Sri Lanka Crisis: श्रीलंकेच्या लष्करप्रमुखांचे जनतेला शांतता राखण्याचे आवाहन, आतापर्यंत चार कॅबिनेट मंत्र्यांनी दिले राजीनामे
श्रीलंकेचे लष्करप्रमुख जनरल शवेंद्र सिल्वा यांनी रविवारी सांगितले. देशात शांतता राखण्याचे आवाहनही त्यांनी जनतेला केले. देशातील शांतता राखण्यासाठी त्यांनी सर्व श्रीलंकनांना सशस्त्र दल आणि पोलिसांना पाठिंबा देण्याचे आवाहन केले.
श्रीलंकेत सरकारविरोधात लोकांची निदर्शने सुरू आहेत. देशाचे राष्ट्रपती गोटाबाया राजपक्षे (Gotabaya Rajapaksa) आणि पंतप्रधान रानिल विक्रमसिंघे (Ranil Wickremesinghe) यांच्या राजीनाम्याच्या घोषणेनंतरही गोंधळ थांबलेला नाही. राष्ट्रपती भवनावर आंदोलकांचा ताबा कायम आहे. दरम्यान, श्रीलंकेचे लष्करप्रमुख जनरल शवेंद्र सिल्वा (General Shavendra Silva) यांनी शांतता राखण्यासाठी जनतेचा पाठिंबा मागितला आहे. सध्याचे राजकीय संकट शांततेने सोडवण्याची संधी आता उपलब्ध आहे, असे श्रीलंकेचे लष्करप्रमुख जनरल शवेंद्र सिल्वा यांनी रविवारी सांगितले. देशात शांतता राखण्याचे आवाहनही त्यांनी जनतेला केले. देशातील शांतता राखण्यासाठी त्यांनी सर्व श्रीलंकनांना सशस्त्र दल आणि पोलिसांना पाठिंबा देण्याचे आवाहन केले. शनिवारी गॅले फेस आणि फोर्ट आणि पंतप्रधान विक्रमसिंघे यांच्या खासगी निवासस्थानी झालेल्या हिंसाचारानंतर लष्करप्रमुखांचे हे वक्तव्य समोर आले आहे.
राजपक्षे यांच्या मंत्रिमंडळातून आणखी एका मंत्र्याने दिला राजीनामा
दरम्यान, आज आणखी एका कॅबिनेट मंत्र्याने राजीनामा दिला. धम्मिका परेरा यांनी आज गुंतवणूक प्रोत्साहन मंत्री पदाचा राजीनामा दिला. हरिन फर्नांडो, मानुषा नानायकारा आणि बंदुला गुणवर्धन यांच्यानंतर गेल्या दोन दिवसांत अशांततेच्या पार्श्वभूमीवर मंत्रिमंडळाचा राजीनामा देणारे ते चौथे मंत्री आहेत.
गेल्या दिवसापासून हा गोंधळ होता सुरू
विशेष म्हणजे, राष्ट्रपती गोटाबाया राजपक्षे यांच्या राजीनाम्याची मागणी करत हजारो निदर्शक शनिवारी राष्ट्रपतींच्या अधिकृत निवासस्थानात घुसले. त्याचवेळी पंतप्रधान रानिल विक्रमसिंघे यांनी राजीनामा देण्याची ऑफर दिल्यानंतरही त्यांच्या घराला आग लागली. (हे देखील वाचा: Sri Lanka Crisis: श्रीलंकेच्या आर्थिक संकटात भारताचा पांठिबा, 3.8 अब्ज अमेरिकन डॉलर्सची केला अभूतपूर्व मदत)
राष्ट्रपती 13 जुलै रोजी होणार पायउतार
विरोधानंतर राष्ट्रपती राजपक्षे यांनी संसदेचे अध्यक्ष महिंदा यापा अभयवर्धने यांना 13 जुलै रोजी राजीनामा देणार असल्याची माहिती दिली. तर पंतप्रधान विक्रमसिंघे म्हणाले की, सर्वपक्षीय सरकार हाती घेण्यास तयार होताच ते राजीनामा देतील. राजपक्षे यांनी राजीनामा दिल्यानंतर अध्यक्ष कार्यवाह राष्ट्रपती होतील. नंतर नवीन अध्यक्ष निवडण्यासाठी खासदारांमध्ये निवडणुका होतील.
(The above story first appeared on LatestLY on Jul 10, 2022 09:28 PM IST. For more news and updates on politics, world, sports, entertainment and lifestyle, log on to our website latestly.com).
