Photo Credit - Facebook

Raj Kundra Denies Link With Bangladeshi Adult Film Actors:   भारतात बेकायदेशीरपणे वास्तव्य केल्याबद्दल अटक करण्यात आलेला बांगलादेशी अडल्ट चित्रपट अभिनेत्री त्याच्या एका प्रॉडक्शन कंपनीत नोकरीला होती, या आरोपाचे उद्योगपती राज कुंद्रा यांनी शनिवारी खंडन केले. बॉलीवूड अभिनेत्री शिल्पा शेट्टीचा पती कुंद्रा याने स्पष्ट केले की, रिया बरडे हिला महाराष्ट्रात बेकायदेशीरपणे भारतात राहिल्याबद्दल आणि बनावट कागदपत्रांद्वारे भारतीय पासपोर्ट मिळवून दिल्याबद्दल अटक करण्यात आलेली अभिनेत्री रिया बरडे हिच्याशी आपला कोणताही संबंध नसल्याचे त्यांने म्हटले आहे. (हेही वाचा -  Coldplay Ticket Row: कोल्डप्ले कॉन्सर्टच्या तिकिटांच्या काळाबाजारावरून राजकारण तापलं; राम कदम म्हणाले, 'पैसे कमावण्यासाठी आखण्यात आले सुनियोजित षडयंत्र)

“या अहवालांमध्ये असा दावा करण्यात आला आहे की, एक व्यक्ती, कथितरित्या बेकायदेशीर स्थलांतरित, माझ्यासाठी काम करत होती किंवा माझ्या कथित प्रोडक्शन कंपनीशी संबंधित होती. मला अगदी स्पष्टपणे सांगू द्या – की मी या व्यक्तीला कधीही भेटलो नाही किंवा या व्यक्तीने काम केलेल्या कोणत्याही प्रोडक्शन कंपनीच्या मालकीचा किंवा त्यामध्ये मी कधीही सहभाग घेतला नाही,” असे राज कुंद्रा यांनी स्पष्ट केले.

ते पुढे म्हणाले की त्याच्यांवरील आरोपांमुळे ते "खूप व्यथित" झाले आहेत, "हे बिनबुडाचे दावे केवळ माझ्या प्रतिष्ठेलाच हानी पोहोचवणारे नाहीत तर सनसनाटी आणि मीडियाच्या आकर्षणासाठी माझ्या नावाचा गैरफायदा घेण्याचा प्रयत्न आहे. मी नेहमीच माझा व्यवसाय अत्यंत सचोटीने चालवला आहे आणि असे खोटे आरोप मी खपवून घेणार नाही," असे कुंद्रा म्हणाले.

कुंद्रा हे आरोप पसरवणाऱ्यांवर कायदेशीर कारवाई करण्याच्या तयारीत आहेत आणि त्यांनी "फेक न्यूज" असे म्हटल्याबद्दल प्रसारमाध्यमांच्या विरोधात 100 कोटी रुपयांच्या मानहानीचा दावा करणार असल्याचे सांगितले जात आहे.