Asia Cup 2023 Schedule: आशिया कप 2023 चे ड्राफ्ट वेळापत्रक समोर, 'या' दिवशी होऊ शकतो भारत-पाकिस्तान सामना
भारत आणि पाकिस्तानचे संघ 2 सप्टेंबरला कॅंडीमध्ये भिडू शकतात. हा सामना श्रीलंकेत होणार आहे. स्पर्धेची सुरुवात 30 ऑगस्ट रोजी मुलतान येथे पाकिस्तान-नेपाळ सामन्याने होईल, तर अंतिम सामना 17 सप्टेंबर रोजी कोलंबोमध्ये खेळला जाईल. असेही ESPNcricinfo च्या अहवालात म्हटले आहे.
Asia Cup 2023: आशिया चषक 2023 (Asia Cup 2023) ची सुरुवात होण्यासाठी काही दिवस बाकी आहेत, परंतु या स्पर्धेचे वेळापत्रक अद्याप जाहीर झालेले नाही. या स्पर्धेतील भारत-पाकिस्तान (IND vs PAK) सामन्याची प्रत्येकजण आतुरतेने वाट पाहत आहे आणि चाहतेही त्याच्या तारखेची वाट पाहत आहेत. दरम्यान, आशिया चषक स्पर्धेचे ड्राफ्ट वेळापत्रक समोर आले आहे. त्यानुसार भारत आणि पाकिस्तानचे संघ 2 सप्टेंबरला कॅंडीमध्ये भिडू शकतात. हा सामना श्रीलंकेत होणार आहे. स्पर्धेची सुरुवात 30 ऑगस्ट रोजी मुलतान येथे पाकिस्तान-नेपाळ सामन्याने होईल, तर अंतिम सामना 17 सप्टेंबर रोजी कोलंबोमध्ये खेळला जाईल. असेही ESPNcricinfo च्या अहवालात म्हटले आहे.
Asia Cup (Dainik Jagran):
Pak Vs Nep - Aug 30.
Bang Vs SL - Aug 31.
India Vs Pak - Sep 2.
Ban Vs Afg - Sep 3.
India Vs Nep - Sep 4.
SL Vs Afg - Sep 5.
A1 Vs B2 - Sep 6.
B1 Vs B2 - Sep 9.
A1 Vs A2 - Sep 10.
A2 Vs B1 - Sep 12.
A1 Vs B1 - Sep 14.
A2 Vs B2 - Sep 15.
Final - Sep 17. pic.twitter.com/HMtXFiLuGB
— Mufaddal Vohra (@mufaddal_vohra) July 19, 2023
पाकिस्तानच्या दोन शहरात सामने होणार आहेत
पीसीबीची मूळ योजना पाकिस्तानने त्यांचे चारही सामने एकाच शहरात खेळवण्याची होती. परंतु नवीन अध्यक्ष झका अश्रफ यांच्या नेतृत्वाखालील पीसीबी व्यवस्थापनाने या महिन्याच्या सुरुवातीला जेव्हा पदभार स्वीकारला तेव्हा मुलतानला दुसरे ठिकाण म्हणून समाविष्ट करण्यात आले. मसुद्याच्या वेळापत्रकानुसार, लाहोर तीन सामन्यांचे आयोजन करेल आणि मुलतानमध्ये फक्त पहिला सामना होईल. (हे देखील वाचा: Asian Games 2023: आशियाई क्रीडा स्पर्धेत टीम इंडिया थेट उपांत्यपूर्व फेरीत खेळणार, जाणून घ्या नियम)
स्पर्धेत 13 सामने होणार आहेत
या स्पर्धेत एकूण 13 सामने खेळवले जाणार आहेत. हे सर्व सामने पाकिस्तानच्या वेळेनुसार दुपारी एक वाजता सुरू होतील. पाकिस्तानसह भारत आणि नेपाळ अ गटात आहेत. श्रीलंका, बांगलादेश आणि अफगाणिस्तान या गटात आहेत. प्रत्येक गटातील अव्वल दोन संघ सुपर फोरसाठी पात्र ठरतील आणि या टप्प्यातील अव्वल दोन संघ अंतिम फेरीत प्रवेश करतील. यावेळी आशिया कप 50 षटकांच्या फॉरमॅटमध्ये खेळवला जाईल. हे टूर्नामेंटचे ड्राफ्ट वेळापत्रक आहे. त्याचे पूर्ण वेळापत्रक आज संध्याकाळी जाहीर करण्याची शक्यता आहे. ते प्रदर्शित होताच तारखांबाबतच्या सर्व अटकळांना पूर्णविराम मिळेल.
(The above story first appeared on LatestLY on Jul 19, 2023 03:50 PM IST. For more news and updates on politics, world, sports, entertainment and lifestyle, log on to our website latestly.com).
