Pakistan:पाकिस्तानच्या वझिरीस्तानमध्ये झालेल्या दहशतवादी हल्ल्यात 2 मुले, 4 पोलीस ठार

Pakistan: पाकिस्तानच्या उत्तर वझिरीस्तानमध्ये सुरक्षा दलाच्या वाहनाजवळ रस्त्याच्या कडेला बॉम्बचा स्फोट झाल्याने किमान चार जवानांचा जागीच मृत्यू झाला आणि अनेक जण जखमी झाले. पाकिस्तानी सुरक्षा यंत्रणांनी गुरुवारी ही माहिती दिली. दुसऱ्या घटनेत, खैबर पख्तुनख्वा (केपी) प्रांतातील तिराह व्हॅलीमध्ये दहशतवाद्यांनी गोळीबार केलेला मोर्टार रस्त्याजवळ पडल्याने दोन शाळकरी मुलांचा मृत्यू झाला. मात्र, अद्याप कोणत्याही गटाने या हल्ल्यांची जबाबदारी स्वीकारलेली नाही. मात्र तहरीक-ए-तालिबान पाकिस्तान (टीटीपी) या भागातील पाकिस्तानी सुरक्षा दल आणि कायदा अंमलबजावणी संस्थांना लक्ष्य करत आहे. शेजारील देश अफगाणिस्तानमध्ये तालिबान राजवट परत आल्यानंतर टीटीपीला नवीन जीवन मिळाले असल्याचे मानले जात आहे. या गटाच्या प्रमुख कमांडरांना अफगाणिस्तानातील तुरुंगातून सोडण्यात आले. यामुळे या गटाला पाकिस्तानच्या सीमावर्ती भागात पुन्हा एकत्र येण्याची आणि पाकिस्तानी सुरक्षा यंत्रणांवर हल्ला करण्याची संधी मिळाली.

दरम्यान, पाकिस्तानी सैन्याने इंटेलिजन्स बेस्ड ऑपरेशन्स (IBO) केले. सशस्त्र दलांनी दक्षिण वझिरिस्तान तसेच इतर माजी आदिवासी भागात दहशतवादी लपलेल्या ठिकाणांना लक्ष्य केले आणि डझनभर दहशतवादी ठार झाले.