सचिन तेंडुलकर याने खास अंदाजात फॅन्सना दिल्या नवीन वर्षाचा शुभेच्छा, Twitter वर शेअर केलेला व्हिडिओ तुम्हालाही प्रेरणा देईल, पाहा

महान क्रिकेटपटूंपैकी एक सचिन तेंडुलकर (Sachin Tendulkar) याने वर्ष 2020 ची सुरुवात एक अत्यंत भावनिक आणि प्रेरणादायक व्हिडिओ शेअर करून केली आहे. आपल्या फलंदाजीमुळे कोट्यावधी क्रिकेटपटूंसाठी प्रेरणा समजल्या जाणार्‍या सचिनने आपल्या ट्विटर अकाऊंटवरून एक व्हिडिओ पोस्ट केला आहे ज्यामध्ये कोणत्याही मनुष्याला लढायला आणि पुढे जाण्याची शिकवण मिळते. सचिनने ट्विटरवर एक व्हिडिओ पोस्ट केला आहे ज्यामध्ये एक मुलगा क्रिकेट खेळत आहे, पण त्याचे पाय नाहीत. तो मुलगा शॉट मारली आणि धाव घेण्यासाठी धावतो. मुलाचे पाय नाहीत परंतु तो आपल्या हातांच्या सहाय्याने धावत आहे. त्याच्या शरीराचा खालचा भाग जमिनीवर घासत आहे परंतु असे असूनही त्याने धाव पूर्ण केली. सचिनने शेअर केलेल्या व्हिडिओमधील या मुलाचे नाव मद्दा राम ( Madda Ram) आहे. सचिनने शेअर केलेला हा व्हिडिओ एकीकडे भावनिक आहे, तर आपल्याकडे एखादा अवयव अभाव असल्यास काय झाले याची प्रेरणा देखील देते. भगवंताने प्रत्येक मानवाला काही शक्ती दिली आहे, जी वापरली जाऊ शकते. (New Year 2020: वीरेंद्र सेहवाग, विराट कोहली यांच्यासमवेत दिग्गज खेळाडूंनी खास अंदाजात दिल्या नवीन वर्षाच्या शुभेच्छा)

हा व्हिडिओ शेअर करताना सचिनने लिहिले की, "2020 ची सुरुवात या प्रेरणादायक व्हिडिओसह करा, ज्यामध्ये हे मूल, मद्दा राम आपल्या मित्रांसह क्रिकेट खेळत आहे. त्याने माझ्या मनात उत्कटतेची भावना निर्माण केली, मला खात्री आहे की तुमच्या बाबतीतही असे होईल." सचिनचा हा व्हिडिओ चाहत्यांना पसंती पडत आहे आणि ते शेअर करतही करत आहे. पाहा हा प्रेरणादायी व्हिडिओ:

Start your 2020 with the inspirational video of this kid Madda Ram playing cricket 🏏 with his friends.

It warmed my heart and I am sure it will warm yours too. pic.twitter.com/Wgwh1kLegS

— Sachin Tendulkar (@sachin_rt) January 1, 2020

दरम्यान, नवीन वर्षाच्या अगोदरही सचिनने आगामी वर्ष आणि दशकाला मुलांचे असल्याचे म्हटले होते. सचिन म्हणाला की, '2020 आणि यापासून सुरू होणारे दशक मुलांचे असावे. त्यांच्याबरोबर वेळ घालवा, प्रेम द्या आणि त्यांना चुका करण्यास परवानगी दिली पाहिजे, आपण त्यांना मोठ्या स्वप्नांसाठी तयार केले पाहिजे.' सचिन पुढे म्हणाला, 'त्यांचे आरोग्य, पोषण आणि शिक्षणात योग्यरित्या गुंतवणूक केल्यास आपण त्यांना त्यांची स्वप्ने सत्यात करण्यासाठी प्रेरणा देऊ शकतो.'

(The above story first appeared on LatestLY on Jan 01, 2020 03:09 PM IST. For more news and updates on politics, world, sports, entertainment and lifestyle, log on to our website latestly.com).