High-Yielding Varieties Of Seeds: शेतकऱ्यांसाठी खुशखबर! पंतप्रधान मोदींच्या हस्ते 109 सुधारित बियाण्यांचे वाण लाँच; बळीराजाला होणार मोठा फायदा
पिकांच्या या नवीन सुधारित वाणांच्या महत्त्वावर चर्चा करताना पंतप्रधानांनी कृषी क्षेत्रात मूल्यवर्धनाच्या महत्त्वावर भर दिला. हे नवीन वाण अत्यंत फायदेशीर ठरणार असल्याने खर्च कमी होऊन पर्यावरणावरही सकारात्मक परिणाम होणार असल्याचे त्यांनी शेतकऱ्यांनी सांगितले.
High-Yielding Varieties Of Seeds: शेतकऱ्यांसाठी अत्यंत महत्त्वाची बातमी आहे. कृषी शास्त्रज्ञांनी भारतीय हवामानानुसार सुधारित बियाणांच्या 109 जाती (High-Yielding Varieties Of Seeds) विकसित केल्या आहेत. पंतप्रधान नरेंद्र मोदी (PM Modi) यांनी रविवारी या सुधारित बियाणांच्या जाती लाँच केल्या. यावेळी मोदींनी शेतकऱ्यांशी संवाद साधला. या सर्व 109 बियांच्या जाती जास्त उत्पादन देणाऱ्या, हवामानास अनुकूल आणि पोषक आहेत. या बियांच्या लागवडीमुळे कमी खर्चात अधिक उत्पादन मिळेल. तसेच याचा पर्यावरणावरही सकारात्मक परिणाम होईल, असे पंतप्रधान मोदींनी यावेळी सांगितलं.
पिकांच्या या नवीन सुधारित वाणांच्या महत्त्वावर चर्चा करताना पंतप्रधानांनी कृषी क्षेत्रात मूल्यवर्धनाच्या महत्त्वावर भर दिला. हे नवीन वाण अत्यंत फायदेशीर ठरणार असल्याने खर्च कमी होऊन पर्यावरणावरही सकारात्मक परिणाम होणार असल्याचे त्यांनी शेतकऱ्यांनी सांगितले. यावेळी पंतप्रधानांनी बाजरीचे महत्त्व आणि लोक पौष्टिक आहाराकडे कसे वाटचाल करत आहेत यावर चर्चा केली. नैसर्गिक शेतीचे फायदे आणि सेंद्रिय शेतीकडे सर्वसामान्यांचा वाढता कल याविषयीही पंतप्रधानांनी शेतकऱ्यांना माहिती दिली. (हेही वाचा -लिंबूवर्गीय फळांच्या निर्यातीला चालना देण्यासाठी आणि मूल्य वर्धित उत्पादनासाठी ICAR-CCRI Nagpur आणि APEDA मध्ये सामंजस्य करार)
शेतकऱ्यांकडून कृषी विज्ञान केंद्रांचे कौतुक -
यावेळी शेतकऱ्यांनी नैसर्गिक शेतीला चालना देण्यासाठी शासनाकडून होत असलेल्या प्रयत्नांचे तसेच जनजागृतीसाठी कृषी विज्ञान केंद्रांनी (केव्हीके) घेतलेल्या भूमिकेचे शेतकऱ्यांनी कौतुक केले. KVK ने दर महिन्याला विकसित होणाऱ्या नवीन वाणांच्या फायद्यांविषयी शेतकऱ्यांना सक्रियपणे माहिती द्यावी, जेणेकरून त्यांच्या फायद्यांबद्दल जागरूकता वाढेल, असं आवाहनही यावेळी पंतप्रधानांनी केलं.
As part of Budget announcement, 109 high yielding seeds unveiled by PM Modi
Read @ANI Story | https://t.co/p7X3xOzdCh#PMModi #SeedsUnveiled #Budget pic.twitter.com/sdkbpi368i
— ANI Digital (@ani_digital) August 11, 2024
या नवीन पीक जाती विकसित केल्याबद्दल पंतप्रधानांनी कृषी शास्त्रज्ञांचे कौतुकही केले. शास्त्रज्ञांनी सांगितले की, पंतप्रधानांनी दिलेल्या सूचनेनुसार ते काम करत आहेत, जेणेकरून वापरात नसलेली पिके मुख्य प्रवाहात आणता येतील. पंतप्रधानांनी जाहीर केलेल्या 61 पिकांच्या 109 जातींमध्ये 34 शेतातील पिके आणि 27 बागायती पिकांचा समावेश आहे.
शेतातील पिकांमध्ये बाजरी, चारा पिके, तेलबिया, कडधान्ये, ऊस, कापूस, फायबर आदी पिकांचे बियाणे लाँच करण्यात आली आहेत. तसेच बागायती पिकांमध्ये विविध प्रकारची फळे, भाजीपाला, लागवड पिके, कंद पिके, मसाले, फुले व औषधी पिके लाँच करण्यात आली आहेत.
(The above story first appeared on LatestLY on Aug 11, 2024 04:13 PM IST. For more news and updates on politics, world, sports, entertainment and lifestyle, log on to our website latestly.com).
