? काय असेल किंमत? Dr. Reddys ने दिली महत्वाची माहिती)

जे होम टेस्टिंग करतील त्यांना टेस्ट स्ट्रिपचा पिक्चर घ्यावा लागेल आणि त्याच फोनवरून फोटो घ्यावा ज्यावर मोबाइल अॅप डाउनलोड केले आहे. मोबाइल फोनचा डेटा आयसीएमआरच्या चाचणी पोर्टलवर थेट साठविला जाईल. तथापि, रुग्णांची गोपनीयता अबाधित राहील. या चाचणीद्वारे रिपोर्ट कळवण्यात येईल.

या चाचणीत जे सकारात्मक आहेत त्यांना घरातील क्वारंटाईनसंदर्भातील आयसीएमआर आणि आरोग्य मंत्रालयाच्या मार्गदर्शक सूचना पाळाव्या लागतील. लक्षण असूनही नकारात्मक परिणाम असलेल्या रूग्णांना आरटीपीसीआर चाचणी करावी लागेल. होम आयसोलेशन टेस्टिंग किटसाठी माय लॅब डिस्कव्हरी सोल्यूशन लिमिटेडला अधिकृत केले गेले आहे. ही पुणेस्थित कंपनी आहे. या किटचे नाव कोविसेल्फ (पॅथोकॅच) असं आहे.

(The above story first appeared on LatestLY on May 20, 2021 08:42 AM IST. For more news and updates on politics, world, sports, entertainment and lifestyle, log on to our website latestly.com).