Amitabh Bachchan's Property: अमिताभ बच्चन यांच्या 2800 कोटींच्या मालमत्तेची अभिषेक बच्चन आणि श्वेता नंदा यांच्यात होणार समान वाटणी- Reports
Amitabh Bachchan | (Photo courtesy: Facebook)

अभिनेते अमिताभ बच्चन (Amitabh Bachchan) आणि त्यांच्या प्रॉपर्टीबाबतच्या बातम्या सध्या सोशल मीडियावर ट्रेंड होत आहेत. याआधी बातमी आली होती की, अमिताभ बच्चन यांनी मुलगी श्वेता बच्चनला जुहूचा 'प्रतीक्षा' बंगला भेट दिला आहे. आता अलीकडेच एका कार्यक्रमात, सुपरस्टारने खुलासा केला की त्यांची 2800 कोटींपेक्षा जास्त संपत्ती त्यांची दोन मुले- मुलगा अभिषेक आणि मुलगी श्वेता यांच्यामध्ये समान प्रमाणात विभागली जाईल. फ्री प्रेस जर्नलने याबाबत वृत्त दिले आहे. वेब पोर्टल 'द रिचेस्ट' नुसार, दिग्गज अभिनेत्याची एकूण संपत्ती आहे. $400 दशलक्ष किंवा 2800 कोटी रुपये (अंदाजे) आहे. बच्चन यांचे जुहू परिसरात तीन बंगले आहेत.

मालमत्ता नोंदणी डेटा एग्रीगेटर Zapkey.com द्वारे ऍक्सेस केलेल्या कागदपत्रांनुसार, ₹50.63 कोटी किमतीच्या प्रतीक्षा बंगल्याच्या मालकीचे हस्तांतरण दोन स्वतंत्र भेटवस्तू डीडद्वारे औपचारिक केले गेले, ज्यावर 8 नोव्हेंबर रोजी स्वाक्षरी करण्यात आली. विठ्ठल नगर सहकारी गृहनिर्माण संस्थेतील बंगला 674 चौरस मीटर आणि 890.47 चौरस मीटरच्या दोन भूखंडांमध्ये पसरलेला आहे आणि मुंबईतील सुपरस्टारची ही पहिली मालमत्ता असल्याची नोंद आहे. इकॉनॉमिक्स टाइम्सच्या वृत्तानुसार, या बंगल्याची किंमत 50.63 कोटी रुपये आहे. (हेही वाचा: Animal Advance Booking: अ‍ॅडव्हान्स बुकिंगमधून 'अ‍ॅनिमल'ची मोठी कमाई; दोन लाखांहून अधिक तिकीटांची विक्री)

प्रतीक्षा व्यतिरिक्त बिग बींकडे जलसा, वत्स आणि जनक ही घरेही आहेत. याआधी अमिताभ बच्चन यांनी त्यांच्या KBC या रिअॅलिटी शोमध्ये खुलासा केला होता की, केवळ त्यांचा मुलगा अभिषेक बच्चनच त्यांच्या मालमत्तेचा हक्कदार असणार नाही, तर त्यामध्ये श्वेताही सामील असेल. मालमत्तेबाबत त्यांनी फार पूर्वीच क्लिअर केले होते. आणखी एका कार्यक्रमादरम्यान बिग बी म्हणाले होते, 'जेव्हा आम्ही नसू, तेव्हा आमच्याकडे जे काही असेल ते आमच्या मुलांचे असेल. आम्हाला एक मुलगा आणि एक मुलगी आहे. दोन्हीमध्ये गोष्टी समान प्रमाणात वितरीत केल्या जातील. यावरून त्यांच्या मालमत्तेचे दोन भाग होणार असल्याचे त्यांच्या वक्तव्यावरून स्पष्ट झाले होते.