Asia Cup मध्ये Ravindra Jadeja ची मोठी कामगिरी, 'हा' पराक्रम करणारा ठरला पहिला भारतीय क्रिकेटपटू
जडेजाने 2010 ते 2022 पर्यंत आतापर्यंत झालेल्या सहा आशिया कप स्पर्धेत भाग घेतला आहे. त्याच्या नावावर आतापर्यंत 23 विकेट्स आहेत. या स्पर्धेत त्याने 22 विकेट्स घेऊन भारताचा माजी अष्टपैलू खेळाडू इरफान पठाणला (Irfan Pathan) मागे टाकले आहे.
टीम इंडियाचा अष्टपैलू रवींद्र जडेजा (Ravindra Jadeja) बुधवारी आशिया चषक (Asia Cup 2022) स्पर्धेच्या इतिहासात भारतासाठी सर्वाधिक विकेट घेणारा गोलंदाज ठरला. अष्टपैलू खेळाडूने 2022 च्या आशिया चषकाच्या आवृत्तीत दुबई (Dubai) येथे हाँगकाँग विरुद्ध त्याच्या संघाच्या गट अ सामन्यात हा पराक्रम केला. या सामन्यात जडेजाने शानदार गोलंदाजी केली. त्याने धोकादायक दिसणारा फलंदाज बाबर हयातची विकेट घेतली. जडेजाने चार षटकात 15 धावा देत 1 बळी मिळवला. जडेजाने 2010 ते 2022 पर्यंत आतापर्यंत झालेल्या सहा आशिया कप स्पर्धेत भाग घेतला आहे. त्याच्या नावावर आतापर्यंत 23 विकेट्स आहेत. या स्पर्धेत त्याने 22 विकेट्स घेऊन भारताचा माजी अष्टपैलू खेळाडू इरफान पठाणला (Irfan Pathan) मागे टाकले आहे.
जडेजाने 2010 मध्ये त्याच्या पहिल्या आशिया कपमध्ये चार विकेट घेतल्या, त्यानंतर 2012 मध्ये एक, 2014 च्या स्पर्धेच्या आवृत्तीत सात विकेट घेतल्या, तर 2016 मध्ये त्याने तीन विकेट घेतल्या. यानंतर 2018 च्या आशिया चषकात सात विकेट घेण्यात तो यशस्वी ठरला. त्याचबरोबर चालू आशिया चषकातील त्याची ही पहिली विकेट आहे. (हे देखील वाचा: विराट कोहलीसह सुर्यकुमार यादवकडून मुंबईकरांना गणेशोत्सवाच्या खास शुभेच्छा, पहा व्हिडीओ)
One for history to remember! Magical Triwizard’s feat of most wickets in Asia Cup for 🇮🇳👏#AsiaCup2022 #WhistlePodu #Yellove 🦁💛 @imjadeja pic.twitter.com/lQcgrj5Cnu
— Chennai Super Kings (@ChennaiIPL) September 1, 2022
2018 मध्ये बॉलसह त्याचा सर्वात यशस्वी आशिया कप होता. त्या हंगामातील चार सामन्यांत त्याने 22.28 च्या सरासरीने आणि 4.45 च्या इकॉनॉमी रेटने सात विकेट्स घेतल्या. स्पर्धेतील त्याची सर्वोत्तम गोलंदाजी 4/29 होती. तो गोलंदाजी क्रमवारीत पाचव्या क्रमांकावर होता आणि जसप्रीत बुमराह (8) आणि कुलदीप यादव (10) यांच्यानंतर स्पर्धेत भारताचा तिसरा सर्वाधिक बळी घेणारा गोलंदाज होता. तथापि, आशिया कपच्या इतिहासातील सर्वात यशस्वी गोलंदाजांमध्ये श्रीलंकेचा मुथय्या मुरलीधरन (30), लसिथ मलिंगा (29), अजंथा मेंडिस (26) आणि पाकिस्तानचा सईद अजमल (25) आहेत.
(The above story first appeared on LatestLY on Sep 01, 2022 05:59 PM IST. For more news and updates on politics, world, sports, entertainment and lifestyle, log on to our website latestly.com).
