काय सांगता! Gautam Gambhir च्या आधी VVS Laxman होणार Team India चा मुख्य प्रशिक्षक? अहवालात मोठा खुलासा
मीडिया रिपोर्ट्सवर विश्वास ठेवला तर गौतम गंभीर (Gautam Gambhir) मुख्य प्रशिक्षक बनणार हे निश्चित आहे. पण आता समोर आलेली माहिती धक्कादायक आहे, ज्यामध्ये गंभीरच्या आधी व्हीव्हीएस लक्ष्मण (VVS Laxman) टीम इंडियाचे मुख्य प्रशिक्षक होणार असल्याचे सांगण्यात आले आहे.
Indian Team Head Coach: भारतीय क्रिकेट संघाच्या मुख्य प्रशिक्षकाबाबत सध्या जोरदार चर्चा सुरू आहेत. टीम इंडिया (Team India) सध्या टी-20 वर्ल्ड कप 2024 खेळत (T20 World Cup 2024) आहे. या विश्वचषकानंतर संघाचे विद्यमान मुख्य प्रशिक्षक राहुल द्रविड (Rahul Dravid) यांचा कार्यकाळ संपणार आहे. द्रविडनंतर भारतीय संघाचे प्रशिक्षक कोण होणार? या प्रकरणाबाबत अद्याप कोणतीही अधिकृत माहिती समोर आलेली नाही. पण, मीडिया रिपोर्ट्सवर विश्वास ठेवला तर गौतम गंभीर (Gautam Gambhir) मुख्य प्रशिक्षक बनणार हे निश्चित आहे. पण आता समोर आलेली माहिती धक्कादायक आहे, ज्यामध्ये गंभीरच्या आधी व्हीव्हीएस लक्ष्मण (VVS Laxman) टीम इंडियाचे मुख्य प्रशिक्षक होणार असल्याचे सांगण्यात आले आहे.
टी-20 विश्वचषकानंतर भारतीय संघ झिम्बाब्वे दौऱ्यावर
माहितीनुसार, टी-20 वर्ल्ड 2024 नंतर टीम इंडिया 5 सामन्यांच्या टी-20 मालिकेसाठी झिम्बाब्वेचा दौरा करणार आहे. पीटीआय या वृत्तसंस्थेनुसार, राष्ट्रीय क्रिकेट अकादमीचे प्रमुख व्हीव्हीएस लक्ष्मण या दौऱ्यावर टीम इंडियासोबत येऊ शकतात. जर गंभीर टीम इंडियाचा प्रशिक्षक झाला तर तो झिम्बाब्वे दौऱ्यावर टीम इंडियासोबत जाणार नाही. मात्र, याबाबत अद्याप कोणतीही अधिकृत माहिती समोर आलेली नाही. (हे देखील वाचा: IND vs BAN, T20I Head to Head Record: शनिवारी भारत आणि बांगलादेश यांच्यात होणार रोमांचक सामना, टी-20 क्रिकेटमध्ये कोणाचा वरचष्मा? पाहा हेड टू हेड रेकॉर्ड)
🚨VVS Laxman, along with NCA coaches,is expected to travel with the Indian team to Zimbabwe for a five-match T20I series starting July 6.
Gautam Gambhir is likely to begin his coaching tenure from the Sri Lanka tour in mid-July.🚨 pic.twitter.com/u5srGMC2yZ
— Sujeet Suman (@sujeetsuman1991) June 21, 2024
बीसीसीआयच्या एका सूत्राने वृत्तसंस्थेला सांगितले की, "व्हीव्हीएस लक्ष्मण काही एनसीए प्रशिक्षकांसह झिम्बाब्वेला जाण्याची शक्यता आहे. राहुल द्रविड आणि पहिल्या संघाच्या प्रशिक्षकाने त्यांच्या कार्यकाळात जेव्हा जेव्हा ब्रेक घेतला तेव्हा लक्ष्मण आणि त्याची टीम नेहमीच पुढे आली."
गंभीर श्रीलंका दौऱ्यात टीम इंडियामध्ये सहभागी होण्याची शक्याता
गंभीर जर मेन इन ब्लू संघाचा मुख्य प्रशिक्षक झाला तर तो श्रीलंका दौऱ्यात टीम इंडियात सहभागी होऊ शकेल. झिम्बाब्वे दौऱ्यानंतर भारतीय संघ श्रीलंका दौऱ्यावर तीन टी-20 आणि तीन एकदिवसीय सामन्यांच्या मालिकेसाठी जाणार आहे. आता या दौऱ्यावर टीम इंडियाचे मुख्य प्रशिक्षक म्हणून कोण दिसणार हे पाहणे उत्सुकतेचे ठरणार आहे.
(The above story first appeared on LatestLY on Jun 21, 2024 08:59 PM IST. For more news and updates on politics, world, sports, entertainment and lifestyle, log on to our website latestly.com).
