First Lunar Eclipse Of 2025: यंदा होळीला होणार वर्षातील पहिले चंद्रग्रहण; जाणून घ्या कधी व कुठे दिसणार

दरवर्षी फाल्गुन महिन्याच्या शुक्ल पक्षाच्या पौर्णिमेला होलिका दहनचा (Holika Dahan) सण साजरा केला जातो, त्याच्या दुसऱ्या दिवशी धुलीवंदन असते. होळी हा प्रत्येकाचे जीवन प्रेम आणि आनंदाने भरण्याचा सण आहे, जो वाईटावर चांगल्याच्या विजयाचे प्रतीक देखील मानला जातो. यंदा 13 मार्च रोजी होळीचा सण साजरा केला जाईल. ज्यामध्ये पौर्णिमा तिथी सकाळी 10.35 पासून सुरू होईल. पण भद्रा 10.36 वाजता सुरू होईल. यंदा 2025 चे पहिले चंद्रग्रहण 14 मार्च रोजी होणार आहे, जे ज्योतिषशास्त्राच्या दृष्टीकोनातून खूप महत्वाचे मानले जाते. हे ग्रहण सर्व 12 राशींवर परिणाम करेल, काहींसाठी ते चांगली बातमी घेऊन येईल, तर काहींसाठी ते समस्या वाढवू शकते.

सर्वसामान्यपणे ज्योतिषशास्त्रात चंद्रग्रहण अशुभ मानले जाते. होळीसारख्या मोठ्या सणावर आल्यावर त्याचे धार्मिक आणि ज्योतिषीय महत्त्व आणखी वाढते. हरिद्वारचे विद्वान ज्योतिषाचार्य पंडित शशांक शेखर शर्मा सांगतात की, हे खंडग्रास चंद्रग्रहण असेल, जे भारतात दिसणार नाही. मात्र मंदिरे आणि पूजा-अर्चनाच्या बाबतीत सुतक कालावधी चंद्रग्रहणाच्या 9 तास आधी सुरू होईल, या दरम्यान मंदिरांचे दरवाजे बंद केले जातील आणि पूजा करण्यास मनाई असेल. विशेषत: गरोदर महिलांनी या काळात सावधगिरी बाळगावी, कारण हा काळ नकारात्मक उर्जेने भरलेला असतो.

हे सामान्य चंद्रग्रहण नसेल. या काळात चंद्र लाल रंगाचा दिसेल, ज्याला ब्लड मून म्हणून ओळखले जाते. जेव्हा चंद्र पूर्णपणे पृथ्वीच्या सावलीत येतो तेव्हा असे दृश्य दिसते. काही विशेष कारणांमुळे या काळात चंद्र लाल रंगाचा दिसतो. ही खगोलीय घटना विशेषतः ऑस्ट्रेलिया, उत्तर, युरोप, आफ्रिका, दक्षिण अमेरिका, पूर्व आशिया आणि अंटार्क्टिकामध्ये दृश्यमान असेल. वर्षातील पहिले चंद्रग्रहण 14 मार्च रोजी सकाळी 9:29 वाजता सुरू होईल आणि दुपारी 3:29 वाजता संपेल. ग्रहणाच्या वेळी भारतात दिवस असल्याने हे ग्रहण येथे दिसणार नाही. (हेही वाचा: NASA New Report On Asteroid Hitting Earth: धोका टळला? 300 फूट रुंदीचा लघुग्रह पृथ्वीवर आदळण्याच्या शक्यतेवर नासाचा नवीन रिपोर्ट जारी)

14 मार्च रोजी होणाऱ्या चंद्रग्रहणाचे सुतक वैध राहणार नाही, कारण हे ग्रहण भारतात दिसणार नाही. त्यामुळे या कालावधीत कोणत्याही प्रकारच्या कामावर कोणतेही बंधन राहणार नाही. ज्योतिषशास्त्रानुसार, जिथे ग्रहण दिसते तिथेच त्याचा प्रभाव पडतो. दरम्यान, हे चंद्रग्रहण सिंह राशीत आणि उत्तरा फाल्गुनी नक्षत्रात होत आहे. त्यामुळे या राशी आणि नक्षत्राच्या लोकांवर या ग्रहणाचा सर्वाधिक प्रभाव पडेल. ज्योतिष शास्त्रानुसार सिंह राशीच्या लोकांसाठी हे ग्रहण भाग्यवान ठरेल.

(The above story first appeared on LatestLY on Mar 11, 2025 10:47 AM IST. For more news and updates on politics, world, sports, entertainment and lifestyle, log on to our website latestly.com).