IND vs PAK (Photo Credit - Twitter)

Champions Trophy 2025 IND vs PAK: चॅम्पियन्स ट्रॉफी 2025 (Champions Trophy 2025) पुढील वर्षी 19 फेब्रुवारी ते 9 मार्च दरम्यान पाकिस्तानमध्ये (Pakistan) खेळवली जाणार आहे, 10 मार्च हा राखीव दिवस असेल. दरम्यान, पाकिस्तान क्रिकेट बोर्डाने (PCB) पुढील वर्षी 1 मार्च रोजी लाहोरमध्ये कट्टर प्रतिस्पर्धी भारताविरुद्ध चॅम्पियन्स ट्रॉफीमध्ये आपल्या संघाचा महत्त्वाचा सामना (IND vs PAK) निश्चित केला आहे. मात्र, तात्पुरत्या वेळापत्रकाला बीसीसीआयने (BCCI) अद्याप संमती दिलेली नाही. आयसीसी (ICC) बोर्डाच्या एका वरिष्ठ सदस्याने बुधवारी पीटीआयला ही माहिती दिली. (हे देखील वाचा: AUS vs AFG: क्रिकेट ऑस्ट्रेलियाची मोठी घोषणा! विश्वचषकात दणदणीत पराभवानंतर अफगाणिस्तानसोबत द्विपक्षीय क्रिकेट खेळण्यास दिला नकार)

बीसीसीआयने अद्याप मान्यता दिलेली नाही

1996 नंतर ही पहिलीच वेळ असेल जेव्हा पाकिस्तानने 2008 मध्ये संपूर्ण आशिया चषक आणि त्याच स्पर्धेचे काही सामने गेल्या वर्षीही आपल्या भूमीवर आयोजित केले असले तरी मोठ्या आयसीसी स्पर्धेचे आयोजन केले जाईल. भारतीय क्रिकेट नियामक मंडळाने (BCCI) अद्याप अधिकृतपणे पुष्टी केलेली नाही की ते आयसीसी स्पर्धेसाठी राष्ट्रीय संघ पाकिस्तानला पाठवतील की नाही.

भारताचे सर्व सामने लाहोरमध्ये

रिपोर्टनुसार, पीसीबीचे अध्यक्ष मोहसिन नक्वी यांनी चॅम्पियन्स ट्रॉफी 2025 साठी 15 सामन्यांचे वेळापत्रक सादर केले आहे. ज्यामध्ये सुरक्षा आणि लॉजिस्टिक कारणास्तव भारताचे सर्व सामने लाहोरमध्ये ठेवण्यात आले आहेत. आयसीसी बोर्डाच्या एका सदस्याने सांगितले की, "पीसीबीने 15 सामन्यांचा आयसीसी चॅम्पियन्स ट्रॉफीचा मसुदा सादर केला आहे. सात सामने लाहोरमध्ये, तीन कराचीमध्ये आणि पाच रावळपिंडीमध्ये होणार आहेत. सलामीचा सामना कराचीमध्ये होणार आहे, तर दोन सामने उपांत्य फेरीचे आयोजन कराची आणि रावळपिंडी येथे केले जाईल याशिवाय, सर्व भारतीय सामने (उपांत्य फेरीसह, जर संघ पात्र ठरला तर) लाहोरमध्ये खेळले जातील. फायनलचा थरार लाहोरच्या मैदानात होणार आहे.

आठ संघ दोन गटात विभागले गेले

भारताला पाकिस्तान, बांगलादेश आणि न्यूझीलंडसह अ गटात ठेवण्यात आले आहे. ब गटात ऑस्ट्रेलिया, दक्षिण आफ्रिका, इंग्लंड आणि अफगाणिस्तान यांचा समावेश आहे. अलीकडेच, आयसीसी इव्हेंट्सचे प्रमुख ख्रिस टेटली यांनी इस्लामाबादमध्ये पीसीबी अध्यक्ष मोहसिन नक्वी यांची भेट घेतली त्यानंतर सुरक्षा पथकाने स्थळांची आणि इतर व्यवस्थांची पाहणी केली.