क्रिस्टियानो रोनाल्डो (Photo Credit: Twitter)

जुव्हेंटस स्टार फॉरवर्ड क्रिस्टियानो रोनाल्डो (Cristiano Ronaldo) बुधवारी बावर लेव्हरकुसेन (Bayer Leverkusen) विरुद्ध जुव्हेंटसच्या (Juventus) चॅम्पियन्स लीग (Champions League) गटातीलअंतिम सामन्यानंतर मैदानावर जबरदस्ती घुसलेल्या फॅनवर भडकला. सेरी ए चॅम्पियन्सने जर्मन क्लबला 2-0 असा पराभूत केल्यानंतर ही घटना घडली. खेळाडू पूर्णवेळ साजरे करीत मैदानावर होते, जेव्हा एका चाहत्याने सुरक्षा रक्षकांना चकमा देत खेळपट्टीवर धाव घेतली. या चाहत्याने रोनाल्डोच्या दिशेने धाव घेतली, जो दुसरा दिशेला पाहत होता आणि त्याने त्याची मान पकडली आणि फुटबॉल स्टारसह सेल्फी क्लिक करण्याचा प्रयत्न केला. सुरक्षा रक्षकांनी या फॅनच्या दिशेने धाव घेतली. पोर्तुगीज खेळाडूने त्याला त्वरित दूर नेले आणि सुरक्षा रक्षकांनी त्याला पकडले.

“तू वेडा आहेस का?” संतप्त रोनाल्डो या चाहत्याला पाहून किंचाळला. यांच्यानंतर सुरक्षारक्षकांनी त्याला पकडले आणि मैदानाच्या बाहेर नेले. मॅचच्या वेळी मैदानात जबरदस्ती धाव घेणारा हा कोणी पहिला चाहता नव्हता. यापूर्वीदेखील एका चाहत्याने रोनाल्डोबरोबर सेल्फी घेण्याच्या इच्छेने स्टेडियमच्या आत धाव घेतली होती. दरम्यान, या घटनेत रोनाल्डोच्या खांद्याला दुखापत झाल्याचे दिसून आले. पाहा या घटनेचा हा व्हिडिओ:

या घटनेनंतर रोनाल्डो म्हणाला, ""मला बरं वाटतं, मला वाटत असलेला त्रास संपला आणि संघ सुस्थितीत आहे." रोनाल्डोने या सामन्यातील चॅम्पियन्स लीगमधील ज्युव्हेंटससाठी दुसरे गोल केले. ज्युव्हेंटसने गट डीमध्ये अव्वल स्थान आणि शेवटच्या 16 मध्ये स्थान आधीच निश्चित केले आहे.