Ashwin Mankad Run-Out in IPL 2020: रविचंद्रन अश्विनला दिल्ली कॅपिटल्सकडून नाही करता येणार 'मंकड रनआऊट', 13 व्या सीजनपूर्वी रिकी पॉन्टिंगने दिली चेतावणी
आर अश्विन आणि जोस बटलर मंकड रनआऊट (Photo Credit: YouTube/VideoScreenGrab)

दिल्लीचे कॅपिटल्सचे (Delhi Capitals) मुख्य प्रशिक्षक रिकी पॉन्टिंग (Ricky Ponting) यांनी आगामी आयपीएल (IPL) हंगामापूर्वी ‘मंकडींग’ (Mankading) या कल्पनेविषयी रविचंद्रन अश्विनशी (Ravichandran Ashwn) ‘कठोर चर्चा’ करणार असल्याचे सांगितले. फलंदाजाला बाद करण्याच्या वादग्रस्त पद्धतीविरूद्ध फ्रेंचायझीचे कठोर धोरण असल्याचे ऑस्ट्रेलियाच्या माजी कर्णधाराने स्पष्ट केले. मागील वर्षी किंग्स इलेव्हन पंजाब (Kings XI Punjab) आणि राजस्थान रॉयल्सविरुद्ध (Rajasthan Royals) अश्विनला रॉयल्सचा इंग्लिश स्टार जोस बटलरला (Jos Buttler) मंकडींगद्वारे आऊट करण्यासाठी टीकेचा सामना करावा लागला होता. बुटलरची विकेट रॉयल्ससाठी महत्वाची ठरली आणि सामन्यात त्यांना पराभवाचा सामना करावा लागला. यामुळे वाद वाढला पण अश्विनने ठामपणे आपली बाजी मांडली आणि म्हटले की ‘मंकडींग’ क्रिकेटच्या नियमांत आहे व त्याला परवानगी देण्यात यावी कारण नॉन-स्ट्रायकरला अयोग्य फायदा घेण्यापासून रोखले जाऊ शकते. दरम्यान, दिल्लीच्या कॅपिटल्सने मागील हंगामात शानदार खेळी केली होती आणि यंदाही संघ असाच करण्याचा प्रयत्न करेल. (IPL 2020 Update: जसप्रीत बुमराहने फलंदाजांना त्रास देण्यासाठी यॉर्करचा केला कसून सराव, अजिबात मिस करू नका हा Video)

परंतु अश्विनने या हंगामात कोणत्याही खेळाडूला 'मंकड' करण्याचा निर्णय घेतला तरी, त्याला संघ-व्यवस्थापन परवानगी देणार नाही असे दिसत आहे. त्या घटनेची आठवण काढत पॉन्टिंगने आपल्या संघाला हे स्पष्ट केले की ते या ब्रँडचा क्रिकेट खेळणार नाही. पॉन्टिंगने एका नवीन पॉडकास्टमध्ये म्हटले आहे की ते अश्विनशी बोलतील आणि त्याने या हंगामात हे करू नये अशी त्यांची इच्छा आहे. “मी त्याच्याबरोबर (मॅनकेडिंग) चर्चा कारेन, ही पहिली गोष्ट कारेन. मी त्याच्याशी हे एक कठोर चर्चा करणार आहे. मला वाटतं, अगदी तो देखील, आता मागे वळून पाहताना, कदाचित तो असे म्हणेल की हे नियमात आहे आणि ते करणे योग्य आहे,” पॉन्टिंग ‘द ग्रेड क्रिकेटर’ पॉडकास्टवर बोलताना म्हणाले.

पॉन्टिंग पुढे म्हणाला की, “मागील हंगामात पहात असतानाच मी प्रत्यक्षात मुलांसोबत बसलो आणि म्हणालो, 'मला माहित आहे की त्याने हे केले आहे, स्पर्धेच्या आसपास असे बरेच लोक असतील जे या कामगिरीबद्दल विचार करतील पण तेच आम्ही ज्या प्रकारे आपले क्रिकेट खेळतो त्या मार्गाने जात नाही. आम्ही ते करणार नाही’.” आयपीएल 19 सप्टेंबरपासून युएईमध्ये सुरू होत आहे, कोविड-19 मुळे प्रसिद्ध टी-20 लीग भारताबाहेर खेळवली जाणार आहे. त्यावेळी वरिष्ठ भारतीय गोलंदाजाने खेळाच्या नियमांत असल्याचे सांगून आपल्या कृतीचा बचाव केला होता. पण बाद करण्याची विवादास्पद पद्धत ही खेळाच्या भावनाविरूद्ध आहे असे पॉन्टिंगला वाटते. ते म्हणाले, “पण हे खेळ भावनेत नाही, माझ्या इच्छेनुसार नाही, किमान दिल्ली कॅपिटल्ससह तरी असू शकेल,” तो म्हणाला.