PAK vs UAE (Photo Credit - X)

Pakistan Nationl Cricket Team vs United Arab Emirates National Cricket Team: आज (4 सप्टेंबर) शारजा क्रिकेट स्टेडियमवर पाकिस्तानचा संघ आपला तिसरा सामना युएईविरुद्ध खेळणार आहे. त्रिकोणी मालिकेत विजयाच्या मार्गावर परत येण्यासाठी सलमान आगाच्या नेतृत्वाखालील पाकिस्तान संघ उत्सुक आहे. पाकिस्तानने या मालिकेत आतापर्यंत दोन सामने जिंकले आहेत, तर तिसऱ्या सामन्यात त्यांना अफगाणिस्तानकडून 18 धावांनी पराभव पत्करावा लागला. सध्या पाकिस्तान आणि अफगाणिस्तान हे दोन्ही संघ प्रत्येकी चार गुणांसह बरोबरीत आहेत. यजमान युएईने मात्र अद्याप एकही विजय मिळवलेला नाही.

जर पाकिस्तानने आजचा सामना जिंकला, तर ते थेट अंतिम फेरीत पोहोचतील आणि त्यांच्यासोबत अफगाणिस्तानचा संघही पात्र ठरेल. युएईला अंतिम फेरीत जाण्यासाठी त्यांचे उर्वरित दोन्ही सामने मोठ्या फरकाने जिंकणे आवश्यक आहे.

हे देखील वाचा: Asia Cup T20 इतिहासात सर्वाधिक धावा कोणी केल्या? पहा टॉप-10 फलंदाजांची यादी

PAK vs UAE त्रिकोणी मालिका, पाचवा सामना लाइव्ह स्ट्रीमिंग माहिती:

  • सामना कधी आहे? त्रिकोणी मालिका 2025 चा पाचवा सामना गुरुवार, 4 सप्टेंबर रोजी खेळला जाईल.

  • सामना कुठे होणार? हा सामना शारजा क्रिकेट स्टेडियम, युएई येथे होणार आहे.

  • सामना किती वाजता सुरू होईल? सामना भारतीय वेळेनुसार रात्री 8.30 वाजता सुरू होईल. नाणेफेक रात्री 8.00 वाजता होईल.

  • भारतात थेट प्रक्षेपण कुठे पाहाल? या सामन्याचे भारतात दूरदर्शनवर थेट प्रक्षेपण होणार नाही.

  • भारतात लाईव्ह स्ट्रीमिंग कुठे पाहू शकाल? हा सामना भारतात FanCode ॲप आणि वेबसाइटवर लाईव्ह स्ट्रीम केला जाईल.

संभाव्य प्लेइंग इलेव्हन:

  • पाकिस्तान: साहिबजादा फरहान, सईम अयुब, फखर जमान, सलमान आगा (कर्णधार), हसन नवाज, मोहम्मद नवाज, मोहम्मद हारिस (यष्टीरक्षक), फहीम अश्रफ, शाहीन आफ्रिदी, हरिस रौफ, सुफयान मुकीम.

  • युएई: मुहम्मद झुहैब, मुहम्मद वसीम (कर्णधार), आसिफ खान, राहुल चोप्रा (यष्टीरक्षक), इथेन डिसूजा, हर्षित कौशिक, ध्रुव पराशर, सागीर खान, हैदर अली, मुहम्मद रोहिद खान, जुनैद सिद्दीकी.