QuickLY
Socially
न्यूझीलंड विरुद्ध 5 सामन्यांच्या टी-20 मालिकेतील चौथ्या सामन्याचा निकाल पुन्हा एकदा सुपर-ओव्हरने लागला. सलग दुसऱ्या सामन्यात सुपर ओव्हर खेळणाऱ्या न्यूझीलंडला पराभवाचा सामना करावा लागला. न्यूझीलंडने सुपर ओव्हरमध्ये 13 धावा करत भारताला 14 धावांचे लक्ष्य दिले. केएल राहुल आणि कर्णधार विराट कोहली यांनी सुपर ओव्हर खेळली. राहुल 10 आणि कोहलीने 6 धावा करत भारताला विजय मिळवून दिला.
भारत आणि न्यूझीलंडमधील चौथा सामना अगदी रोमांचक झाला आहे. सलग दुसऱ्या सामन्यात धावसंख्या टाय झाली आणि आता विजेत्यांचा निर्णय पुन्हा एकदा सुपर ओव्हरने खेळला जाईल. भारताने पहिले फलंदाजी करत 166 धावांच्या प्रत्युत्तरात न्यूझीलंडने तितक्यचा धावा केल्या.
भारतीय फिरकीपटू युजवेंद्र चहलने खाते न उघडता किवी फलंदाज टॉम ब्रूसला पॅव्हेलियनमध्ये परतवले.
न्यूझीलंडचा सलामीवीर कॉलिन मुनरो 47 चेंडूंत सहा चौकार आणि तीन षटकारांच्या मदतीने 64 धावांसह पॅवेलियनला परतला. कर्णधार विराट कोहलीला मुनरोने धावबाद केले.
भारताने दिलेले 166 धावांच्या प्रत्युत्तरात न्यूझीलंडने 10 षटकांनंतर एक गडी गमावून 79 धावा केल्या आहेत. विजयासाठी यजमानांना अजूनही 60 चेंडूंत 87 धावांची आवश्यकता आहे. कॉलिन मुनरो 57 आणि टिम सेफर्ट 15 धावा करून खेळत आहेत.
भारताने दिलेल्या 166 धावांच्या लक्ष्याचा पाठलाग करताना न्यूझीलंडच्या संघाने पहिल्या पॉवरप्लेच्या समाप्तीनंतर एक गडी गमावून 39 धावा केल्या आहेत. सध्या कॉलिन मुनरो 32 आणि विकेटकीपर फलंदाज टिम सेफर्ट खाते न उघडता खेळत आहेत.
टीम इंडियाने दिलेल्या 166 धावांच्या लक्ष्याचा पाठलाग करणाऱ्या यजमान न्यूझीलंडला जसप्रीत बुमराहने पहिले यश मिळवून दिले. बुमराहने 4 धावा करून खेळणाऱ्या मार्टिन गप्टिलला विकेटकीपर केएल राहुलकडे कॅच आऊट केले.
भारताने दिलेल्या 166 धावांच्या आव्हानाचा पाठलाग करताना यजमान न्यूझीलंडने तीन ओव्हरनंतर एकही विकेट न गमावता 10 धावा केल्या आहेत. संघाकडून मार्टिन गप्टिल 2 आणि कॉलिन मुनरो 6 धावा खेळत आहेत.
न्यूझीलंडविरुद्ध क्लीन-स्वीप करण्याच्या प्रयत्नात असलेल्या टीम इंडियाने निर्धारित 20 ओव्हरमध्ये 8 बाद 165 धावा केल्या आणि किवी संघाला विजयासाठी 166 धावांचे लक्ष दिले. टीम इंडियासाठी सलामी फलंदाज केएल राहुल याने 39 धावा केल्या. मनीष पांडे 50 धावा करून नाबाद परतला. मनीषने 36 चेंडूंचा समान करत मुश्किल स्थितीत 3 टी-20 अर्धशतक केले. दुसरीकडे, किवींकडून ईश सोढीने सर्वाधिक 3 गडी बाद केले. टिम साऊथी, स्कॉट कुग्गेलैन, मिशेल सेंटनर आणि हमीश बेनेट यांनी प्रत्येकी 1 गडी बाद केला.
टीम इंडियाने 15 षटकांनंतर 6 गडी गमावत 112 धावा केल्या आहेत. मनीष पांडे 24 तर शार्दुल ठाकूर 11 धावा देत संघासाठी खेळला आहे. भारताकडून बाद झालेल्या फलंदाजांमध्ये संजू सॅमसन 8, कर्णधार विराट कोहली 11, लोकेश राहुल 39 आणि श्रेयस अय्यर 1, शिवम दुबे 12 आणि वॉशिंग्टन सुंदर 0 धावा केल्या आहेत.
न्यूझीलंड (New Zealand) विरुद्ध तिसऱ्या टी-20 सामन्यात सुपर ओव्हर जिंकल्यानंतर मालिका जिंकणारा भारतीय संघ (Indian Team) पुन्हा चौथ्या सामन्यात वेलिंग्टनमध्ये न्यूझीलंड संघाचा सामना करेल. यापूर्वी मालिका जिंकलेली टीम इंडिया आता न्यूझीलंडविरुद्ध 4-0 अशी मजल मारण्याच्या प्रयत्न करेल. मात्र, त्यांच्यासाठी हे सोप्पे नसणार. मागील सामन्यात किवी संघाने टीम इंडियाने दिलेल्या 179 धावांच्या प्रत्युत्तरात तितक्याच धाव करत सामना बरोबरीत केल्या होता, पण सुपर ओव्हरमध्ये ते पुन्हा एकदा अपयशी झाले आणि त्यांना मालिकेत तिसऱ्यांदा पराभवाचा सामना करावा लागला. मालिका गमावल्यानंतर अखेरचे दोन सामने जिंकून यजमान लाज वाचवण्याचा प्रयत्न करेल. तथापि, या वेळी न्यूझीलंडवर दबाव अधिक असेल. घरातील प्रेक्षकांसमोर जिंकून लाज वाचवण्याचे आव्हान त्यांच्या समोर असेल.
भारताचा कर्णधार विराट कोहली (Virat Kohli) याने यापूर्वीच भारतीय संघ बदलसह चौथ्या टी-20 मध्ये प्रवेश करणार असल्याचे संकेत दिले आहेत. विरोधी संघावर दबाव असल्याने मालिका जिंकल्यानंतर प्लेयिंग इलेव्हनमध्ये भारत बदल करू शकतो. नवदीप सैनी आणि वॉशिंग्टन सुंदर यांना शिल्लक दोन सामन्यासाठी संधी दिली जाऊ शकते. शिवाय, कुलदीप यादव, संजू सॅमसन (Sanju Samson) यांनाही खेळायला दिले जाऊ शकते. दुसरीकडे, किवी संघ फलंदाजीने चांगली सुरुवाट केल्यावर अडखळते. प्रत्येक सामन्यात हे पाहिले गेले आहे. केन विल्यमसन (Kane Williamson) हा त्याचा सर्वात विश्वासार्ह फलंदाज आहे परंतु तो एकटा काहीच करू शकला नाही. किवी संघ मुख्य वेगवान गोलंदाजांशिवाय संघर्ष करताना दिसत आहे. टीम साऊथी संघात आहे परंतु त्यांची धार कुठेतरी हरवलेली दिसत आहे. यानंतर भारताला न्यूझीलंडमध्ये 3 सामन्यांची वनडे आणि 2 सामन्यांची कसोटी मालिका खेळायची आहे. (मॅचचा लाईव्ह स्कोअर पाहण्यासाठी येथे क्लिक करा)
असा आहे भारत न्यूझीलंड संघ
भारत: विराट कोहली (कॅप्टन), रोहित शर्मा, केएल राहुल, मनीष पांडे, रिषभ पंत, संजू सॅमसन, श्रेयस अय्यर, शिवम दुबे, रवींद्र जडेजा, कुलदीप यादव, युजवेंद्र चहल, मोहम्मद शमी, जसप्रीत बुमराह, शार्दुल ठाकुर, नवदीप सैनी आणि वॉशिंग्टन सुंदर.
न्यूझीलंड: मार्टिन गप्टिल, कॉलिन मुनरो, केन विल्यमसन (कॅप्टन), टिम सेफर्ट (विकेटकीपर), रॉस टेलर, कॉलिन डी ग्रैंडहोम, डेरिल मिशेल, मिशेल सेंटनर, टिम साउथी, ईश सोधी, ब्लेअर टिकनर, स्कॉट कुग्गेलैन, हमीश बेनेट.
