Moon Drifting Away: काय सांगता? पृथ्वीपासून दूर जात आहे चंद्र; 25 तासांचा होईल एक दिवस, शास्त्रज्ञांचा दावा

Moon Drifting Away: चंद्र आपल्या पृथ्वीपासून दूर जात असल्याचा दावा एका वैज्ञानिक अभ्यासात करण्यात आला आहे. तो दरवर्षी सुमारे 3.8 सेंटीमीटर वेगाने दूर जात आहे. चंद्राची हीच प्रवृत्ती कायम राहिल्यास पृथ्वीवर 25 तासांचा दिवस असेल. शास्त्रज्ञांनी असाही दावा केला आहे की, पृथ्वीवर पूर्वी एक दिवस हा 18 तासांपेक्षा थोडा जास्त असायचा. चंद्र दूर जाण्याने पृथ्वीवरील जीवनाच्या अस्तित्वावर अनेक दूरगामी परिणाम होऊ शकतात. अभ्यासातून असे दिसून आले आहे की, चंद्राच्या पृथ्वीपासून दूर जाण्याचा वेग अजूनही तुलनेने कमी आहे, परंतु भूवैज्ञानिक घटना, पृथ्वीच्या परिभ्रमणाचा वेग आणि इतर खंडीय घटनांमुळे तो वेळोवेळी बदलत आहे.

विस्कॉन्सिन-मॅडिसन विद्यापीठाच्या (University of Wisconsin-Madison) एका चमूने पृथ्वीचा नैसर्गिक उपग्रह चंद्रामध्ये होत असलेल्या बदलांचा एक संशोधन अहवाल प्रसिद्ध केला आहे. अहवालानुसार चंद्र पृथ्वीपासून दरवर्षी 3.8 सेंटीमीटर वेगाने दूर जात आहे. याचा पृथ्वीवरील दिवसांच्या लांबीवर लक्षणीय परिणाम होईल. जर हा ट्रेंड चालू राहिला तर पृथ्वीवरील एक दिवस 25 तासांपर्यंत असू शकतो. शास्त्रज्ञांच्या अहवालानुसार, सुमारे 1.4 अब्ज वर्षांपूर्वी, पृथ्वीवरील एक दिवस 18 तासांपेक्षा थोडा जास्त होता. (हेही वाचा: Dark Comets Hidden Threats: 'डार्क धूमकेतू', पृथ्वीसाठी ठरु शकतात मानवी कल्पनेपेक्षाही अधिक धोकादायक)

पहा पोस्ट-

Moon Drifting Away, Earth Could Have 25 Hours In A Day: Study https://t.co/3Vh55WcQIt pic.twitter.com/y1F1JTuFIz

— NDTV (@ndtv) August 2, 2024

 

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Aug 02, 2024 09:27 PM IST. For more news and updates on politics, world, sports, entertainment and lifestyle, log on to our website latestly.com).