Jasprit Bumrah IPL Wickets: जसप्रीत बुमराहने आयपीएलमध्ये केल्या 150 विकेट पूर्ण, 'या' विशेष यादीत समाविष्ट केले नाव

मुंबई इंडियन्सचा वेगवान गोलंदाज जसप्रीत बुमराहने दिल्ली कॅपिटल्सचा सलामीवीर पृथ्वी शॉच्या गोलंदाजीवर आयपीएलमध्ये 150 बळी पूर्ण केले. यासह त्याच्या नावावर एक विक्रम नोंदवला गेला, तो आयपीएलमध्ये सर्वात कमी सामन्यांमध्ये 150 बळी घेणारा तिसरा गोलंदाज ठरला.

Jasprit Bumrah (Photo Credit - X)

MI vs DC IPL 2024: आयपीएल 2024 च्या 20 व्या (IPL 2024) सामन्यात रविवारी मुंबई इंडियन्सचा सामना दिल्ली कॅपिटल्सशी (MI vs DC) झाला. वानखेडे स्टेडियमवर झालेल्या या सामन्यात दिल्लीने नाणेफेक जिंकून प्रथम गोलंदाजी करण्याचा निर्णय घेतला. प्रथम फलंदाजी करताना मुंबईने 20 षटकांत 5 गडी गमावून 234 धावा केल्या. प्रत्युत्तरात दिल्ली कॅपिटल्सला निर्धारित षटकात केवळ 205 धावा करता आल्या. यासह मुंबईने हा सामना 29 धावांनी जिंकला. या मोसमात मुंबईचा हा पहिला विजय आहे. मुंबई इंडियन्सचा वेगवान गोलंदाज जसप्रीत बुमराहने दिल्ली कॅपिटल्सचा सलामीवीर पृथ्वी शॉच्या गोलंदाजीवर आयपीएलमध्ये 150 बळी पूर्ण केले. यासह त्याच्या नावावर एक विक्रम नोंदवला गेला, तो आयपीएलमध्ये सर्वात कमी सामन्यांमध्ये 150 बळी घेणारा तिसरा गोलंदाज ठरला.

जसप्रीत बुमराहची घातक गोलंदांजी

जसप्रीत बुमराहने त्याच्या 4 षटकात फक्त 22 धावा दिल्या, पृथ्वी शॉ आणि अभिषेक पोरेलच्या रूपात 2 बळी घेतले. त्याने 12व्या षटकाच्या पाचव्या चेंडूवर प्रथम पृथ्वी शॉला बोल्ड केले. यानंतर बुमराहने 15व्या षटकाच्या शेवटच्या चेंडूवर अभिषेक पोरेलला टिम डेव्हिडकडे झेलबाद केले. (हे देखील वाचा: Gaurav More Went To Cheer Mumbai Indians: मुंबई इंडियन्सला प्रोत्साहन देण्यासाठी वानखडे मैदानात पोहोचला गौरव मोरे, व्हिडीओ व्हायरल)

1️⃣5️⃣0️⃣ IPL wickets for Jasprit Bumrah 💥💥
He reaches the milestone in 124 innings - only Lasith Malinga (105) and Yuzi Chahal (118) have done it quicker 🔥#MIvDC | #IPL2024 pic.twitter.com/eGlB7LVzU8
— ESPNcricinfo (@ESPNcricinfo) April 7, 2024

सर्वात कमी सामन्यात 150 विकेट घेणारे टॉप 5 गोलंदाज

105 सामन्यात - लसिथ मलिंगा

118 सामन्यात - युझवेंद्र चहल

124 सामन्यांमध्ये – जसप्रीत बुमराह*

137 सामन्यांमध्ये - ड्वेन ब्राव्हो

139 सामन्यांमध्ये - भुवनेश्वर कुमार

मुंबई इंडियन्स 29 धावांनी विजयी

दिल्ली कॅपिटल्सने नाणेफेक जिंकून प्रथम गोलंदाजी करण्याचा निर्णय घेतला. मुंबई इंडियन्सची सुरुवात चांगली झाली, रोहित शर्माने 27 चेंडूत 49 धावा केल्या. हार्दिक पांड्याने 39 धावांची खेळी खेळून संघाचे नेतृत्व केले आणि त्यानंतर अखेरच्या षटकांमध्ये टीम डेव्हिडने 21 चेंडूत 45 धावा आणि रोमॅरियो शेफर्डने 10 चेंडूत 39 धावा करत संघाची धावसंख्या 234 धावांपर्यंत नेली. ट्रिस्टन स्टब्सने दिल्ली कॅपिटल्ससाठी सर्वाधिक धावा केल्या, त्याने 25 चेंडूत 71 धावा केल्या. तत्पूर्वी, पृथ्वी शॉनेही 40 चेंडूत 66 धावा करून चांगली सुरुवात केली होती. दिल्ली कॅपिटल्सला केवळ 205 धावा करता आल्या आणि मुंबई इंडियन्सने 29 धावांनी सामना जिंकला.