Rishabh Pant Video: ऋषभ पंत मैदानात परतण्यासाठी घेतोय मेहनत, स्विमिंग पूलमधला व्हिडिओ व्हायरल

भारतीय क्रिकेट संघात (Team India) पुनरागमन करण्यासाठी ऋषभ पंत (Rishabh Pant) मेहनत घेत आहे. भारतीय क्रिकेट संघाचा यष्टिरक्षक फलंदाज ऋषभ पंत काही महिन्यांपूर्वी कार अपघातात गंभीर जखमी झाला होता. महामार्गावरील त्या अपघातात त्याला आपला जीव गमवावा लागला असता, मात्र त्यावेळी तेथून जाणाऱ्या दोन ट्रक चालकांनी त्याचा जीव वाचवून त्याला रुग्णालयात नेले. या कार अपघातामुळे ऋषभ पंतला भारतीय क्रिकेट संघाचे अनेक सामने मुकावे लागले होते. ऑस्ट्रेलियाविरुद्ध नुकत्याच पार पडलेल्या बॉर्डर-गावस्कर ट्रॉफी कसोटी मालिकेत (Border-Gavaskar Trophy Test Series) भारतीय संघाला ऋषभ पंतची खूप उणीव भासत होती.

ऋषभने भारतीय क्रिकेट संघात स्वत:चे स्थान निर्माण केले आहे. विशेषत: कसोटी क्रिकेटमध्ये त्याच्यासाठी ब्रेक उपलब्ध नाही. त्यामुळे बीसीसीआयचे वैद्यकीय पथक ऋषभ पंतला लवकरात लवकर बरे करण्यात गुंतले असून पंतही यासाठी मेहनत घेत आहे. नुकतीच त्याची एक छोटीशी व्हिडिओ क्लिप त्याने सोशल मीडियावर शेअर केली आहे. त्या व्हिडिओमध्ये ऋषभ पंत स्विमिंग पूलमध्ये काठीच्या साहाय्याने फिरताना दिसत आहे.

Grateful for small thing, big things and everything in between. 🙏#RP17 pic.twitter.com/NE9Do72Thr

— Rishabh Pant (@RishabhPant17) March 15, 2023

हा व्हिडिओ शेअर करताना पंतने कॅप्शनमध्ये लिहिले की, छोट्या गोष्टी, मोठ्या गोष्टी आणि मधल्या प्रत्येक गोष्टीसाठी मी कृतज्ञ आहे. व्हिडिओमध्ये ऋषभ पंतला पाहून त्याचे चाहते खूप खूश आहेत. आता पंत लवकरच मैदानात परतेल अशी आशा त्याला आहे. पंतचा अपघात इतका धोकादायक होता की संपूर्ण भारत त्याच्याबद्दल चिंतेत होता. प्रत्येक क्रिकेट चाहते त्याच्या बरे होण्यासाठी प्रार्थना करत आहेत. मात्र, पंतचा ताजा व्हिडीओ पाहता आता पंतची प्रकृती पूर्वीपेक्षा बरी झाली आहे.

(The above story first appeared on LatestLY on Mar 15, 2023 09:01 PM IST. For more news and updates on politics, world, sports, entertainment and lifestyle, log on to our website latestly.com).