Assembly Election 2022: कोरोनादरम्यान पाच राज्यांच्या विधानसभा निवडणुका झाल्या डिजिटल, जाणून घ्या निवडणूक आयोगाची खास तयारी

भारतीय निवडणूक आयोगाने  (Election commission of India) आज उत्तर प्रदेश (UP) आणि पंजाबसह (Punjab) देशातील पाच राज्यांमध्ये होणाऱ्या विधानसभा (Assembly Election 2022 Date Announced) निवडणुकांच्या तारखा जाहीर केल्या आहेत. या घोषणेमुळे या सर्व राज्यांमध्ये आचारसंहिता लागू झाली आहे. कोरोनाची वाढती प्रकरणे पाहता यावेळी निवडणुकीची संपूर्ण प्रक्रिया ऑनलाइन करण्याची तयारी सुरू आहे. खरे तर, निवडणुकांमुळे देशात कोरोना संसर्गाची प्रकरणे कोणत्याही प्रकारे वाढू नयेत, अशी निवडणूक आयोगाची इच्छा आहे. त्यामुळेच यावेळी उमेदवारांना ऑनलाइन नोंदणी करण्याची सुविधा देण्यात आली आहे. यासोबतच सर्व पक्षांना त्यांच्या उमेदवारांची माहिती निवडणूक आयोगाच्या अॅपवर देण्यास सांगण्यात आले आहे.

कोरोना महामारीच्या पार्श्वभूमीवर निवडणूक आयोगाने निवडणुकीबाबत कडक नियम जाहीर केले आहेत. यावेळी निवडणूक आयोगाने उमेदवारांना घरी बसून ऑनलाइन अर्ज भरण्याची सुविधा दिली आहे. म्हणजेच आता उमेदवारी अर्ज भरण्यासाठी उमेदवारांना मिरवणूक किंवा रॅलीने जाता येणार नाही. त्याचबरोबर निवडणुकीदरम्यान कोणताही गडबड होऊ नये यासाठी निवडणूक आयोगाने विशेष तयारी केली आहे. उमेदवारांच्या ऑनलाइन नामांकनासाठी अॅप तयार करण्यात आले आहे. CIVIGIL अॅपद्वारे उमेदवारांना समस्या किंवा तक्रारही नोंदवता येणार आहे. याद्वारे निवडणुकीत काही विसंगती आढळल्यास या अॅपद्वारे तक्रारी नोंदवता येणार आहेत.

15 जानेवारीपर्यंत सर्व प्रकारच्या सार्वजनिक सभांना बंदी

पाच राज्यांमध्ये होणाऱ्या विधानसभा निवडणुकांसाठी निवडणूक आयोगाने 15 जानेवारीपर्यंत सर्व प्रकारच्या जाहीर सभांना बंदी घातली आहे. मुख्य निवडणूक आयुक्त सुशील चंद्रा म्हणाले की, राजकीय पक्षांनी त्यांच्या प्रचार डिजिटल पद्धतीने चालवण्याची सूचना केली आहे. त्यानंतर परिस्थितीचा आढावा घेऊन नवीन सूचना जारी केल्या जातील, तोपर्यंत पदयात्रा, सायकल यात्रा, बाईक रॅली किंवा रोड शो होणार नाही, असेही ते म्हणाले. (हे ही वाचा COVID 19 Precautionary Dose Online Appointments: आजपासून सुरू होणार 'बुस्टर डोस' साठी ऑनलाईन अपॉईंटमेंट; पहा कसा, कधी, कोणाला मिळणार डोस)

जाणून घ्या निवडणूक कुठे किती टप्प्यात होणार 

उत्तर प्रदेशात सात टप्प्यात निवडणुका घेण्याचा निर्णय घेण्यात आला आहे. 10, 14, 20, 23, 27 फेब्रुवारीनंतर उत्तर प्रदेशमध्ये 3 आणि 7 मार्च रोजी मतदान होणार आहे. पंजाबमध्ये एकाच टप्प्यात निवडणुका घेण्याचा निर्णय घेण्यात आला आहे. पंजाबमध्ये 14 फेब्रुवारीला मतदान होणार आहे. त्याचप्रमाणे उत्तराखंडमध्येही एकाच टप्प्यात निवडणुका होणार आहेत. येथेही 14 फेब्रुवारीलाच मतदान होणार आहे. गोव्यात एकाच टप्प्यात निवडणुका होणार आहेत. 14 फेब्रुवारी रोजी गोव्यात मतदारांना मतदानाचा हक्क बजावता येणार आहे. तर मणिपूरमध्ये दोन टप्प्यात मतदान घेण्याचा निर्णय घेण्यात आला आहे. मणिपूरमध्ये 27 फेब्रुवारी आणि 3 मार्च रोजी मतदान होणार आहे. 10 मार्च रोजी सर्व राज्यांमध्ये मतमोजणी होणार आहे.

(The above story first appeared on LatestLY on Jan 08, 2022 06:43 PM IST. For more news and updates on politics, world, sports, entertainment and lifestyle, log on to our website latestly.com).