Today Petrol Diesel Rate: आजही पेट्रोल-डिझेलच्या दरात कोणताही बदल नाही, जाणून घ्या तुमच्या शहरातील दर

Petrol, Diesel Prices Today | (Photo credit - File Manager)

देशात पेट्रोल आणि डिझेलच्या दरात (Petrol Diesel Rate) कोणताही बदल झाला नाही. दिल्लीत, इतर महानगरांपेक्षा इंधन (Fuel) तुलनेने स्वस्त आहे. कारण राज्य सरकारने यापूर्वी पेट्रोलवरील मूल्यवर्धित कर (VAT) कमी करण्याचा निर्णय घेतला होता. ज्यामुळे शहरातील इंधनाची किंमत सुमारे 8 रुपये प्रति लिटरने कमी झाली होती. मुख्यमंत्री अरविंद केजरीवाल यांच्या अध्यक्षतेखाली झालेल्या मंत्रिमंडळाच्या बैठकीत पेट्रोलवरील व्हॅट सध्याच्या 30 टक्क्यांवरून 19.4 टक्क्यांपर्यंत कमी करण्याचा निर्णय घेण्यात आला, ज्यामुळे सुमारे 8 रुपये प्रति लिटर कपात केली जाईल, असे अधिकाऱ्यांनी सांगितले. व्हॅट कपातीनंतर पेट्रोलची किंमत सध्याच्या 103 रुपये प्रति लिटरवरून 95 रुपये प्रति लीटरपर्यंत खाली येईल, असे सूत्रांनी  पीटीआयला सांगितले.

यापूर्वी, उत्तर प्रदेश आणि हरियाणामधील एनसीआर शहरांच्या तुलनेत दिल्लीतील पेट्रोलची किंमत जास्त होती, जेथे केंद्राने इंधनाच्या किमतींवरील उत्पादन शुल्क कमी केल्यावर राज्य सरकारांनी व्हॅट कपातीची घोषणा केली होती. केंद्राने दिवाळीच्या पूर्वसंध्येला इंधनावरील उत्पादन शुल्क कपातीची घोषणा केली होती परिणामी देशभरात पेट्रोल आणि डिझेलच्या किमतीत मोठी घट झाली होती.

सरकारने पेट्रोलच्या दरात 5 रुपयांनी आणि डिझेलच्या दरात 10 रुपयांची कपात केली होती. या निर्णयानंतर, अनेक राज्यांनी, ज्यात राष्ट्रीय लोकशाही आघाडी (NDA) आणि मित्रपक्षांची सत्ता आहे, त्यांनीही पेट्रोलवरील मूल्यवर्धित कर कमी केला आहे.  विरोधकांची सत्ता असलेल्या पंजाब आणि राजस्थाननेही पेट्रोलच्या दरात सर्वात मोठी कपात करण्याची घोषणा केली. हेही वाचा EPFO Cash Withdrawal: खुशखबर! आता PF खातेधारक गरज पडल्यास काढू शकतात 1 लाख रुपये, जाणून घ्या संपूर्ण प्रक्रिया

सरकारी मालकीच्या इंधन किरकोळ विक्रेत्यांनी शेअर केलेल्या किंमतींच्या यादीनुसार उत्पादन शुल्क आणि व्हॅट कपातीचा एकत्रित परिणाम म्हणून पंजाबमध्ये पेट्रोलचे दर प्रति लिटर 16.02 रुपये आणि डिझेलचे दर 19.61 रुपये प्रति लिटरने कमी झाले.  राज्यात पेट्रोलवरील व्हॅटमध्ये 11.02 रुपयांची तर डिझेलवरील व्हॅटमध्ये 6.77 रुपयांची कपात करण्यात आली आहे. लडाखमध्ये, डिझेलमध्ये सर्वाधिक घट झाली कारण दर प्रति लीटर 9.52 रुपयांनी खाली आले आहेत. 10 रुपयांच्या वरच्या व्हॅटमध्ये कपात केल्यामुळे उत्पादन शुल्कात घट झाली आहे.

दिल्लीत पेट्रोलचा दर 95.41 रुपये प्रति लिटर आहे तर डिझेलचा दर 86.67 रुपये प्रति लीटर आहे. मुंबईत पेट्रोल 109.98 रुपये प्रति लिटर आणि डिझेल 94.14 रुपये प्रति लिटरने विकत घेता येते. चेन्नईमध्ये एक लिटर पेट्रोलची किंमत 101.40 रुपये आहे. शुक्रवारी डिझेलचा दर 91.43 रुपये प्रति लिटर होता.कोलकात्यात पेट्रोल 104.67 रुपये प्रति लिटर तर डिझेल 101.56 रुपये प्रति लिटर आहे.