QuickLY
Socially
IND vs NZ 1st Test: भारताविरुद्ध (India) कसोटी मालिकेत फिरकीपटू महत्त्वाची भूमिका बजावतील हे केन विल्यमसनला (Kane Williamson) चांगलेच ठाऊक आहे आणि त्याचा डावखुरा फिरकी गोलंदाज एजाज पटेल आणि ऑफस्पिनर विल्यम सोमरव्हिल यांच्याकडून परिस्थितीशी जुळवून घेऊन बदल घडवून आणण्याची अपेक्षा आहे. 2016 मध्ये कानपूरमध्ये न्यूझीलंडला (New Zealand) दारूण पराभवाला सामोरे जावे लागले होते. कानपुर येथे दोन्ही संघातील अखेरच्या लढतीत रविचंद्रन अश्विनने महत्त्वाची भूमिका बजावली होती आणि विल्यमसनला माहित आहे की त्याला भारतीय मैदानावर कोणत्या प्रकारच्या खेळपट्ट्यांचा सामना करावा लागेल. पहिल्या कसोटीच्या पूर्वसंध्येला, दिग्गज भारतीय खेळाडूंच्या या मालिकेत अनुपस्थितीनंतरही विल्यमसनने आपल्या संघाला विजयाचे दावेदार सांगितले नाहीत. (IND vs NZ 1st Test: अजिंक्य रहाणेने जिंकला टॉस, न्यूझीलंडविरुद्ध पहिले फलंदाजीचा घेतला निर्णय; असा आहे दोघांचा Playing XI)
रोहित शर्मा, रिषभ पंत, केएल राहुल, जसप्रीत बुमराह आणि मोहम्मद शमी यांची अनुपस्थिती न्यूझीलंडला विजयाचा प्रबळ दावेदार बनवते का? असे विचारले असता विल्यमसनने नकारार्थी उत्तर दिले. “मला वाटत नाही की आम्ही विजयाचे प्रबळ दावेदार आहोत. भारतीय क्रिकेटची ताकद ही त्याची सखोलता आहे. त्याचे त्याच्या परिस्थितीचे ज्ञान अद्वितीय आहे आणि आव्हान मोठे आहे. त्याचा सामना करण्यासाठी आम्ही उत्सुक आहोत.” विल्यमसन म्हणाला, “फिरकीची भूमिका संपूर्ण मालिकेत निर्णायक असेल. अनेक संघांनी अशा आव्हानांचा सामना केला आहे आणि आमच्या अपेक्षा फारशा नाहीत. स्पिन महत्त्वाची भूमिका बजावेल. “अयाझ आणि सोमरविले सारखे फिरकीपटू आमच्या गोलंदाजी आक्रमणात महत्त्वाची भूमिका बजावतील. विशेषत: या परिस्थितीत त्यांची भूमिका महत्त्वाची असेल. वेगवान गोलंदाजांनाही रिव्हर्स स्विंग मिळणे अपेक्षित आहे. आम्ही विकेट घेण्यासाठी सर्व पद्धती वापरून पाहू त्यामुळे वेगवान गोलंदाज आणि फिरकीपटू दोघांचीही भूमिका असेल.”
याशिवाय विल्यमसन म्हणाला की अश्विन आणि जडेजाविरुद्ध किवी फलंदाजांना फक्त विकेट्स ठेवाव्या लागतात असे नाही तर धावा काढण्याचा मार्ग देखील शोधावा लागेल. “आम्हाला भारतीय फिरकी गोलंदाजांची ताकद माहित आहे आणि ते बऱ्याच काळापासून चांगली कामगिरी करत आहेत. आम्हाला धावा करण्याचे मार्ग शोधावे लागतील आणि भागीदारी निर्माण करण्याचा प्रयत्न करावा लागेल. प्रत्येक खेळाडू वेगळा असतो, त्यामुळे त्यांचा दृष्टिकोनही इतरांपेक्षा वेगळा असेल.”
