Happy Gudi Padwa 2026 Marathi Wishes: गुढीपाडव्याच्या हार्दिक शुभेच्छा स्टेटस, Quotes शेअर करत साजरा करा नववर्षाचा पहिला दिवस

मुंबई: हिंदू दिनदर्शिकेनुसार नवीन वर्षाची सुरुवात आणि साडेतीन मुहूर्तांपैकी एक असलेला 'गुढीपाडवा' यंदा गुरुवार, 19 मार्च 2026 रोजी साजरा केला जाणार आहे. महाराष्ट्रात उत्साहाने साजरा होणाऱ्या या सणाला धार्मिक आणि ऐतिहासिकदृष्ट्या मोठे महत्त्व आहे. चैत्र शुद्ध प्रतिपदेच्या दिवशी घराघरात गुढी उभारून नवीन संकल्पांची सुरुवात केली जाते. यावर्षी गुढी उभारण्यासाठी पहाटेपासूनच शुभ मुहूर्त असून, सोशल मीडियावरही शुभेच्छांचा ओघ आतापासूनच सुरू झाला आहे.

गुढीपाडवा 2026: तिथी आणि शुभ मुहूर्त

पंचांगानुसार, चैत्र शुद्ध प्रतिपदा तिथी १९ मार्च २०२६ रोजी सकाळी ६:५५ वाजता सुरू होईल आणि २० मार्च रोजी पहाटे ४:५० वाजता समाप्त होईल. उदयतिथीनुसार १९ मार्च रोजीच गुढीपाडवा साजरा करणे शास्त्रोक्त ठरेल.

गुढी उभारण्याचा शुभ मुहूर्त: सकाळी ६:४४ ते सकाळी ८:१४ वाजेपर्यंत.

अभिजित मुहूर्त: दुपारी १२:०४ ते १२:५३ वाजेपर्यंत.

लाभ मुहूर्त: दुपारी १२:४६ ते २:१७ वाजेपर्यंत.

गुढीपाडवा प्रियजनांसाठी खास मराठी शुभेच्छा (Wishes)

Gudi Padwa Quotes In Marathi- आजच्या डिजिटल युगात सणाचे स्वागत मेसेजेसने केले जाते. यंदा ट्रेंडमध्ये असलेले काही निवडक शुभेच्छा संदेश खालीलप्रमाणे आहेत:

१. "उभारून आनंदाची गुढी, सुख-समृद्धी येवो तुमच्या घरी. नवीन वर्षाच्या हार्दिक शुभेच्छा!"

२. "सोनेरी सूर्याची सोनेरी किरणे, सोनेरी किरणांचा सोनेरी उत्सव. गुढीपाडव्याच्या निमित्ताने तुमच्या आयुष्यात येवो सुवर्णकाळ!"

३. "नक्षीदार काठी, त्यावर रेशमी वस्त्र, साखरेची गाठी आणि कडुनिंबाचे शास्त्र. गुढीपाडवा म्हणजे विजयाचे अस्त्र. शुभ गुढीपाडवा!"

४. "जुन्या आठवणींना मागे सोडूया, नवीन स्वप्नांना उभारी देऊया. हिंदू नववर्षाच्या आणि गुढीपाडव्याच्या मनःपूर्वक शुभेच्छा!"

उत्सवाचे स्वरूप आणि परंपरा

गुढीपाडवा माहिती मराठी- गुढीपाडव्याच्या दिवशी पहाटे अभ्यंगस्नान करून घरासमोर रांगोळी काढली जाते. काठीला रेशमी वस्त्र, कडुनिंबाची पाने, फुलांचा हार आणि साखरेची गाठी बांधून त्यावर तांब्याचा कलश उपडा ठेवला जातो. ही गुढी विजयाचे आणि भरभराटीचे प्रतीक मानली जाते. या दिवशी कडुनिंब आणि गुळाचे मिश्रण खाण्याची परंपरा आहे, जे जीवनातील सुख आणि दु:खाच्या समतोलाचे दर्शन घडवते.

(The above story first appeared on LatestLY on Mar 17, 2026 11:04 AM IST. For more news and updates on politics, world, sports, entertainment and lifestyle, log on to our website latestly.com).