Indian Student Death in Australia: ऑस्ट्रेलियात भारतीय विद्यार्थ्याची चाकूने भोसकून हत्या; हरियाणामध्ये राहणाऱ्या कुटुंबीयांनी केली सरकारकडे मदतीची मागणी
मेलबर्नमध्ये शनिवारी झालेल्या भांडणात जखमी झालेल्या आणखी एका विद्यार्थ्याची प्रकृती चिंताजनक आहे. विद्यार्थ्याचे काका यशवीर यांनी दिलेल्या माहितीनुसार, काही विद्यार्थ्यांमध्ये भाड्यावरून वाद सुरू होता. दरम्यान, नवजीत हा वाद सोडवण्यासाठी गेला असता त्याच्यावर चाकूने अमानुष हल्ला करण्यात आला.
Indian Student Death in Australia: ऑस्ट्रेलियात (Australia) एका भारतीय विद्यार्थ्याची चाकूने भोसकून हत्या (Murder) करण्यात आली आहे. मृत विद्यार्थ्याच्या काकांनी सांगितले की, भारतीय विद्यार्थ्यांमध्ये झालेल्या भांडणात त्याचा पुतण्या मारला गेला. नवजीत संधू असे मृत विद्यार्थ्याचे नाव असून तो हरियाणातील कर्नाल येथील रहिवासी होता. मेलबर्नमध्ये शनिवारी झालेल्या भांडणात जखमी झालेल्या आणखी एका विद्यार्थ्याची प्रकृती चिंताजनक आहे. विद्यार्थ्याचे काका यशवीर यांनी दिलेल्या माहितीनुसार, काही विद्यार्थ्यांमध्ये भाड्यावरून वाद सुरू होता. दरम्यान, नवजीत हा वाद सोडवण्यासाठी गेला असता त्याच्यावर चाकूने अमानुष हल्ला करण्यात आला.
यशवीर यांनी सांगितले की, नवजीत त्याच्या मित्रासोबत कार असल्याने घरातून काही वस्तू घेण्यासाठी गेला होता. घराच्या कट्ट्यावर तो त्याच्या मित्राची वाट पाहत असताना त्याला घरातून आवाज आला. नवजीतने घरात घुसून वाद मिटवण्याचा प्रयत्न केला असता त्याच्या छातीवर चाकूने निर्घृण वार करण्यात आले. यानंतर नवजीतचा मृत्यू झाला. रुग्णालयात दाखल करण्यात आलेला नवजीतचा साथीदारही कर्नालचा रहिवासी होता. (हेही वाचा - Indian Student Died in Kyrgyzstan: आंध्र प्रदेशातील वैद्यकीय विद्यार्थ्याचा किर्गिस्तानमध्ये धबधब्यात बुडून मृत्यू, कुटुंबीयांवर कोसळला दु:खाचा डोंगर)
यशवीर यांनी पुढे सांगितले की, रविवारी सकाळी त्याच्या कुटुंबीयांना याची माहिती देण्यात आली. नवजीत जुलै महिन्यात सुट्टीच्या दिवशी घरी येणार होता. पण या घटनेनंतर संपूर्ण कुटुंबाला धक्का बसला आहे. नवजीत दीड वर्षांपूर्वी स्टडी व्हिसावर ऑस्ट्रेलियाला गेला होता. त्यांच्या शेतकरी वडिलांनी त्यांच्या मुलाच्या शिक्षणासाठी दीड एकर जमीन विकली होती. (हेही वाचा -Indian Students Dies In America: अमेरिकेतील ॲरिझोना येथे कार अपघातात 2 भारतीय विद्यार्थ्यांचा मृत्यू)
नवजीतचा मृतदेह भारतात आणण्यासाठी मदत करण्याची विनंती कुटुंबीयांनी भारत सरकारला केली आहे. परदेशात भारतीय विद्यार्थ्यांचा मृत्यू झाल्याच्या अनेक घटना गेल्या काही दिवसांपासून समोर येत आहेत.
(The above story first appeared on LatestLY on May 06, 2024 05:48 PM IST. For more news and updates on politics, world, sports, entertainment and lifestyle, log on to our website latestly.com).
