QuickLY
Socially
भारतीय क्रीडा मंत्रालयाने (Sports Ministry of India) 14 नोव्हेंबर रोजी या वर्षीचे क्रीडा पुरस्कार (Sports Awards) जाहीर केले होते. यावेळी भारताचा दिग्गज टेबल टेनिसपटू अचंता शरथ कमल (Achanta Sharath Kamal) याला खेलरत्न पुरस्कार (Khel Ratna Award) प्रदान करण्यात येणार आहे. यासोबतच देशातील उदयोन्मुख बॅडमिंटनपटू लक्ष्य सेनला (Lakshya Sen) अर्जुन पुरस्काराने (Arjun Award) सन्मानित करण्यात येणार आहे.
उद्या म्हणजेच 30 नोव्हेंबर रोजी राष्ट्रपती द्रौपदी मुर्मू (President Draupadi Murmu) यांच्या हस्ते राष्ट्रपती भवनात क्रीडा पुरस्कारांचे वितरण होणार आहे. रोहित शर्माचे बालपणीचे प्रशिक्षक दिनेश लाड यांना जीवनगौरव पुरस्कार देण्यात येणार आहे. क्रिकेट जगतातील क्रीडा पुरस्कारांमध्ये यंदा केवळ एकाच व्यक्तीला हा पुरस्कार मिळत असून रोहितच्या प्रशिक्षकाचा त्यात समावेश आहे. त्याच्याशिवाय अन्य कोणताही क्रिकेटर यात सहभागी नाही. हेही वाचा Vijay Hazare Trophy 2022: तामिळनाडूचा स्टार फलंदाज एन जगदीसनचा विजय हजारे ट्रॉफीमध्ये मोठा विक्रम, एकाच मोसमात सर्वाधिक धावा करणारा खेळाडू बनला
या वर्षी खेलरत्न मिळवणारा शरथ हा एकमेव खेळाडू आहे. त्याचबरोबर भारताची उगवती बॉक्सर निखत जरीन हिलाही यावर्षी अर्जुन पुरस्काराने सन्मानित करण्यात येणार आहे. निखतने यंदाच्या वर्ल्ड चॅम्पियनशिपमध्ये सुवर्णपदक जिंकले. त्याचवेळी लक्ष्यने यावर्षी बर्मिंगहॅम येथे खेळल्या गेलेल्या राष्ट्रकुल स्पर्धेत सुवर्णपदक जिंकले. गेल्या वर्षी त्याने जागतिक स्पर्धेत कांस्यपदक जिंकले होते. त्याचबरोबर शरथने यंदाच्या राष्ट्रकुल स्पर्धेतही तीन सुवर्णपदके जिंकली. या दिग्गज खेळाडूने पुरुष सांघिक, मिश्र सांघिक आणि पुरुष एकेरी गटात सुवर्णपदक पटकावले होते.
