Virat Kohli New Record: ऑस्ट्रेलियाविरुद्ध विराट कोहलीने केला 'हा' मोठा पराक्रम, ब्रायन लारासारख्या दिग्गज खेळाडूला टाकले मागे
ऑस्ट्रेलियाविरुद्धच्या चौथ्या कसोटी सामन्यात विराट कोहली चांगलाच दिसला. त्याने अनेक जोरदार फटके मारले. सध्या तो 59 धावा करून क्रीजवर खेळत आहे.
भारतीय संघ सध्या ऑस्ट्रेलियाविरुद्ध (IND vs AUS 4th Test) चौथा कसोटी सामना खेळत आहे. या सामन्यात टीम इंडियाने (Team India) आतापर्यंत पहिल्या डावात 3 विकेट गमावून 289 धावा केल्या आहेत. ते अजूनही ऑस्ट्रेलियापेक्षा 191 धावांनी मागे आहे. या सामन्यात शुभमन गिलने (Shubman Gill) झंझावाती शतक झळकावले. त्याने 128 धावांची खेळी खेळली. त्याचबरोबर या सामन्यात विराट कोहलीही (Virat Kohli) उत्कृष्ट लयीत दिसत आहे. अर्धशतक झळकावल्यानंतर तो क्रीजवर उपस्थित आहे. त्याने आतापर्यंत 59 धावा केल्या आहेत. यासह त्याने आपल्या नावावर एक मोठा विक्रम नोंदवला असून वेस्ट इंडिजचा अनुभवी खेळाडू ब्रायन लाराला (Brian lara) मागे टाकले आहे.
कोहलीने केली अप्रतिम कामगिरी
ऑस्ट्रेलियाविरुद्धच्या चौथ्या कसोटी सामन्यात विराट कोहली चांगलाच दिसला. त्याने अनेक जोरदार फटके मारले. सध्या तो 59 धावा करून क्रीजवर खेळत आहे. यासह, तो ऑस्ट्रेलियाविरुद्ध (तिन्ही फॉरमॅटमध्ये) सर्वाधिक धावा करण्याच्या बाबतीत दुसऱ्या क्रमांकावर पोहोचला आहे. त्याने ब्रायन लाराची जागा घेतली. कोहलीने ऑस्ट्रेलियाविरुद्धच्या 89 सामन्यांमध्ये 15 शतकांसह 4729 धावा केल्या आहेत. त्याचवेळी लाराने ऑस्ट्रेलियाविरुद्धच्या 82 सामन्यांमध्ये 12 शतकांसह 4714 धावा केल्या आहेत.
या फलंदाजाने केल्या सर्वाधिक धावा
सचिन तेंडुलकरने ऑस्ट्रेलियाविरुद्ध सर्वाधिक धावा केल्या आहेत. त्याने 110 सामन्यांमध्ये 6707 धावा केल्या आहेत ज्यात 20 शतके आणि 31 अर्धशतकांचा समावेश आहे. ऑस्ट्रेलियाविरुद्ध त्याची सर्वोत्तम धावसंख्या 241 आहे. तर, सरासरी 49.68 आहे. (हे देखील वाचा: IND vs AUS 4th Test Live Streaming Online: कोहली-जडेजाच्या जोरावर भारताची लढत सुरू, चौथा दिवस ठरणार निर्णायक; इथे पाहुन घ्या सामन्याचा आनंद)
या फलंदाजांनी ऑस्ट्रेलियाविरुद्ध सर्वाधिक केल्या आहे धावा (तिन्ही फॉरमॅटमध्ये):
1. सचिन तेंडुलकर - 6707 धावा
2. विराट कोहली - 4729 धावा
3. ब्रायन लारा - 4714 धावा
4. डेसमंड हेन्स - 4495 धावा
5. व्हिव्हियन रिचर्ड्स - 4453 धावा
भारत अजूनही ऑस्ट्रेलियापेक्षा 191 धावांनी मागे
ऑस्ट्रेलियाविरुद्ध टीम इंडियाची सुरुवात चांगली झाली नाही. जेव्हा कर्णधार रोहित शर्मा पहिल्या सत्रात 35 धावा करून बाद झाला. यानंतर शुभमन गिलने चेतेश्वर पुजारासोबत मोठी भागीदारी करत टीम इंडियाला कठीण परिस्थितीतून बाहेर काढले. गिलने 128 धावा केल्या. त्याचवेळी पुजाराने 42 धावांची खेळी खेळली. तिसऱ्या दिवसाचा खेळ संपेपर्यंत टीम इंडियाने 289 धावा केल्या आहेत. तो अजूनही ऑस्ट्रेलियापेक्षा 191 धावांनी मागे आहे.
(The above story first appeared on LatestLY on Mar 12, 2023 08:58 AM IST. For more news and updates on politics, world, sports, entertainment and lifestyle, log on to our website latestly.com).
