QuickLY
Socially
इंडियन प्रीमियर लीग (Indian Premier League) 2021 च्या दुसऱ्या टप्प्यात चेन्नई सुपर किंग्ज (Chennai Super Kings) फ्रँचायझीसाठी एमएस धोनी (MS Dhoni) प्रमुख धावा करणाऱ्यांपैकी एक आहे याबद्दल भारताचे माजी सलामीवीर गौतम गंभीरने (Gautam Gambhir) आपले मत व्यक्त केले आहे. इतिहासातील महान फिनिशरपैकी एक दिग्गज क्रिकेटपटू आणि यलो ब्रिगेडचा कर्णधार लीगमध्ये CSK साठी खूपच कमी फलंदाजीला प्राधान्य देतो. अनुभवी यष्टीरक्षक-फलंदाजाने उत्कृष्ट आंतरराष्ट्रीय कारकिर्दीतुन निवृत्ती घेतल्यानंतर धोनी सीएसके (CSK) फ्रँचायझीसाठी धावा करण्यासाठी संघर्ष करत आहे. चेन्नई फ्रँचायझीचा दिग्गज कर्णधार आयपीएलच्या (IPL) 2019 च्या हंगामात सीएसकेचा आघाडीचा धावा करणारा (416) फलंदाज होता. निवृत्तीनंतर आयपीएलच्या पहिल्या हंगामात धोनीने येलो आर्मीसाठी 14 सामन्यांतून केवळ 200 धावा केल्या. (IPL 2021 च्या दुसऱ्या टप्प्यापुर्वी CSK ला धक्का; इन-फॉर्म Faf du Plessis जखमी, तर हा इंग्लंड अष्टपैलू मुंबई इंडियन्सविरुद्ध पहिल्या सामन्यातून आऊट)
धोनीच्या संघात योगदानाबद्दल बोलताना गंभीरने म्हटले की सीएसके कर्णधार त्याच्या टी -20 कारकिर्दीच्या उत्तराधार्त फ्रँचायझीसाठी मार्गदर्शक आणि यष्टीरक्षक होण्याचा प्रयत्न करत आहे. “एमएस धोनी हा एक खेळाडू होता जो प्रत्यक्षात 4 किंवा 5 क्रमांकावर फलंदाजी करायचा, परंतु आपण पहिल्या लेगमध्ये पाहिले आहे की तो साधारणपणे 6 किंवा 7 व्या क्रमांकावर फलंदाजी करतो," गंभीरने स्टार स्पोर्ट्सला सांगितले. "यामागचे कारण हे आहे की तो कदाचित मार्गदर्शक आणि यष्टीरक्षक बनण्याचा प्रयत्न करत आहे जो संघाचे नेतृत्व करू शकतो आणि विकेट्स ठेवू शकतो. जर परिस्थिती अशी आली की जिथे त्याला बहुधा 8 किंवा 10 चेंडू खेळावे लागतील, तर तो तिथेच जाऊ शकतो,” गंभीर पुढे म्हणाला. वारंवार आंतरराष्ट्रीय क्रिकेट न खेळणाऱ्या खेळाडूसाठी आयपीएलमध्ये कठीण होते, याकडेही गंभीरने लक्ष वेधले.
दरम्यान, यंदा पहिल्या टप्प्यात फक्त 18 च्या सर्वोच्च धावसंख्येसह, धोनीने आतापर्यंत 7 सामन्यांमध्ये CSK साठी फक्त 37 धावा केल्या आहेत. धोनीच्या नेतृत्वात तीन वेळा चॅम्पियन्सने आयपीएल 2021 चा भारत लेग दुसरा सर्वोत्तम संघ म्हणून गाजवला. धोनी आणि कंपनी सध्याच्या आयपीएल 2021 च्या क्रमवारीत फक्त दिल्ली कॅपिटल्स (DC) च्या मागे गुणतालिकेत दुसऱ्या स्थानावर आहेत. सीएसकेने पाच विजय आणि दोन पराभवांसह 7 सामन्यांत 10 गुण मिळवले आहेत.
