IND vs NZ 2nd T20: आज भारत आणि न्यूझीलंडमध्ये होणार हाय व्होल्टेज सामना, सर्वांच्या नजरा असतील 'या' खेळाडूंकडे
टीम इंडियासाठी हा सामना 'करो या मरो' असेल. या मालिकेतील पहिल्या सामन्यात टीम इंडियाचा न्यूझीलंडकडून 21 धावांनी पराभव झाला होता. अशा परिस्थितीत मालिकेत टिकून राहण्यासाठी टीम इंडियाला लखनऊमध्ये होणारा टी-20 सामना जिंकावा लागेल.
टीम इंडिया आणि न्यूझीलंड यांच्यातील तीन सामन्यांच्या टी-20 मालिकेतील दुसरा सामना (IND vs NZ 2nd T20) आज संध्याकाळी 7 वाजता लखनौच्या अटल बिहारी वाजपेयी एकना क्रिकेट स्टेडियमवर खेळला जाईल. टीम इंडियासाठी हा सामना 'करो या मरो' असेल. या मालिकेतील पहिल्या सामन्यात टीम इंडियाचा न्यूझीलंडकडून 21 धावांनी पराभव झाला होता. अशा परिस्थितीत मालिकेत टिकून राहण्यासाठी टीम इंडियाला लखनऊमध्ये होणारा टी-20 सामना जिंकावा लागेल. टीम इंडियाने लखनौच्या या मैदानावर आतापर्यंत दोन टी-20 आंतरराष्ट्रीय सामने खेळले आहेत आणि दोन्ही जिंकले आहेत. दोन्ही वेळा टीम इंडियाने नाणेफेक जिंकून प्रथम फलंदाजी केली आणि 190+ धावा केल्या. टीम इंडियाने येथे श्रीलंका आणि वेस्ट इंडिजचा पराभव केला आहे. (हे देखील वाचा: IND vs NZ 2nd T20 Live Streaming: भारतासाठी आजचा सामना असेल करो किंवा मरो, जाणून घ्या कधी आणि कुठे पाहणार लाइव्ह)
सर्वांच्या नजरा या खेळाडूंकडे असतील
सूर्यकुमार यादव
टीम इंडियाचा स्टार फलंदाज सूर्यकुमार यादव सध्या जबरदस्त फॉर्ममध्ये आहे. नुकत्याच झालेल्या श्रीलंकेविरुद्धच्या टी-20 मालिकेत सूर्यकुमार यादवने शानदार फलंदाजी केली. अशा स्थितीत आज सूर्यकुमार यादवच्या बॅटने काम केले तर न्यूझीलंडच्या गोलंदाजांच काही खंर नाही
शुभमन गिल
टीम इंडियाचा युवा सलामीवीर शुभमन गिल उत्कृष्ट लयीत दिसत आहे. न्यूझीलंडविरुद्धच्या वनडे मालिकेत शुभमन गिलच्या बॅटला आग लागली आहे. पहिल्या सामन्यात त्याच्या बॅटमधून धावा निघाल्या नाहीत. टी-20 मालिकेतही सर्वांच्या नजरा शुभमन गिलवर असतील.
शिवम मावी
टीम इंडियाचा युवा वेगवान गोलंदाज शिवम मावीने श्रीलंकेविरुद्ध खेळल्या गेलेल्या टी-20 मालिकेत चेंडूने धुमाकूळ घातला. आज जर शिवम मावीला प्लेइंग इलेव्हनमध्ये संधी मिळाली तर न्यूझीलंडच्या फलंदाजांना मोठा त्रास देवू शकतो.
मालिकेत 1-0 अशी आघाडी
टीम इंडिया आणि न्यूझीलंड यांच्यातील तीन सामन्यांच्या T20 मालिकेतील पहिला सामना 27 जानेवारीला रांचीमध्ये खेळला गेला होता. डेव्हन कॉनवे (52) आणि डॅरिल मिशेल (59) यांच्या अर्धशतकांच्या जोरावर न्यूझीलंडने प्रथम फलंदाजी करताना 176 धावा केल्या. प्रत्युत्तरात टीम इंडियाला निर्धारित 20 षटकांत केवळ 155 धावाच करता आल्या. अशाप्रकारे न्यूझीलंड संघाने या मालिकेत 1-0 अशी आघाडी घेतली आहे.
(The above story first appeared on LatestLY on Jan 29, 2023 04:12 PM IST. For more news and updates on politics, world, sports, entertainment and lifestyle, log on to our website latestly.com).
