PBKS vs RR (Photo Credit - X)

Punjab Kings vs Rajasthan Royal: इंडियन प्रीमियर लीग 2025 चा 18 वा सामना शनिवारी पंजाब किंग्ज विरुद्ध राजस्थान रॉयल्स (PBKS vs RR) यांच्यात महाराजा यादविंद्र सिंग आंतरराष्ट्रीय क्रिकेट स्टेडियम, मुल्लानपूर, चंदीगड (Maharaja Yadavindra Singh International Cricket Stadium, Mullanpur, Chandigarh) येथे खेळला जाणार आहे. या हंगामात, पंजाब किंग्जचे नेतृत्व श्रेयस अय्यर करत आहेत. तर, राजस्थान रॉयल्सची कमान संजू सॅमसनच्या खांद्यावर आहे. या हंगामात, श्रेयस अय्यरच्या नेतृत्वाखालील पंजाब किंग्जने दोन्ही सामने जिंकले आहेत. दुसरीकडे, राजस्थान रॉयल्सने तीन सामने खेळून फक्त एकच सामना जिंकला आहे.

हेड टू हेड रेकाॅर्ड (PBKS vs RR Head to Head)

आयपीएलच्या इतिहासात पंजाब किंग्ज आणि राजस्थान रॉयल्स यांच्यात एकूण 28 सामने खेळले गेले आहेत. या काळात, राजस्थान रॉयल्सने वरचढ कामगिरी केली आहे. राजस्थान रॉयल्सने 16 सामने जिंकले आहेत. तर, पंजाब किंग्जने फक्त 12 सामने जिंकले आहेत. या हंगामात दोन्ही संघांमधील ही पहिलीच लढत असेल. आयपीएलच्या गेल्या हंगामात दोन्ही संघ दोन सामन्यांमध्ये आमनेसामने आले होते. या काळात दोन्ही संघांनी प्रत्येकी एक सामना जिंकला. पंजाब किंग्ज यावेळी पुनरागमन करू इच्छितात.

हे देखील वाचा: PBKS vs RR T20 Stats In TATA IPL: आयपीएलच्या इतिहासात पंजाब आणि राजस्थानची एकमेकांविरुद्ध कशी आहे कामगिरी, येथे वाचा दोन्ही संघांची आकडेवारी

कोणता संघ जिंकू शकतो आजचा सामना?

आयपीएलच्या सध्याच्या हंगामातील फॉर्म पाहिला तर तो पंजाब किंग्ज संघाच्या बाजूने असल्याचे दिसून येते, तर आकडेवारी पाहिली तर राजस्थान रॉयल्स संघाचा वरचष्मा दिसतो. दोन्ही संघांमध्ये आतापर्यंत 28 सामने झाले आहेत, ज्यामध्ये राजस्थान संघाने 16 तर पंजाब संघाने 12 सामने जिंकले आहेत. या सामन्यात नाणेफेक खूप महत्त्वाची भूमिका बजावणार आहे कारण नंतर फलंदाजी करणाऱ्या संघासाठी लक्ष्याचा पाठलाग करणे सोपे काम असू शकते. तथापि, क्रिकेटला अनिश्चिततेचा खेळ म्हटले जाते. अशा परिस्थितीत या सामन्यात काहीही भाकित करणे कठीण आहे.

राजस्थान रॉयल्सच्या जिंकण्याची शक्यता: 50%

पंजाब किंग्जच्या विजयाची शक्यता: 50%.

दोन्ही संघाची संभाव्य प्लेइंग

पंजाब किंग्ज : श्रेयस अय्यर (कर्णधार), प्रियांश आर्य, प्रभसिमरन सिंग (यष्टीरक्षक), शशांक सिंग, मार्कस स्टॉइनिस, सूर्यांश शेडगे, ग्लेन मॅक्सवेल, मार्को यान्सेन, युझवेंद्र चहल, लॉकी फर्ग्युसन, अर्शदीप सिंग, नेहल वढेरा.

राजस्थान रॉयल्स : संजू सॅमसन (कर्णधार), यशस्वी जैस्वाल, नितीश राणा, रियान पराग, ध्रुव जुरेल (यष्टीरक्षक), शिमरोन हेटमायर, वानिंदू हसरंगा, जोफ्रा आर्चर, महीश तीक्षणा, तुषार देशपांडे, संदीप शर्मा, कुमार कार्तिकेय.