टीम इंडिया (Photo Credit: PTI)

IND vs ENG 2nd T20I Likely Playing XI: भारत (India) आणि इंग्लंड (England) यांच्यातील पाच टी-20 सामन्यांच्या मालिकेतील दुसरा सामना 14 मार्च रोजी खेळला जाणार आहे. मालिकेच्या पहिल्या सामन्यात टीम इंडियाला इयन मॉर्गनच्या इंग्लिश टीमकडून 8 विकेटने पराभवाला सामोरे जावे लागले. पहिल्या सामन्यात टीम इंडियाचा (Team India) टॉप ऑर्डर पूर्णपणे अपयशी ठरला जे संघाच्या पराभवाचे हे सर्वात मोठे कारण ठरले. श्रेयस अय्यरला (Shreyas Iyer) वगळता दुसरा कोणताही फलंदाज कलाम करू शकला नाही. शिखर धवन, केएल राहुल आणि विराट कोहली हे टीम इंडियाचे टॉप ऑर्डर फलंदाज मिळून फक्त 5 धावा करू शकले. सुरुवातीला लागलेल्या तीन विकेटच्या झटक्यातून संघ सावरू शकला नाही आणि निर्धारित 20 षटकांत 124 धावाच करु शकला. दुसर्‍या सामन्यापूर्वी, पुढील सामन्यासाठी संभाव्य इलेव्हन खेळत असलेल्या भारतीय संघांबद्दल जाणून घेऊया. (IND vs ENG 1st T20I 2021: भारताच्या लज्जास्पद पराभवानंतर Virat Kohli याने स्वीकारली चूक, पहा कोणावर फोडले पराभवाचे खापर)

इंग्लंडविरुद्ध दुसऱ्या टी-20 सामन्यात टीम इंडियाकडून केएल राहुल आणि शिखर धवन सलामीला येऊ शकतात. पहिल्या टी-20 सामन्यातील नाणेफेक दरम्यान विराट कोहलीने स्पष्टपणे सांगितले होते की टीम मॅनेजमेंटने काही सामन्यात रोहित शर्माला विश्रांती देण्याचा निर्णय घेतला आहे. अशास्थितीत, दुसर्‍या सामन्यात त्याचे पुनरागमन संभव नाही. पहिल्या सामन्यात कोहली शून्यावर बाद झाला. पण, श्रेयस अय्यरने 67 धावा फटकावत सुरुवातीच्या झटक्यांनंतर भारताला सन्माननीय धावसंख्या गाठून दिली. दोघांचे प्लेइंग इलेव्हनमधील स्थान कायम राहील. मधल्या फळीत सूर्यकुमार व ईशान हे दोन अन्य पर्याय उपलब्ध आहेत, पण दोघांची पदार्पणाची प्रतीक्षा अधिक लांबणीवर पडणार असे दिसत आहे. रिषभ पंतने फलंदाजीच्या जोरावर चमकदार चमक दाखवली आणि विकेटच्या मागे तो सुरक्षित पर्याय आहे. सुरुवातीला दोन चौकारांसह त्याने 21 चेंडूत 23 धावा केल्या. पंतप्रमाणे हार्दिक पांड्यानेही दोन अविश्वसनीय फटके खेळले पण त्यानंतर त्याला संघर्ष करावा लागला. पांड्या 19 धावांवर आऊट झाला. त्याने दोन किफायतशीर ओव्हरही फेकली. पांड्याचे स्थान टिकून राहण्याची शक्यता आहे, परंतु दुसर्‍या टी-20 सामन्यात यॉर्कर विशेषज्ञ टी नटराजनचे प्लेइंग इलेव्हन कमबॅक होऊ शकते. पहिल्या टी-20 सामन्यात दुखापतीमुळे नटराजन खेळू शकला नाही. वॉशिंग्टन सुंदरच्या जागी टीम मॅनेजमेंट त्याला टीममध्ये संधी देऊ शकेल.

पहा भारताचा संभावित प्लेइंग इलेव्हन: विराट कोहली (कॅप्टन), केएल राहुल, शिखर धवन, श्रेयस अय्यर, रिषभ पंत, हार्दिक पांड्या, अक्षर पटेल, युजवेंद्र चहल, भुवनेश्वर कुमार, शार्दूल ठाकूर आणि टी नटराजन.