दक्षिण आफ्रिकेचा पहिला डाव 275 धावांवर संपुष्टात आला. दक्षिण आफ्रिकेचा दहावा विकेट म्हणून आर अश्विनने कगिसो रबाडा याला बाद केले. यासह भारताने 326 धावांनी आघाडी मिळवली आहे. 

अखेर भारताला विकेट मिळाली ज्याची त्यांना प्रतीक्षा होती. केशव महाराजने रविचंद्रन अश्विन याचा चेंडूवर फ्लिक करण्याच्या प्रयत्न केला आणि स्लिपवर उभे असलेल्या रोहित शर्माला झेल दिला. महाराज 132 चेंडूत 72 धावा करुन तो परतला.

वर्नोन फिलेंडर आणि केशव महाराज यांची जोडी दक्षिण आफ्रिकेला मुश्किल स्थितीतून बाहेर काढण्याचा प्रयत्न करत आहेत. फिलेंडर आणि महाराजांनी 235 चेंडूत 104 धावांची भागीदारी पूर्ण केली. आफ्रिकेचे दोन विकेट बाकी आहे, त्यामुळे दोन्ही फलंदाज सांभाळून बॅटिंग करत आहे. 

आर अश्विनच्या ओव्हरच्या चेंडूवर चौकार लगावत केशव महाराज याने आपले अर्धशतक पूर्ण केले. कसोटी क्रिकेटमधील हे त्याचे पहिले अर्धशतक आहे. त्याने 98 चेंडूत पन्नास धावा पूर्ण केल्या.

टी ब्रेकनंतरही भारत विकेट मिळवण्यासाठी धडपडत आहे. वर्नोन फिलेंडर आणि केशव महाराज यांनी नवव्या विकेटसाठी 139 चेंडूत अर्धशतकी भागीदारी केली. आजचा खेळ संपुष्टात येण्यापूर्वी भारत दक्षिण आफ्रिका संघाला बाद करण्याचा प्रयत्न करीत आहे.

404 धावांनी पिछाडीवर असताना दक्षिण आफ्रिकेच्या फक्त दोन विकेट बाकी आहेत. वर्नोन फिलेंडर आणि केशव महाराज फलंदाजीची गती कमी करत आहेत. चहाच्या वेळेपर्यंत आफ्रिकेने 197 धावा केल्या आहेत. दुपारच्या जेवणानंतर दक्षिण आफ्रिकेने मुथुस्वामी आणि त्यानंतर फाफ डु प्लेसीची महत्त्वपूर्ण विकेट गमावली.

दक्षिण आफ्रिकेला आठवा धक्का बसला. कर्णधार फाफ डु प्लेसिस 63 धावा करुन रविचंद्रन अश्विनच्या चेंडूवर कॅच आऊट झाला. याआधी आफ्रिकेने 150 धावा पूर्ण केल्या. 

लंच ब्रेकनंतर खेळाला सुरुवात झाली. ब्रेकनंतर लगेच आफ्रिकेने त्यांची सातवी विकेट गमावली. 7 धावनावर सेनुरन मुथुसामी याला रवींद्र जडेजाने एलबीडब्ल्यू बाद केले. यावेळी दक्षिण आफ्रिकेने 139 धावा केल्या होत्या. आफ्रिकेने त्याचे 7 विकेट गमावले आहे आणि आता त्यांच्यावर फॉलोऑनचा धोका आहे. 

लंचपर्यंत भारताने चांगला खेळ दाखवून तीन विकेट्स घेतल्या आहेत. कालच्या स्कोअरमध्ये दक्षिण आफ्रिकेने आज 100 धावांची भर घातली आहे. पहिल्या तासामध्ये एनरिच नॉर्टजे आणि डी ब्रुयनेच्या विकेट गमावल्यानंतर क्विंटन डी कॉक फाफ डू प्लेसिस यांनी डाव सावरण्याचा प्रयत्न केला परंतु आर अश्विनने शानदार फलंदाजी करत डी कॉकला बाद केले आणि त्यांची भागीदारी मोडली.

फाफ डू प्लेसी आणि क्विंटन डी कॉक यांच्यातील अर्धशतकी भागीदारी पूर्ण झाली आहे. दोन्ही फलंदाजांनी चांगला खेळ दाखवून संघाचा डाव सांभाळण्याचा प्रयत्न केला. याच्यानंतर, रविचंद्र अश्विनने क्विंटन डी कॉकला 31 धावांवर बोल्ड केले आणि भारताला सहावी विकेट मिळवून दिली. 

दक्षिण आफ्रिकेचा कर्णधार फाफ डू प्लेसीने कसोटी कारकीर्दीत 3700 धावा पूर्ण केल्या आहेत. जडेजाच्या 33 व्या ओव्हरच्या दुसर्‍या चेंडूवर डू प्लेसीने षटकार खेचून हा टप्पा ओलांडला. 

तिसऱ्या दिवसाच्या सुरुवातीलाच दोन महत्वाचे फलंदाज बाद झाल्यावर कर्णधार फाफ डू प्लेसिस आणि विकेटकीपर-फलंदाज  क्विंटन डी कॉक यांची सावध फलंदाजी केली. दोघे सध्या खेळपट्टीवर संघर्ष करताना दिसत आहे. यासह, आफ्रिकेने 100 धावा पूर्ण केल्या. 

मोहम्मद शमीनंतर वेगवान गोलंदाज उमेश यादव यानेदेखील आफ्रिकेचा अडचणीत वाढ केली. उमेशने थेयूनिस डी ब्रूयनला रिद्धिमान साहाकडे कॅच आऊट केले.डी ब्रूयनने 30 धावा केल्या. यासह 53 धावांवर अर्धा अफिकी संघ माघारी परतला आहे. आणि कर्णधार फाफ डू प्लेसिस आणि क्विंटन डी कॉक क्रीजवर आहे. 

तिसऱ्या दिवसाच्या पहिल्याच चेंडूवर मोहम्मद शमी विरोधी फलंदाजांवर दबाव आणण्याचा प्रयत्न करताना दिसला. दिवसाच्या पहिल्या चेंडूवर शमी आक्रमक दिसत होता आणि अखेर दिवसाचा खेळ सुरू झाल्यानंतर 15 मिनिटांतच त्याने भारताला दिवसाचे पहिले यश मिळवून दिले. शमीने नॉर्टजेला बाद केले. नॉर्टजेने 28 चेंडूत केवळ तीन धावा केल्या.