Afghanistan: पुरुषांना जे शक्य नाही ते महिला करतील, तालिबानी सरकारचा नवा निर्णय

अफगाणिस्तानमध्ये तालिबानी सरकार सातत्याने महिलांच्या बाबत नवेनवे निर्णय घेत आहे. अशातच आता काबुलमध्ये आदेश दिला गेला आहे की, महिलांनी घरीच रहावे. जर पुरुष मंडळी कामे करु शकतात तर महिलांची त्यासाठी गरज नाही. काबुलच्या महापौरांद्वारे असे म्हटले आहे की, जी काम पुरुष मंडळी करु शकत नाहीत तिच काम फक्त महिलांना करण्यास परवानगी आहे. काबुलच्या महापौरांनी पुढे असे म्हटले की, ज्या पदांवर महिला होत्या त्या जागी आता पुरुष मंडळी काम करु शकतात. तो पर्यंत महिलांना घरीच थांबावे लागणार आहे.  परिस्थिती सामान्य होत नाही तो पर्यंत असेच सुरु राहणार आहे. याच दरम्यान महिलांना पगार सुद्धा दिला जाणार आहे.

तालिबान सरकार स्थापन झाल्यानंतर अफगाणिस्तानमध्ये असे काही निर्णय घेण्यात आले जे महिलांच्या विरोधात आहेत. यामध्ये महिलांना काम करण्यापासून ते शिक्षणाबद्दल ही  नियम लागू करण्यात आले आहेत. तर मुल आणि मुलांना एकत्रितपणे वर्गात बसता येणार नाही असे जाहीर केले होते.(Afghanistan Blast: अफगाणिस्तानातील जलालाबादमध्ये बाँम्बस्फोट, स्फोटात 3 जण ठार तर 20 लोक जखमी)

Tweet:

VIDEO: No work for a woman if a man can replace her.

Women municipal workers in Kabul will not be allowed to return to work unless they occupy "positions that men could not fill or that were not for men", says Taliban Mayor of Kabul. The other women must "stay at home" pic.twitter.com/w9kyQudyI0

— AFP News Agency (@AFP) September 20, 2021

अफगाणिस्तानमध्ये तालिबान्यांनी आपली सत्ता स्थापन करुन एक महिना उलटून गेला आहे. तरीही तेथे अद्याप अंतरिम सरकारच्या माध्यमातून सरकार चालवले जात आहे. काबुलवर जेव्हा ताबा मिळवला गेला तेव्हा प्रथमच पत्रकार परिषद घेत त्यांनी महिलांना सरकारमध्ये स्थान दिले जाईल असे म्हटले होते. मात्र अंतरिम सरकारमध्ये सर्व मंत्री हे पुरुषच आहेत. या व्यतिरिक्त काबुलसह अन्य शहरातील रस्त्यांवर तालिबानी मुलांनी महिलांवर केलेल्या हल्ल्याचे फोटो सुद्धा समोर आले होते. जगातील काही देशांनी तालिबानी सरकारने महिलांना त्यांचे हक्क द्यावे असे अपील केले आहे.

(The above story first appeared on LatestLY on Sep 20, 2021 10:01 AM IST. For more news and updates on politics, world, sports, entertainment and lifestyle, log on to our website latestly.com).