Globally Layoffs: फेब्रुवारीमध्ये आतापर्यंत जागतिक स्तरावर 17,400 हून अधिक टेक कामगारांनी गमावल्या नोकऱ्या

Globally Layoffs: टेक उद्योगातील 17,400 हून अधिक कर्मचार्‍यांनी फेब्रुवारी महिन्यात जागतिक स्तरावर नोकऱ्या गमावल्या. यात भारतीय कर्मचाऱ्यांचाही समावेश आहे. 2023 मध्ये आतापर्यंत जगभरातील सुमारे 340 कंपन्यांनी 1.10 लाखांहून अधिक कर्मचार्‍यांना कामावरून काढून टाकले आहे. याचा मोठा परिणाम तंत्रज्ञान क्षेत्रातील कर्मचाऱ्यावर झाला आहे.

या महिन्यात टाळेबंदी सुरू करणाऱ्या प्रमुख कंपन्यांमध्ये Yahoo, BYJU's, GoDaddy, GitHub, eBay, Autodesk, OLX Group आणि इतर काही कंपन्यांचा समावेश आहे. Laoff.fyi या जागतिक स्तरावर नोकऱ्यांच्या कपातीचा मागोवा घेणाऱ्या वेबसाइटच्या मते, जानेवारी महिन्यात त्यांच्यापैकी जवळपास 1 लाख नोकऱ्या गेल्या. जानेवारी महिन्यात जागतिक स्तरावर Amazon, Microsoft, Google, Salesforce आणि इतर कंपन्यांचे वर्चस्व होते. (हेही वाचा -TikTok Layoffs: टिकटॉकने बंद केला भारतामधील संपूर्ण व्यवसाय; सर्व कर्मचाऱ्यांना काढून टाकले)

जानेवारीमध्ये, जगभरातील 288 पेक्षा जास्त कंपन्यांनी दररोज सरासरी 3,300 पेक्षा जास्त तंत्रज्ञान कामगारांना कामावरून काढून टाकले. मंदीच्या भीतीने येत्या काही दिवसांत नोकऱ्यांमध्ये आणखी कपात होण्याची शक्यता आहे. गेल्या वर्षी नोव्हेंबरमध्ये 11,000 कर्मचार्‍यांना काढून टाकल्यानंतर, मेटा (पूर्वीचे Facebook) पुन्हा एकदा कर्मचारी कपात करण्याची योजना आखत असल्याचं म्हटलं जात आहे.

एव्हिएशन प्रमुख बोईंग यावर्षी वित्त आणि एचआर वर्टिकलमध्ये 2,000 नोकऱ्या कमी करत आहे आणि कंपनीने यापैकी एक तृतीयांश नोकऱ्या बेंगळुरूमधील टाटा कन्सल्टिंग सर्व्हिसेस (TCS) ला आउटसोर्स केल्या आहेत. 2022 मध्ये, 1,000 हून अधिक कंपन्यांनी 154,336 कर्मचार्‍यांना कामावरून काढून टाकले. यासंदर्भात Layoffs.fyi या साइटवर माहिती देण्यात आली आहे. आतापर्यंत अडीच लाखांहून अधिक तंत्रज्ञान कामगारांना त्यांच्या नोकऱ्या गमवाव्या लागल्या आहेत.

(The above story first appeared on LatestLY on Feb 13, 2023 01:01 PM IST. For more news and updates on politics, world, sports, entertainment and lifestyle, log on to our website latestly.com).